3 Góa in-ūi âu-kiò ià-siān, góa ê nâ-âu ta--khì; góa in-ūi thèng-hāu Siōng-tè, ba̍k-chiu hoe.
3 我因為喉叫厭倦,我的嚨喉焦去; 我因為聽候上帝,目睭花。
Chóng-sī pháiⁿ-lâng ê ba̍k-chiu ōe sit-bêng; in bô lō͘ thang tô-cháu, in ê ǹg-bāng put-kò sī chòe-āu chi̍t-kháu-khùi.
Góa ê ba̍k-chiu khàu kah ham-ham, ba̍k-chiu-phê tńg o͘;
Góa ǹg-bāng lí ê chín-kiù kap kong-gī ê èng-ún, tì-kàu ba̍k-chiu hoe.
Góa in-ūi ǹg-bāng lí ê èng-ún kàu ba̍k-chiu beh hoe--khì; góa kóng, “Lí sím-mi̍h sî beh an-ùi góa?”
Góa ê cheng-le̍k ta--khì, chhin-chhiūⁿ phòa--khì ê hiā-phìⁿ; góa ê chi̍h liâm tī téng-kiuⁿ bōe kóng-ōe; lí kā góa pàng tī thô͘-kha, chhut-chāi góa sí.
Góa ê Siōng-tè ah, góa ji̍t--sî kiû-kiò, lí bô ìn góa; góa mî--sî kiû-kiò, bô tit-tio̍h an-lêng.
Goān sûn-choân chèng-ti̍t pó-hō͘ góa, in-ūi góa gióng-bōng lí.
“Chú ah, taⁿ góa tio̍h thèng-hāu sím-mi̍h? Góa ê ǹg-bāng chāi-tī lí.
I kà góa gîm sin ê si, chhiùⁿ-koa o-ló lán ê Siōng-tè; chin chōe lâng khòaⁿ--tio̍h chiū kèng-ùi lâi sìn-khò Siōng Chú.
Góa in-ūi haiⁿ-haiⁿ-chhan ià-siān; góa ta̍k-mî lâu ba̍k-sái im góa ê bîn-chhn̂g, sip-tâm góa ê chhn̂g-pho͘.
In the̍h khó͘-táⁿ hō͘ góa chòe chia̍h-mi̍h; góa chhùi-ta, in ēng chhò͘ hō͘ góa lim.
Lí ê siū-khì tāng-tāng teh góa; lí ēng hái-éng tùi sì-bīn im-ba̍t góa.
Góa chhin-chhiūⁿ ìⁿ-á chiu̍h-chiu̍h-kiò, chhin-chhiūⁿ hún-chiáu kū-kū-háu. Góa gia̍h-thâu ǹg thiⁿ, ba̍k-chiu ian-n̄g ià-siān. Góa siū khi-ap, Chú ah, kiû lí kái-kiù góa.
Góa ê ba̍k-chiu in-ūi lâu ba̍k-sái sit-bêng, góa ê tn̂g-á kiáu-ká, góa ê ngó͘-chōng siau-iûⁿ; góa ê tông-pau siū châu-bia̍t, gín-á kap eⁿ-á hūn-tó tī siâⁿ-lāi ê kóng-tiûⁿ.
Chit-ê sū í-āu, Iâ-so͘ chai it-chhè ê tāi-chì í-keng oân-sêng, ūi-tio̍h beh èng-giām Sèng-keng ê ōe chiū kóng, “Góa chhùi-ta.”
Lín ê kiáⁿ cha-bó͘-kiáⁿ ōe tī lín ê bīn-chêng hō͘ pa̍t-cho̍k lia̍h--khì; lín ê ba̍k-chiu kui-ji̍t kim-kim khòaⁿ, tán in tńg--lâi, m̄-kú lín bû-lêng-ûi-le̍k.
Iâ-so͘ chāi-sè ê sî bat tōa-siaⁿ âu-kiò koh lâu ba̍k-sái, ǹg hit-ūi ōe-tàng kiù I thoat-lī sí-bông ê Siōng-tè kî-tó khún-kiû. In-ūi I ê khiân-sêng, Siōng-tè ū thiaⁿ I ê kî-kiû.