8 按呢聖神的事工所發出的榮光豈𣍐閣較大?
8 án-ni Sèng Sîn ê sū-kang só͘ hoat-chhut ê êng-kng kiám bōe koh-khah tōa?
上主的神欲及伊同在, 就是互伊有智慧及聰明的神, 有計劃及能力的神, 有智識及敬畏上主的神。
我欲摒落水互嘴焦的地; 我欲互焦燥的地有溪水啲流。 我欲將我的神摒互你的後代, 欲賜福氣互你的子孫。
上主給伊的子民講:「我及恁立的約是按呢:我的神及我的話攏會佇恁中間;我下佇恁嘴內的話一定𣍐離開恁的嘴,嘛𣍐離開恁的子孫及恁子子孫孫的嘴,對此時直到永遠。」上主按呢宣布。
律法通過摩西頒布;恩典及真理是通過耶穌基督來的。
耶穌按呢講是指信伊的人啲欲領受的聖神。彼時,上帝猶未賜聖神,因為耶穌猶未得著榮光。
豈毋知,恁是上帝的殿,上帝的神𫢶佇恁內面?
因為對有人去恁遐傳及阮所傳無仝的耶穌,抑是恁接納及恁前所接納無仝的聖神,抑是恁接受及恁前所接受無仝的福音,恁嘛攏容忍。
此位主就是聖神;有主的神的所在就有自由。
伊賜阮有才調通做新的約的差用;毋是用文字寫的,是聖神的約。文字互人死,毋拘聖神互人活。
用文字刻佇石版的律法頒布的時,上帝的榮光有顯現。對摩西的面反照出來的光雖然漸漸啲消失,毋拘彼個光猶真強,致到以色列子孫𣍐當目睭金金給伊看。互人致到死的事工都有此款的榮光,
彼個給人定罪的事工若會發出此款的榮光,此個給人宣布無罪的事工所顯出的榮光豈𣍐閣較大!
基督按呢做是欲將上帝互亞伯拉罕的祝福通過基督耶穌賜互外邦人,嘛欲互咱對信來領受上帝所應允的聖神。
阮迫切啲聽候,向望上帝互咱及伊有合宜的關係;此個向望靠上帝的神,對信才會當實現。
通過基督,咱兩旁的人攏會當對仝一位聖神來親近父。
主所疼的兄弟姊妹,阮應該不時為著恁感謝上帝,因為伊對起頭就揀選恁來得救,對聖神互恁成做聖潔的子民,閣互恁確信真理。
恁受揀選是照父上帝預定的旨意,對聖神成做聖潔,通順服耶穌基督,閣對伊的血得著潔淨。 願上帝豐豐富富賜恁恩典及平安!