Bìoball air-loidhne

使徒行傳 10:43 - 現代台語譯本羅馬字版

⁴³ Só͘-ū ê sian-ti lóng ūi-tio̍h I chòe kiàn-chèng kóng, sìn I ê lâng lóng ōe in-ūi I ê miâ tit-tio̍h sià-chōe.”

Faic an caibideil Dèan lethbhreac

現代台語譯本漢字版

⁴³ 所有的先知攏為著伊做見證講，信伊的人攏會因為伊的名得著赦罪。」

Faic an caibideil Dèan lethbhreac

dol air ais ⬆

使徒行傳 10:43
35 Iomraidhean Croise

Í-sài-a-su 53:11

Keng-le̍k siū-khó͘, i ōe khòaⁿ-kìⁿ kng. Tùi i ê thé-giām, i ōe sim-móa-ì-chiok. Góa gī ê po̍k-jîn ōe hō͘ chin chōe lâng chiâⁿ-chòe gī-lâng; i beh tam-tng in ê chōe-kò.

Faic an caibideil

Iâ-lī-bí-su 31:34

In m̄-bián koh kàu-tō ka-kī ê chhù-piⁿ kap tông-pau, kóng, ‘Lín tio̍h jīn-bat Siōng Chú.’ In-ūi in tùi tōa kàu sòe lóng ōe jīn-bat góa. Góa beh sià-bián in ê chōe-kò, kā in ê chōe pàng bōe-kì--tit.” Siōng Chú án-ni soan-pò͘.

Faic an caibideil

Tān-í-lí-su 9:24

“Siōng-tè ūi-tio̍h lí ê tông-pau kap Sèng-siâⁿ chí-tēng chi̍t tōaⁿ sî-kan, chiū-sī chhit-cha̍p lé-pài. Hit-sî, lín bô koh pōe-poān, chōe tit-tio̍h sià-bián, chōe-kò tit-tio̍h chhat-siau, éng-oán ê kong-gī khai-sí si̍t-chián, īⁿ-siōng kap ū-giân tit-tio̍h èng-giām, koh-chài kā Chì-sèng-só͘ boah-iû.

Faic an caibideil

Bí-ka-su 7:18

Siōng-tè ah, kiám ū pa̍t-ê sîn-bêng ōe-tàng kap lí pí? Lí sià-bián chōe-kò, khoan-sià só͘ chhun ê chú-bîn hoān ê kè-sit. Lí bô éng-oán khǹg siū-khì, hoán-tńg ì-ài lîn-bín.

Faic an caibideil

Sat-ka-lī-a-su 13:1

Tī hit-ji̍t, beh ūi-tio̍h Tāi-pi̍t ê hō͘-tāi kap Iâ-lō͘-sat-léng ê chū-bîn khui chi̍t ê chúi-chôaⁿ, thang sóe-tû in ê chōe-ok kap lâ-sâm.

Faic an caibideil

Má-la-ki-su 4:2

M̄-kú, lín chiah-ê kèng-ùi góa ê lâng, kong-gī ê ji̍t-thâu ōe chhut-hiān kā lín chiò; i ê kng ū i-tī ê kong-lêng. Lín ōe chhin-chhiūⁿ gû-káng-á chhut gû-tiâu phut-phut-thiàu.”

Faic an caibideil

Má-khó Hok-im 16:16

Sìn lâi niá-siū sóe-lé ê lâng ōe tit-tio̍h kiù; m̄-sìn ê lâng ōe siū tēng-chōe.

Faic an caibideil

Lō͘-ka Hok-im 24:47

koh lín tio̍h hōng I ê miâ thoân hóe-kái lâi tit-tio̍h sià-chōe ê tō-lí, tùi Iâ-lō͘-sat-léng khí, thoân kàu bān-kok.

