哥林多後書 7:1 - 現代台語譯本漢字版

¹ 親愛的朋友，既然咱得著諸個應允，咱著潔淨家己，除去一切互身軀及心靈拍垃墋的事，敬畏上帝互生活完全聖化。

現代台語譯本羅馬字版

¹ Chhin-ài ê pêng-iú, kì-jiân lán tit-tio̍h chiah-ê èng-ún, lán tio̍h kiat-chēng ka-kī, tû-khì it-chhè hō͘ seng-khu kap sim-lêng phah lâ-sâm ê sū, kèng-ùi Siōng-tè hō͘ seng-oa̍h oân-choân sèng-hòa.

哥林多後書 7:1 Iomraidhean Croise

歷代志下卷 19:9

伊閣命令𪜶講：「恁著驚畏上主，忠心誠實辦理代誌。

Si-phian 119:9

少年人著按怎互生活純潔？ 著遵行你的話！

Si-phian 19:9

敬畏上主是純真，永遠無改變； 上主的判斷真實，完全公道，

Si-phian 51:10

上帝啊，求你為我創造純潔的心； 求你賜我新閣忠誠的心靈。

Chim-giân 16:6

因為慈愛信實，罪過得著遮蓋； 敬畏上主，人通離開邪惡。

Chim-giân 20:9

啥人敢講「我已經潔淨我的心， 我的罪已經清氣」？

Chim-giân 30:12

有一寡人看家己做清氣， 毋拘無洗除家己的污穢。

Chim-giân 8:13

敬畏上主就著厭惡邪惡； 驕傲、自大、邪惡的行為， 以及歪曲是非攏是我所厭惡。

Thoân-tō-su 11:10

著將操煩對你的心掃除，痛苦對身軀除去；因為青春無久長，攏是空虛。

Í-sài-a-su 1:16

恁著洗，洗互清氣； 著除去一切邪惡的行為， 互我無閣看著恁啲做歹。

Í-sài-a-su 55:7

邪惡的人著棄拺𪜶的道路； 不義的人著改變𪜶的想法。 𪜶著歸向上主，伊會憐憫𪜶； 著歸向咱的上帝，伊會寬宏赦免𪜶。

Iâ-lī-bí-su 13:27

你佇山崙仔、佇野外服事許個神明，親像出聲行淫亂可惡的景象，我攏有看見。 耶路撒冷啊，你欲到底時才會清氣？你有災禍啦！

Iâ-lī-bí-su 4:14

耶路撒冷啊，著將你心內的邪惡洗清氣，互你通得著解救。你心內的歹念頭欲囥到底時？

Lī-bī-kì 13:58

你洗過的衫，無論是織的抑是刺的，抑是皮做的物件，若菇已經無去，著閣再洗，就清氣。

馬太福音 12:33

「好樹結好果子；歹樹結歹果子；對所結的果子通知樹的好歹。

馬太福音 5:48

既然恁的天父是完全，恁嘛著完全。」

馬太福音 5:8

心清氣的人真有福氣， 因為𪜶會見著上帝。

使徒行傳 9:31

彼時，猶太、加利利，及撒馬利亞逐所在的教會攏有平安，愈堅固發展，所行所做敬畏主，得著聖神的鼓勵，人數一直加添。

Lô-má-su 5:20

律法的制定互罪過加添；毋拘罪加添，上帝的恩典閣較加添。

哥林多前書 6:20

因為恁是伊付出代價買來的。所以，著用恁的身軀榮耀上帝。

哥林多後書 1:20

上帝一切的應允佇耶穌基督攏成做「是」，所以咱才通過伊講「阿們」來歸榮光互上帝。

Í-hut-só͘-su 2:3

其實，阮以前嘛攏及諸個人仝款趁本性的慾望生活，照家己肉體的私慾及意念啲行動。阮及其他的人仝款，註定受上帝刑罰。

帖撒羅尼迦前書 3:13

按呢，伊會互恁的心堅固，佇咱的主耶穌及伊的眾信徒來臨的時，佇咱的父上帝的面前聖潔、無通嫌。阿們！

帖撒羅尼迦前書 4:7

上帝毋是呼召咱過無清氣的生活，是呼召咱過聖潔的生活。

帖撒羅尼迦前書 5:23

願賜平安的上帝親身給恁完全聖化，互恁的靈、魂，及體佇咱的主耶穌基督來臨的時得著保全，無通嫌！

Hi-pek-lâi-su 12:23

恁來到上帝的大子聚集的會所；𪜶的名已經記佇天頂。恁來到審判萬人的上帝面前，到已經得著改造成做完全的義人的靈魂遐。

Hi-pek-lâi-su 12:28

所以，咱著感謝，因為咱有得著彼個𣍐受搖動的國度。咱著照上帝所歡喜的，用虔誠及敬畏來服事伊，

Hi-pek-lâi-su 4:1

既然上帝互人進入安歇的應允猶留啲，咱著小心，才免恁中間有人想講𪜶得𣍐著此個應允。

Hi-pek-lâi-su 6:9

所疼的兄弟姊妹，雖然阮按呢講，猶久深信恁的情形比所講的較好，會當得著救。

Ngá-kok-su 4:8

著親近上帝，上帝就會親近恁。罪人啊，著洗恁的手；無定性的人啊，著潔淨恁的心。

彼得前書 1:15

呼召恁的上帝是聖潔，恁佇一切的行為嘛著聖潔。

彼得前書 1:17

恁既然求叫用仝一個標準，照逐人的行為審判人彼位做父，就著用敬畏的心佇世間的日子作僑民生活。

彼得前書 1:22

恁已經對順趁真理來潔淨家己，有純真的手足之情，就著用清氣的心對心底熱切相疼。

彼得前書 2:11

親愛的兄弟姊妹，恁佇世間作僑民，作寄居的，我勸恁毋通放縱肉體的情慾；此個情慾不時啲攻擊靈魂。

彼得前書 5:10

賜一切恩典的上帝，就是通過基督來呼召恁進入永遠的榮光彼位，佇恁暫時受苦以後，一定會親身給恁重新建立，賜恁氣力，互恁堅固，徛在。

Iok-hān It-su 1:7

毋拘，上帝佇光明中，咱若照按呢佇光明中生活，咱就互相有團契，伊的子耶穌的血會繼續洗清咱攏總的罪。

Iok-hān It-su 1:9

咱若承認咱的罪，上帝是信實公義，欲赦免咱的罪，洗清咱攏總的不義。

Iok-hān It-su 3:3

基督是純潔，所以對基督有此款向望的人會家己保持純潔。