Bìoball air-loidhne

使徒行傳 1:8 - 現代台語譯本羅馬字版

⁸ M̄-kú Sèng Sîn lîm-kàu lín ê sî, lín ōe tit-tio̍h lêng-le̍k, tī Iâ-lō͘-sat-léng, choân Iû-thài kap Sat-má-lī-a, ti̍t-kàu thiⁿ-piⁿ-hái-kak ūi-tio̍h góa chòe kiàn-chèng.”

Faic an caibideil Dèan lethbhreac

現代台語譯本漢字版

⁸ 毋拘聖神臨到恁的時，恁會得著能力，佇耶路撒冷、全猶太及撒馬利亞，直到天邊海角為著我做見證。」

Faic an caibideil Dèan lethbhreac

dol air ais ⬆

使徒行傳 1:8
34 Iomraidhean Croise

Si-phian 22:27

Tōe-chiūⁿ só͘-ū ê lâng lóng ōe-kì-tit Siōng Chú ê só͘-chòe lâi kui-sūn I; sè-chiūⁿ bān-cho̍k lóng ōe tī I bīn-chêng kèng-pài.

Faic an caibideil

Si-phian 98:3

I ōe-kì-tit I tùi Í-sek-lia̍t-ke èng-ún ê chû-ài kap sìn-si̍t; thiⁿ-piⁿ-hái-kak lóng ū khòaⁿ-kìⁿ lán ê Siōng-tè ê chín-kiù.

Faic an caibideil

Í-sài-a-su 42:10

Hái kap hái-tiong it-chhè ê seng-bu̍t, hái-tó kap tó-lāi ê chū-bîn ah, tio̍h tùi Siōng Chú chhiùⁿ sin ê koa, tùi thiⁿ-piⁿ-hái-kak chheng-chàn I.

Faic an caibideil

Í-sài-a-su 49:6

Hiān-chāi Siōng Chú tùi góa kóng, “Góa beh hō͘ lí chòe góa ê po̍k-jîn, hō͘ Ngá-kok ta̍k chi-cho̍k koh ho̍k-heng, kā liû-bông ê Í-sek-lia̍t-lâng chhōa--tńg-lâi. Góa beh koh hō͘ lí chi̍t hāng tiōng-iàu ê jīm-bū, hō͘ lí chòe bān-kok ê kng, hō͘ góa ê chín-kiù phó͘-ki̍p thiⁿ-piⁿ-hái-kak.”

Faic an caibideil

Í-sài-a-su 52:10

Siōng Chú í-keng tī bān-kok ê gán-chêng hián-chhut I sîn-sèng ê khùi-la̍t; phó͘-thiⁿ-ē ê lâng lóng ōe khòaⁿ-kìⁿ lán ê Siōng-tè ê chín-kiù.

Faic an caibideil

Í-sài-a-su 66:19

Góa beh tī in tiong-kan chhāi chi̍t ê kì-hō, koh tùi in tiong-kan chhe tô-thoat ê lâng khì lia̍t-kok, chiū-sī Tha-si, Lī-pí-a, gâu siā-chìⁿ ê Lū-tí-a, Thó͘-pa, Hi-la̍h, koh kàu iáu m̄-bat thiaⁿ-tio̍h góa ê miâ, m̄-bat khòaⁿ-tio̍h góa ê êng-kng hiah-ê hn̄g-hn̄g ê hái-tó. In beh tī lia̍t-kok thoân-pò góa ê êng-kng.

Faic an caibideil

Iâ-lī-bí-su 16:19

Siōng Chú ah, lí sī góa ê khùi-la̍t, góa ê pó-lúi, sī góa tú-tio̍h gûi-hiám ê sî ê pī-lān-só͘. Bān-kok ōe tùi thiⁿ-piⁿ-hái-kak lâi kàu lí ê bīn-chêng, kóng, “Goán ê chó͘-sian lâu--lo̍h-lâi--ê sī hu-ké, khang-hu, bô lī-ek ê ngó͘-siōng.

Faic an caibideil

Bí-ka-su 3:8

Góa leh, Siōng Chú ê sîn hō͘ góa chhiong-móa khùi-la̍t, chèng-gī-kám, kap ióng-khì, thang tùi Ngá-kok soan-kò i ê kè-sit, tùi Í-sek-lia̍t chí-chhut i ê chōe.

Faic an caibideil

Sat-ka-lī-a-su 4:6

I kā góa kóe-seh, “Siōng Chú hoan-hù Só͘-lô-pa-pek ê ōe sī án-ni, ‘M̄-sī khò koân-le̍k, m̄-sī khò châi-lêng, tio̍h khò góa ê sîn.’ Siōng Chú — Bān-kun ê Thóng-sòe án-ni soan-pò͘.

Faic an caibideil

馬太福音 24:14

Chit-ê Thian-kok ê hok-im ōe thoân kàu phó͘-thiⁿ-ē, tùi bān-bîn chòe kiàn-chèng, chòe-āu chiong-kio̍k chiah ōe kàu.”

Faic an caibideil

馬太福音 28:19

Só͘-í, lín tio̍h khì chio bān-bîn lâi chòe bûn-tô͘, kā in sóe-lé, hō͘ in kui tī Pē, Kiáⁿ, Sèng Sîn ê miâ,

Faic an caibideil

Má-khó Hok-im 16:15

Iâ-so͘ kā in kóng, “Lín tio̍h khì choân sè-kài tùi só͘-ū pī-chō--ê soan-iông hok-im.