Faic an caibideil

Iok-hān Hok-im 1:45

Hui-le̍k tú-tio̍h Ná-tàn-gia̍p, tùi i kóng, “Mô͘-se tī Lu̍t-hoat-su só͘ siá, í-ki̍p sian-ti só͘ kì-chài Hit-ūi, goán í-keng ū tú--tio̍h, chiū-sī Iok-sek ê kiáⁿ Ná-sat-le̍k-lâng Iâ-so͘.”

Faic an caibideil

Iok-hān Hok-im 20:31

Kì-chài chiah-ê sī beh hō͘ lín sìn Iâ-so͘ sī Ki-tok, sī Siōng-tè ê Kiáⁿ, koh hō͘ lín thong-kè sìn, khò I ê miâ tit-tio̍h oa̍h-miā.

Faic an caibideil

Iok-hān Hok-im 5:24

“Góa si̍t-si̍t-chāi-chāi kā lín kóng, thiaⁿ góa ê ōe koh sìn chhe góa Hit-ūi ê lâng ū éng-oán ê oa̍h-miā; i í-keng chhut-sí-ji̍p-oa̍h, m̄-bián siū sím-phòaⁿ.

Faic an caibideil

使徒行傳 15:9

Tùi sìn, I ū kā in ê sim sóe chheng-khì; I tùi-thāi lán kap in lóng bô chha-pia̍t.

Faic an caibideil

使徒行傳 2:38

Pí-tek tùi in kóng, “Tio̍h hóe-kái, ta̍k-ê lâng lóng tio̍h hōng Iâ-so͘ Ki-tok ê miâ siū sóe-lé, hō͘ lín ê chōe tit-tio̍h sià-bián, chiū ōe niá-siū Siōng-tè só͘ sù ê Sèng Sîn.

Faic an caibideil

使徒行傳 26:18

khui in ê ba̍k-chiu, hō͘ in lī-khui o͘-àm chìn-ji̍p kng-bêng, lī-khui Sat-tàn ê koân-sè kui-ǹg Siōng-tè, hō͘ in tùi sìn góa tit-tio̍h sià-chōe, koh sêng-siū choh Siōng-tè soán-bîn ê tōe-ūi.’”

Faic an caibideil

使徒行傳 26:22

Kàu kin-á-ji̍t, góa tit-tio̍h Siōng-tè ê pang-chān, ōe-tàng khiā tī chia tùi chun-kùi kap pi-bî ê lâng chòe kiàn-chèng. Góa só͘ kóng--ê, kap sian-ti í-ki̍p Mô͘-se só͘ kóng--ê kâng-khoán, sī koan-hē chiong-lâi beh hoat-seng ê sū,

Faic an caibideil

使徒行傳 3:16

Tùi sìn-khò chit-ê miâ, chiū-sī Iâ-so͘ ê miâ, lín só͘ khòaⁿ--kìⁿ só͘ bat chit-ê kha-pái ê lâng, ū tit-tio̍h khùi-la̍t. Tùi Iâ-so͘ só͘ sù ê sìn-sim, chit-ê lâng oân-choân hó--khí-lâi. Chit-hāng tāi-chì lín tāi-ke lóng ū khòaⁿ--tio̍h.

Faic an caibideil

使徒行傳 3:18

Siōng-tè ū thong-kè chèng sian-ti ê chhùi ū-giân I ê Ki-tok tio̍h siū-khó͘, chit-ê tāi-chì kó-jiân èng-giām lah.

Faic an caibideil

Lô-má-su 10:11

Sèng-keng ū án-ni kì-chài, “Sìn I ê lâng bōe tì-kàu sit-bāng.”

Faic an caibideil

Lô-má-su 3:21

Hiān-chāi, Siōng-tè í-keng kā lán chí-sī, lán m̄-bián khò Lu̍t-hoat ōe-tàng kap I kiàn-li̍p ha̍p-gî ê koan-hē; Lu̍t-hoat kap sian-ti lóng ūi-tio̍h che chòe kiàn-chèng.

