Bìoball air-loidhne

使徒行傳 16:16 - 現代台語譯本羅馬字版

¹⁶ Ū chi̍t ji̍t, goán beh khì kî-tó ê só͘-chāi, ū tú-tio̍h chi̍t ê hō͘ pok-kòa ê sîn hū-sin ê cha-bó͘ lô͘-lē, i khò pok-kòa hō͘ chú-lâng thàn chin chōe chîⁿ.

Faic an caibideil Dèan lethbhreac

現代台語譯本漢字版

¹⁶ 有一日，阮欲去祈禱的所在，有抵著一個互卜卦的神附身的查某奴隸，伊靠卜卦互主人賺真多錢。

Faic an caibideil Dèan lethbhreac

dol air ais ⬆

使徒行傳 16:16
21 Iomraidhean Croise

列王紀下卷 21:6

I sio i ê kiáⁿ hiàn-chòe chè, pok-kòa, kiâⁿ hoat-su̍t, mn̄g khan-bông--ê kap tâng-ki toh-thâu; chòe chin chōe Siōng Chú khòaⁿ-chòe pháiⁿ ê sū, kek Siōng Chú siū-khì.

Faic an caibideil

歷代志上卷 10:13

Án-ni Sò-lô sí, in-ūi i pōe-poān Siōng Chú, bô siú Siōng Chú ê bēng-lēng, khì chhē ang-î, kiû i chí-tiám,

Faic an caibideil

Í-sài-a-su 8:19

Nā ū lâng kā lín kóng, “Lín tio̍h khì mn̄g khan-bông--ê kap tâng-ki toh-thâu; in ki-ki-kiu̍h-kiu̍h, ēng lâng thiaⁿ-bô ê ōe liām-tang-liām-sai. Jîn-bîn kiám bōe-ēng-tit kiû-mn̄g in ê sîn-bêng, á-sī thòe oa̍h-lâng khì mn̄g sí--khì ê lâng?”

Faic an caibideil

Lī-bī-kì 19:31

M̄-thang khì chhē khan-bông--ê, mā m̄-thang khì mn̄g tâng-ki, toh-thâu, lâi phah lâ-sâm ka-kī. Góa sī Siōng Chú — lín ê Siōng-tè.

Faic an caibideil

Lī-bī-kì 20:27

Khan-bông--ê, á-sī tâng-ki toh-thâu, bô-lūn sī lâm sī lú, it-tēng tio̍h kā in chhú-sí, ēng chio̍h-thâu kā in tìm-sí; in tio̍h tùi ka-kī ê chōe hū chek-jīm.

Faic an caibideil

Lī-bī-kì 20:6

Nā ū lâng khì chhē khan-bông--ê á-sī tâng-ki toh-thâu, tè in khì pài ngó͘-siōng kiâⁿ siâ-îm, góa beh tùi hit-ê lâng pìⁿ-bīn, kā i tùi jîn-bîn ê tiong-kan kek-chhut.

Faic an caibideil

使徒行傳 16:13

Tī An-hioh-ji̍t, goán chhut-siâⁿ khì hô-piⁿ, siūⁿ-kóng tī hia ū kî-tó ê só͘-chāi. Goán chē--lo̍h-khì, chiū tùi chū-chi̍p tī hia ê hū-lú kóng tō-lí.

Faic an caibideil

使徒行傳 16:18

I chin chōe ji̍t lóng án-ni hoah; Pó-lô kám-kak chin thó-ià, chiū oa̍t kè-khì kā hit-ê siâ-sîn kóng, “Góa hōng Iâ-so͘ Ki-tok ê miâ bēng-lēng lí tùi i chhut--khì!” Siâ-sîn sûi-sî tùi i chhut--khì.

Faic an caibideil

使徒行傳 16:19

Cha-bó͘ lô͘-lē ê chú-lâng khòaⁿ-tio̍h in thàn-chîⁿ ê ǹg-bāng lóng bô--khì, chiū kā Pó-lô kap Se-la khiú--teh, thoa in khì chhī-tiong-sim kìⁿ koaⁿ-oân,

Faic an caibideil

使徒行傳 19:24

Ū chi̍t ê kiò-chòe Tí-bí-te̍k ê phah-kim sai-hū, i ēng gûn chō lú-sîn A-tí-bí ê biō ê bô͘-hêng, hō͘ chi̍t-kóa sai-hū thàn bōe chió chîⁿ.

Faic an caibideil

加拉太書 5:20

pài ngó͘-siōng, kiâⁿ siâ-su̍t, te̍k-tùi, tò͘-cheng, chi̍t-tò͘, siū-khì, chū-su, kiat-tóng, hun-phài,

Faic an caibideil

提摩太前書 6:10

In-ūi tham-châi sī bān-ok ê kun-goân; ū lâng tham-ài chîⁿ-châi, siū bê phian-lī sìn-gióng, ka-kī siū-chīn khó͘-thàng.

Faic an caibideil

提摩太後書 3:8

Chhin-chhiūⁿ chá-chêng Ngá-nî kap Iông-pò͘-lûi hoán-tùi Mô͘-se, hiān-chāi chiah-ê lâng mā án-ni hoán-tùi chin-lí, tì-kàu sim-chì pāi-hoāi, sìn-gióng bô sûn-chin.

Faic an caibideil

Pí-tek Hō͘-su 2:3

Chiah-ê ké kàu-su in-ūi tham-sim, ōe ēng liap-chō ê kò͘-sū pián lín ê châi-bu̍t. Tùi chit-khoán lâng ê tēng-chōe chá chiū koat-tēng; in chin kín chiū bia̍t-bông.

Faic an caibideil

撒母耳記上卷 28:3

Hit-sî Sat-bó-ní í-keng sí, só͘-ū ê Í-sek-lia̍t-lâng ūi-tio̍h i ai-khàu, kā i bâi-chòng tī i ê kò͘-hiong La-má. Sò-lô bat chiong ang-î kap kiâⁿ siâ-su̍t--ê lóng kóaⁿ-chhut kok-kéng.

Faic an caibideil

撒母耳記上卷 28:7

Sò-lô hoan-hù i ê po̍k-jîn kóng, “Kā góa chhē chi̍t ê ang-î, góa thang khì mn̄g i.” Po̍k-jîn kóng, “Tī Ún To-ní ū chi̍t ê ang-î.”

Faic an caibideil

Lean sinn:

Ceanglaichean taic

Sanasan

Sanasan