9 所以,無論佇此個身軀抑是離開此個身軀,阮的目的是愛互主歡喜。
9 Só͘-í, bô-lūn tī chit-ê seng-khu á-sī lī-khui chit-ê seng-khu, goán ê bo̍k-te̍k sī ài hō͘ Chú hoaⁿ-hí.
你若行為正直,豈毋是會得著接納?若無,罪佇門口當等你;伊欲控制你,你著給伊制伏。」
我欲導𪜶到錫安 — 我的聖山, 互𪜶佇我祈禱的殿內面有歡喜; 我嘛欲接納𪜶獻佇我祭壇頂的燒化祭及祭物。 因為我的殿欲叫做萬民祈禱的殿。」
毋通為著會敗壞的食物拍拼,著為著久長存在,會當互人得著永遠的活命彼個食物來拍拼,就是人子欲互恁的;因為父上帝已經給伊蓋印認定。」
無論叨一個民族,敬畏伊,行為正直的人,伊攏歡喜接納。
用按呢來服事基督的人會互上帝歡喜,嘛會得著人的稱讚。
咱若活,是為著主啲活;若死,嘛是為著主來死。所以,無論活抑是死,咱攏是屬主的人。
我決意無欲佇已經聽著基督的名的所在傳福音,才𣍐佇別人的地基頂起厝。
所以,親愛的兄弟姊妹,著徛在,毋通動搖。著常常盡力為主做工,因為恁知為主著磨做工一定𣍐落空。
所以,阮不時有勇氣。阮知,咱猶住佇此個身軀啲活的時,是及主相離。
阮有勇氣,較愛離開此個身軀去及主住。
咱著頌讚上帝榮耀的恩典,因為伊有將伊所疼的子無條件賜互咱!
言行舉止照主所愛,凡事互伊歡喜,閣互恁做逐項好事,結好果子,對上帝的認識嘛愈加添。
為著此個目的,我靠基督佇我內面運作的大能力盡力啲拍拼。
最後,兄弟姊妹,阮猶有話欲給恁講,恁有接受阮的教示,知影著按怎生活才會互上帝歡喜,其實恁有照按呢啲生活。不過阮奉主耶穌的名懇求閣苦勸恁著加倍勞力。
照阮以前所吩咐,恁著立志過安靜的生活,盡家己的本分親手做工。
為著此個,咱出力著磨,因為咱的向望在佇真活的上帝;伊是眾人,特別是信的人的救主。
所以,咱著感謝,因為咱有得著彼個𣍐受搖動的國度。咱著照上帝所歡喜的,用虔誠及敬畏來服事伊,
所以,咱著勞力進入此個安歇,才免有人親像許個毋順服的人跋倒失敗。
所以,親愛的朋友,既然恁啲聽候諸個代誌,佇上帝的面前著盡力追求互家己無缺點,無通指責,通及伊和好。