使徒行傳 19:9 - 現代台語譯本羅馬字版

⁹ Put-kò ū chi̍t-kóa lâng kò͘-chip m̄ sìn, tī hōe-chiòng bīn-chêng húi-pòng Chú ê Tō-lō͘. Pó-lô chiū chhōa bûn-tô͘ lī-khui in, ta̍k-ji̍t tī Chhui-lat-lô͘ ê káng-tn̂g kap lâng tâm-lūn.

現代台語譯本漢字版

⁹ 不過有一寡人固執毋信，佇會眾面前誹謗主的道路。保羅就導門徒離開𪜶，逐日佇推喇奴的講堂及人談論。

使徒行傳 19:9 Iomraidhean Croise

列王紀下卷 17:14

M̄-kú in m̄ thiaⁿ-thàn, chhin-chhiūⁿ in ê lia̍t-chó͘ ngī-sim kò͘-chip, m̄-khéng hóe-kái, m̄ sìn-ho̍k Siōng Chú — in ê Siōng-tè.

歷代志下卷 30:8

Taⁿ m̄-thang chhin-chhiūⁿ lín ê lia̍t-chó͘ ngī-sim kò͘-chip; tio̍h kui-sūn Siōng Chú, chìn-ji̍p I éng-oán hun-pia̍t-choh-sèng ê sèng-tiān, koh tio̍h ho̍k-sāi Siōng Chú — lín ê Siōng-tè, hō͘ I bô koh tùi lín hoat tōa siū-khì.

歷代志下卷 36:16

m̄-kú in thí-chhiò Siōng-tè ê sù-chiá, biáu-sī I ê ōe, ki-chhì I ê sian-ti, tì-kàu Siōng Chú tùi I ê chú-bîn hoat tōa siū-khì, hō͘ in bô hoat-tō͘ tit-tio̍h kái-kiù.

Nî-hi-bí-kì 9:29

Lí khoàn-kài in, ài in oa̍t-tńg sūn-thàn lí ê lu̍t-hoat; m̄-kú in kiau-ngō͘ chū-tāi, m̄ thiaⁿ-thàn lí ê kài-bēng, ûi-pōe lí ê bēng-lēng — lâng nā chun-hêng, chiū ōe tit-tio̍h oa̍h-miā — keng-thâu oa̍t-cháu, ngī-sim kò͘-chip, m̄-khéng thiaⁿ-thàn.

Si-phian 95:8

Lín m̄-thang ngī-sim, chhin-chhiūⁿ tī Bí-lī-pa ê sî, chhin-chhiūⁿ tī khòng-iá ê Má-sat hit chi̍t ji̍t.

Chim-giân 8:34

Thiaⁿ-thàn góa ê lâng chin ū hok-khì! In ta̍k-ji̍t tī góa ê mn̂g-kháu teh tán, tī góa ê mn̂g-piⁿ teh thèng-hāu.

Í-sài-a-su 8:14

Góa ōe chiâⁿ-chòe sèng-só͘, mā ōe chòe hō͘ Í-sek-lia̍t nn̄g kok poa̍h-tó ê chio̍h, that-gāi ê tōa tè chio̍h, chòe Iâ-lō͘-sat-léng chū-bîn ê oa̍h-tauh kap lô-bāng.

Iâ-lī-bí-su 19:15

“Siōng Chú — Bān-kun ê Thóng-sòe, Í-sek-lia̍t ê Siōng-tè án-ni kóng: Khòaⁿ leh, góa beh kàng chai-hō hō͘ chit-ê siâⁿ kap i chiu-ûi ê siâⁿ-tìn, in-ūi hiah-ê chū-bîn ngī-sim kò͘-chip, m̄-khéng thiaⁿ góa ê ōe.”

Iâ-lī-bí-su 7:26

M̄-kú in iû-goân m̄ thiaⁿ, m̄ chù-ì thiaⁿ góa ê ōe; tian-tò ngī-sim kò͘-chip, pí in ê lia̍t-chó͘ chòe koh-khah pháiⁿ ê sū.

馬太福音 15:14

Chhut-chāi in kóng. In sī chhiⁿ-mî teh khan chhiⁿ-mî; nā chhiⁿ-mî khan chhiⁿ-mî, nn̄g ê lóng ōe poa̍h-lo̍h khut-á.”

馬太福音 16:4

Siâ-ok kan-îm ê sè-tāi iau-kiû sîn-jiah; Iok-ná ê sîn-jiah í-gōa, bōe koh ū sîn-jiah hō͘ chit sè-tāi ê lâng.” Kóng-liáu, Iâ-so͘ chiū lī-khui in khì pa̍t-ūi.

馬太福音 26:55

Hit-sî Iâ-so͘ tùi kûn-chiòng kóng, “Lín gia̍h to gia̍h kùn chhut-lâi lia̍h góa, sī beh lia̍h kiông-tō sī--bô? Góa ta̍k-ji̍t tī Sèng-tiān chē-teh kà-sī lâng, lín bô kā góa lia̍h.

Iok-hān Hok-im 12:40

Siōng-tè hō͘ in ê ba̍k-chiu bōe khòaⁿ--kìⁿ, hō͘ in ê sim ngī, chiah bián in ê ba̍k-chiu khòaⁿ--kìⁿ, in ê sim bêng-pe̍k, lâi kui-ǹg góa, góa chiū kā in i-hó.

使徒行傳 11:26

chhē--tio̍h chiū chhōa i khì An-thê-o. Chiok-chiok chi̍t nî kú, in nn̄g ê kap kàu-hōe ê lâng chū-hōe, kà-sī chin chōe lâng. Bûn-tô͘ kiò-chòe “Ki-tok-tô͘” sī tùi An-thê-o khai-sí.

