哥林多後書 4:2 - 現代台語譯本漢字版

² 阮放拺一切無愛人知的見笑代，無做欺騙人的代誌，無歪曲上帝的話，只有佇上帝的面前公開顯明真理，來叫醒眾人的良心。

現代台語譯本羅馬字版

² Goán pàng-sak it-chhè bô ài lâng chai ê kiàn-siàu-tāi, bô chòe khi-phiàn lâng ê tāi-chì, bô oai-khiok Siōng-tè ê ōe, chí-ū tī Siōng-tè ê bīn-chêng kong-khai hián-bêng chin-lí, lâi kiò-chhíⁿ chèng-lâng ê liông-sim.

哥林多後書 4:2 Iomraidhean Croise

列王紀上卷 18:34

閣講：「摒第二遍。」𪜶就摒第二遍；閣講：「摒第三遍。」𪜶就摒第三遍。

Lô-má-su 1:16

我無看福音做見笑，因為此個福音是上帝的大能力，欲拯救所有信的人，代先猶太人，後來外邦人。

Lô-má-su 6:21

彼時恁做現在看做見笑的代誌，結果是按怎？結局是死。

哥林多前書 4:5

所以，時機猶未到，恁毋通批判人。等到主來臨，彼時伊會用光照烏暗中的祕密，給隱藏佇人心內的動機暴露出來。彼時，逐個人會對上帝得著稱讚。

哥林多後書 1:12

阮所誇口的是按呢：阮的良心證明，阮佇此世間的生活攏是照上帝所賜的純潔及誠實，毋是靠屬世的智慧，是靠上帝的恩典；阮對待恁閣較是按呢。

哥林多後書 11:3

親像夏娃互蛇的詭詐騙去，我嘛驚了恁的心思會受迷惑，煞棄拺對基督的純潔及真誠。

哥林多後書 11:6

豈採我講話較頇顢，毋拘智識無比人較輸，此項事我已經有用逐款方法，利用逐種機會對恁表明。

哥林多後書 2:17

阮無親像真多人將上帝的話做俗貨拍賣，顛倒是做一個純真的人，受上帝差派，佇伊的面前靠基督宣講。

哥林多後書 5:11

既然阮知影著敬畏主，阮就苦勸人。對上帝來看，阮是什麼款人真清楚；我向望對恁的良心來看嘛真清楚。

哥林多後書 6:8

阮受尊重，嘛受侮辱；得著歹名聲，嘛得著好名聲。阮互人看做諞仙仔，其實阮講實話；

哥林多後書 7:14

我曾對伊褒獎恁，恁無互我漏氣。我逐項代誌攏對恁講實在話，我對提多褒獎恁的話嘛是實在。

Í-hut-só͘-su 4:14

按呢，咱就無閣作囝仔，互欺騙者編造出來所有錯誤的學說拖啲行，飄來飄去。

Í-hut-só͘-su 5:12

𪜶掩掩蓋蓋啲做的，連講都見笑！