Faic an caibideil

Lô-má-su 5:1

Kì-jiân, lán tùi sìn siū chheng-chòe gī-lâng, chiū thong-kè lán ê Chú Iâ-so͘ Ki-tok kap Siōng-tè ū hô-bo̍k ê koan-hē.

Faic an caibideil

Lô-má-su 6:23

In-ūi chōe ê tāi-kè sī sí, m̄-kú Siōng-tè thong-kè lán ê Chú Ki-tok Iâ-so͘ pe̍h-pe̍h sù hō͘ lán ê un-tián sī éng-oán ê oa̍h-miā.

Faic an caibideil

Lô-má-su 8:1

Án-ni hiah-ê kap Ki-tok Iâ-so͘ kiat-liân ê lâng chiū bô siū tēng-chōe.

Faic an caibideil

Lô-má-su 8:34

Nā án-ni, siáⁿ-lâng ōe-tàng kā in tēng-chōe? Bô! Ki-tok Iâ-so͘ í-keng sí, koh Siōng-tè ū hō͘ I tùi sí-lâng tiong koh-oa̍h, taⁿ chē tī Siōng-tè ê chiàⁿ-pêng teh thòe lán kî-kiû.

Faic an caibideil

加拉太書 3:22

M̄-kú Sèng-keng toàn-tēng choân sè-kài lóng tī chōe-ok koán-hat ê ē-bīn, thang hō͘ Siōng-tè chiong èng-ún thong-kè sìn Iâ-so͘ Ki-tok sù hō͘ sìn ê lâng.

Faic an caibideil

Í-hut-só͘-su 1:7

Tùi Ki-tok, thong-kè I ê sí, lán tit-tio̍h chū-iû, chōe-kò tit-tio̍h sià-bián. Siōng-tè ê un-tián si̍t-chāi chin hong-hù;

Faic an caibideil

Ko-lô-se-su 1:14

lán tùi I ê Kiáⁿ tit-tio̍h kiù-sio̍k, chōe tit-tio̍h sià-bián.

Faic an caibideil

Hi-pek-lâi-su 13:20

Siōng-tè í-keng hō͘ lán ê Chú Iâ-so͘ tùi sí-lâng tiong koh-oa̍h. I thong-kè Iâ-so͘ só͘ lâu ê huih khak-li̍p éng-oán ê iok, hō͘ Iâ-so͘ chiâⁿ-chòe iûⁿ-kûn ê Tōa-bo̍k-chiá. Goān chit-ūi sù pêng-an ê Siōng-tè hō͘ lín tī ta̍k-hāng hó-sū oân-choân lâi kiâⁿ I ê chí-ì, thong-kè Iâ-so͘ Ki-tok tī lán tiong-kan sêng-chiū I só͘ hoaⁿ-hí ê sū! Goān êng-kng kui hō͘ Siōng-tè, ti̍t-kàu éng-éng-oán-oán. Amen!

Faic an caibideil

彼得前書 1:11

In tit-tio̍h tī in sim-lāi Ki-tok ê Sîn tùi in ê chí-sī, cha-khó koan-hē Ki-tok ê siū-khó͘ kap āu-lâi tit-tio̍h êng-kng chit-ê ū-giân ōe tī sím-mi̍h sî, ōe án-chóaⁿ si̍t-hiān.

Faic an caibideil

Khé-sī-lio̍k 19:10

Góa chiū phak tī thiⁿ-sài ê kha-chêng beh kā i pài. M̄-kú i kā góa kóng, “Choa̍t-tùi m̄-thang! Góa kap lí, í-ki̍p hiah-ê chhî-siú Iâ-so͘ kiàn-chèng ê lâng lóng pîⁿ-pîⁿ chòe po̍k-jîn; lí tio̍h pài Siōng-tè!” In-ūi Iâ-so͘ ê kiàn-chèng sī sian-ti siū kám-tōng só͘ kóng sìn-sit ê tiong-sim.

Faic an caibideil

Lean sinn:

Ceanglaichean taic

Sanasan

Sanasan