使徒行傳 14:4

Siâⁿ-lāi ê kûn-chiòng soah hun-lia̍t, ū-ê óa Iû-thài-lâng, ū-ê óa sù-tô͘.

使徒行傳 17:4

In tiong-kan ū lâng siū sòe-ho̍k lâi sìn, chiū khì tè Pó-lô kap Se-la; kî-tiong ū chi̍t tōa-tīn kèng-ùi Siōng-tè ê Hi-la̍h-lâng, koh ū bōe chió kùi-hu-jîn.

使徒行傳 19:23

Tú hit-sî, koan-hē Chú ê Tō-lō͘ tī Í-hut-só͘ ín-khí giâm-tiōng ê jiáu-loān.

使徒行傳 19:30

Pó-lô siūⁿ-beh ji̍p-khì kûn-chiòng lāi-bīn, m̄-kú bûn-tô͘ kā i chó͘-chí.

使徒行傳 20:31

Só͘-í, lín tio̍h kéng-séng, ōe-kì-tit góa saⁿ nî kú mî-ji̍t lâu ba̍k-sái khoàn-kài lín ta̍k-ê lâng.

使徒行傳 22:4

Góa bat pek-hāi sìn-hōng chit-ê Tō-lō͘ ê lâng, hō͘ in tì-kàu sí, bô-lūn lâm, lú, lóng kā in lia̍h-khì koaiⁿ-kaⁿ.

使徒行傳 24:21

Chí-ū chi̍t hāng sū in ōe-tàng kā góa khòng-kò, chiū-sī góa bat khiā tī in tiong-kan tōa-siaⁿ kóng, ‘Góa kin-á-ji̍t siū lín sím-phòaⁿ, sī ūi-tio̍h sí-lâng ê koh-oa̍h.’”

使徒行傳 28:22

Put-kò goán ài thiaⁿ lí ê kiàn-kái, in-ūi goán chai lín chit-phài ê lâng tī ta̍k só͘-chāi hō͘ lâng hoán-tùi.”

使徒行傳 7:51

“Lín chiah-ni̍h kò͘-chip! Lín ê sim ngī, hī-khang m̄ thiaⁿ! Lín kap lín ê chó͘-sian sio-siâng, put-sî hoán-khòng Sèng Sîn!

使徒行傳 9:2

iau-kiû tōa-chè-si siá kong-hâm hō͘ Tāi-má-sū-kek ta̍k-ê hōe-tn̂g, chún i so͘-cha, nā ū chhē-tio̍h sìn-hōng chit-ê Tō-lō͘ ê lâng, bô-lūn lâm lú, thang kā in pa̍k--khí-lâi, ah-khì Iâ-lō͘-sat-léng.

Lô-má-su 11:7

Nā án-ni, Í-sek-lia̍t-lâng bô tit-tio̍h in teh tui-chhē--ê, chí-ū Siōng-tè só͘ kéng-soán ê chió-sò͘-lâng ū tit--tio̍h. Kî-tha ê lâng sim ngī m̄ thiaⁿ,

Lô-má-su 9:18

Só͘-í, Siōng-tè beh lîn-bín sím-mi̍h-lâng chiū kā i lîn-bín, beh hō͘ sím-mi̍h-lâng sim ngī chiū hō͘ i sim ngī.

哥林多前書 16:9

Tī chia sui-jiân ū chin chōe hoán-tùi ê lâng, m̄-kú mn̂g ūi góa tōa khui, thang chòe ū hāu-kó ê kang-chok.

提摩太前書 6:5

tì-kàu sim-su pāi-hoāi, sòng-sit chin-lí, hun-cheng bô-thêng; in siūⁿ-kóng chong-kàu sī thàn-chîⁿ ê chhiú-tōaⁿ.

提摩太後書 1:15

Lí chai, tī A-sè-a ê lâng lóng pōe-poān góa, kî-tiong ū Hui-kiat-lō͘ kap Hek-mô͘-kî-nî.

提摩太後書 3:5

ū kèng-khiân ê gōa-māu khiok bô kèng-khiân ê si̍t-chit. Lí tio̍h siám-pī chit-khoán lâng.

提摩太後書 4:2

Tio̍h thoân tō-lí, bô-lūn sî-ki sek-ha̍p bô sek-ha̍p lóng tio̍h kian-chhî khì thoân; tio̍h ēng chòe tōa ê nāi-sim kap kàu-tō lâi khoàn-bián, tok-chek, kó͘-lē.

Hi-pek-lâi-su 3:13

Tio̍h thàn iáu ū hit-ê kiò-chòe “kin-á-ji̍t” ê sî, ji̍t-ji̍t saⁿ khoàn-bián, lín tiong-kan chiah bián ū lâng siū chōe-ok bê-he̍k tì-kàu ngī-sim.

Pí-tek Hō͘-su 2:12

M̄-kú, chiah-ê lâng kap chhut-sì chiū thàn pún-lêng teh oa̍h, beh hō͘ lâng lia̍h-khì thâi ê iá-siù kâng-khoán, in húi-pòng ka-kī m̄-bat ê sū; iá-siù húi-bia̍t, in mā ōe án-ni siū húi-bia̍t,

Pí-tek Hō͘-su 2:2

M̄-kú iáu ū chin chōe lâng o̍h in îm-loān ê seng-oa̍h, tì-kàu chin-lí ê Tō-lō͘ in-ūi in siū húi-pòng.

Iû-tāi-su 1:10

M̄-kú chiah-ê lâng húi-pòng in só͘ bô liáu-kái ê sū; in chhin-chhiūⁿ iá-siù khì chòe chiàu pún-lêng só͘ chai ê tāi-chì, kiat-kó siū húi-bia̍t.