Faic an caibideil

Lō͘-ka Hok-im 1:35

Thiⁿ-sài ìn kóng, “Sèng Sîn beh lîm-kàu lí, Chì-koân Siōng-tè ê koân-lêng beh tì-ìm lí. In-ūi án-ni, hit-ê teh-beh chhut-sì ê eⁿ-á sī sèng--ê, lâng ōe chheng-ho͘ I chòe Siōng-tè ê Kiáⁿ.

Faic an caibideil

Lō͘-ka Hok-im 10:19

Tio̍h chai, góa ū sù lín koân-pèng thang ta̍h chôa kap giat-á-thâng, koh thang chè-ho̍k tùi-te̍k it-chhè ê lêng-le̍k; bô chi̍t hāng ōe kā lín siong-hāi.

Faic an caibideil

Lō͘-ka Hok-im 24:29

put-kò in nn̄g ê kiông-kiông kā I lâu, kóng, “Ji̍t-thâu í-keng lo̍h-soaⁿ, thiⁿ àm lah, chhiáⁿ kap goán tòa.” Iâ-so͘ chiū ji̍p-khì kap in tòa.

Faic an caibideil

Iok-hān Hok-im 15:27

Lín mā tio̍h ūi-tio̍h góa choh-chèng, in-ūi lín tùi khai-sí chiū kap góa chòe-hé.”

Faic an caibideil

使徒行傳 1:5

Iok-hān ēng chúi kā lín sóe-lé, m̄-kú koh bô kúi ji̍t, lín ōe niá-siū Sèng Sîn ê sóe-lé.”

Faic an caibideil

使徒行傳 13:31

ū chi̍t tōaⁿ sî-kan, I hián-hiān hō͘ hiah-ê tùi Ka-lī-lī tè I lâi Iâ-lō͘-sat-léng ê lâng khòaⁿ--kìⁿ. Chiah-ê lâng hiān-chāi tī chèng-lâng tiong teh choh Iâ-so͘ ê kiàn-chèng-jîn.

Faic an caibideil

使徒行傳 2:32

Chit-ūi Iâ-so͘, Siōng-tè í-keng ū hō͘ I koh-oa̍h. Goán lóng sī chit-hāng sū ê kiàn-chèng-jîn.

Faic an caibideil

使徒行傳 22:15

in-ūi lí ōe chiong lí só͘ khòaⁿ--kìⁿ só͘ thiaⁿ--tio̍h-ê tùi bān-bîn chòe kiàn-chèng.

Faic an caibideil

使徒行傳 3:15

Lín thâi-sí oa̍h-miā ê Goân-thâu, chiū-sī Siōng-tè hō͘ I tùi sí-lâng tiong koh-oa̍h Hit-ūi. Goán sī chit-ê tāi-chì ê kiàn-chèng-jîn.

Faic an caibideil

使徒行傳 4:33

Sù-tô͘ ēng tōa lêng-le̍k kiàn-chèng Chú Iâ-so͘ ê koh-oa̍h, chèng-lâng lóng tit-tio̍h tōa un-tián.

Faic an caibideil

使徒行傳 5:32

Goán sī chiah-ê tāi-chì ê kiàn-chèng-jîn. Siōng-tè sù hō͘ sūn-ho̍k I ê lâng ê Sèng Sîn mā ūi-tio̍h chiah-ê tāi-chì choh chèng-jîn.”

Faic an caibideil

使徒行傳 6:8

Sū-thê-hoán chhiong-móa un-sù kap lêng-le̍k, tī bîn-chiòng ê tiong-kan kiâⁿ tōa kî-sū kap sîn-jiah.

Faic an caibideil

使徒行傳 8:1

Thâi-sí Sū-thê-hoán ê tāi-chì Sò-lô mā chàn-sêng. Kâng hit-ji̍t, Iâ-lō͘-sat-léng ê kàu-hōe siū-tio̍h chin tōa ê pek-hāi. Sù-tô͘ í-gōa só͘-ū ê sìn-tô͘ lóng hun-sòaⁿ khì Iû-thài kap Sat-má-lī-a ê ta̍k só͘-chāi.

Faic an caibideil

Lô-má-su 10:18

Put-kò góa beh mn̄g, in kiám chin-chiàⁿ lóng m̄-bat thiaⁿ--tio̍h? Tong-jiân bat! Sèng-keng án-ni kì-chài: In ê siaⁿ-im thoân-piàn choân-tōe; in ê ōe thoân kàu thiⁿ-piⁿ-hái-kak.

Faic an caibideil

Ko-lô-se-su 1:23

Lín tio̍h kian-chhî sìn-gióng, kian-kò͘ khiā-chāi, hō͘ lín thiaⁿ-tio̍h hok-im ê sî só͘ tit--tio̍h ê ǹg-bāng bô tōng-iâu. Chit-ê hok-im í-keng thoân hō͘ thiⁿ-ē só͘-ū ê pī-chō-bu̍t; góa — Pó-lô chiū-sī chit-ê hok-im ê chhe-ēng.

Faic an caibideil

Lean sinn:

Ceanglaichean taic

Sanasan

Sanasan