Biblia Todo Logo
Bìoball air-loidhne

- Sanasan -




哥林多後書 4:4 - 現代台語譯本漢字版

4 𪜶毋信是因為此世間的神明互𪜶的心目失明,𣍐當看見福音的光,此個福音啲見證榮光的基督;基督是上帝的形像。

Faic an caibideil Dèan lethbhreac

現代台語譯本羅馬字版

4 In m̄ sìn sī in-ūi chit sè-kan ê sîn-bêng hō͘ in ê sim-ba̍k sit-bêng, bōe-tàng khòaⁿ-kìⁿ hok-im ê kng, chit-ê hok-im teh kiàn-chèng êng-kng ê Ki-tok; Ki-tok sī Siōng-tè ê hêng-siōng.

Faic an caibideil Dèan lethbhreac




哥林多後書 4:4
42 Iomraidhean Croise  

上主問伊講:『你欲按怎給引誘?』伊應講:『我欲出去做白賊的神,互許個先知講白賊。』上主講:『你給伊引誘,一定會成功。你去,照按呢做。』


對媠無比的錫安, 上帝發出光。


你著互此個子民的心鈍, 耳孔重, 目睭花; 才免𪜶目睭看見, 耳仔聽見, 心明白, 越倒轉來得著醫治。」


撒佇莿內的,是指人聽著信息了後,生活的掛慮及錢財的迷惑給所聽著的信息翕死,煞𣍐結實。


道成做人,𫢶佇咱中間,充滿恩典及真理;阮有看見伊的榮耀,是天父獨一的子才有的榮耀。


無人曾看見上帝,只有父心懷中獨一的子有給伊顯示出來。


現在是此個世間受審判的時;現在此世間的統治者啲欲受推翻。


耶穌對𪜶講:「光猶會佇恁中間一時仔久。恁著趁有光的時繼續行,才𣍐互烏暗遮蓋。佇烏暗中啲行的人毋知會行去叨位。


上帝互𪜶的目睭𣍐看見, 互𪜶的心硬, 才免𪜶的目睭看見, 𪜶的心明白,來歸向我, 我就給𪜶醫好。


看見我就是看見差我來彼位。


我𣍐閣及恁講真多話,因為此世界的統治者啲來啦。伊絕對𣍐當對我做什麼,


我佇𪜶中間若無做別人毋曾做的代誌,𪜶就無罪;現在𪜶有看著我的所做,猶久怨恨我及我的父。


對審判,因為此世間的統治者已經受審判。


耶穌閣給眾人講:「我是世間的光;隨我的人𣍐佇烏暗中生活,反轉有活命的光。」


開𪜶的目睭,互𪜶離開烏暗進入光明,離開撒旦的權勢歸向上帝,互𪜶對信我得著赦罪,閣承受作上帝選民的地位。』」


就是基督一定著受苦,成做頭一個對死人中閣活的,通將拯救的光傳互猶太人及外邦人。」


毋是,我是啲講,獻佇異教祭壇頂的祭物是獻互鬼,毋是獻互上帝。我無愛恁及鬼交插。


按呢才免互撒旦給咱偏去,因為咱真清楚撒旦的詭計。


我去特羅亞傳基督的福音的時,主已經給我開工作的門;


彼個會消失的若會發出榮光,此個永存的一定會顯出閣較大的榮光。


毋拘𪜶的心鈍,一直到今仔日𪜶讀舊的約的時,𪜶的心猶互彼塊帕罩啲。因為只有及基督結連,彼塊帕才提起來。


咱大家攏用無罩帕的面啲反照主的榮光;此個榮光是對主,就是對聖神發出來的榮光,啲給咱改造成做伊的形像,互咱有閣較大的榮光。


彼位命令光對烏暗照出來的上帝,就是用光照咱內心的上帝,互咱認識伊照佇耶穌基督的面彼個榮光。


為著欲救咱脫離現今此個邪惡的世代,基督有照咱的父上帝的旨意為著咱的罪獻伊本身。


彼時,恁趁世間的潮流,順服空中的掌權者,就是現在啲管轄背逆上帝的人彼個邪神。


因為咱毋是及有血有肉的人啲交戰,是及天界的邪靈,就是此個烏暗世代的宇宙統領者、權力者、掌權者啲交戰。


伊原本有上帝的身份, 卻無濫用及上帝平等的地位。


基督是看𣍐著的上帝的形像: 伊是大子,比一切受造的較早有。


上帝欲互𪜶知影,伊為著外邦人所準備的奧祕是偌呢豐富閣榮耀。此個奧祕是基督佇恁內面,伊是恁分享上帝榮耀的向望。


此個健全的教義符合應該得著稱讚的上帝所交託我彼個榮光的福音。


聽候彼個充滿福氣的向望,就是至尊的上帝以及咱的救主耶穌基督榮耀的顯現。


伊反射上帝的榮耀,是上帝本質的真像。伊用伊權能的話扶持萬有,洗除人的罪了後,坐佇至尊至高上帝的正旁。


許個人曾互上帝的光照,曾啖著屬天的恩賜,曾分享聖神,曾體驗上帝的話的好處,嘛曾感受啲欲來的世代的權柄。按呢,𪜶猶久背信!此款人無法度互𪜶重新悔改行倒轉;因為𪜶閣將上帝的子釘佇十字架頂,公然給伊侮辱。


所以阮對先知所宣布的信息閣較有確信。恁著注意聽,因為此個信息親像一葩燈佇烏暗的所在啲照,照到天光,到啟明星出現佇恁心內的時。


毋拘怨恨兄弟抑是姊妹的人是佇烏暗中,佇烏暗中啲生活,毋知欲去叨位,因為烏暗互伊的目睭無看見。


總是我寫互恁的誡命嘛通講是新的,這對基督及對恁攏是真的;因為烏暗啲過去,真光已經啲照。


咱知,咱是屬上帝,毋拘全世界受邪惡者管轄。


Lean sinn:

Sanasan


Sanasan