哥林多前書 6:9 - 現代台語譯本漢字版

⁹ 豈毋知不義的人𣍐當做上帝國的子民？毋通騙家己；無論是淫亂的、拜偶像的、作男娼的、好男色的、

現代台語譯本羅馬字版

⁹ Kiám m̄ chai put-gī ê lâng bōe-tàng chòe Siōng-tè-kok ê chú-bîn? M̄-thang phiàn ka-kī; bô-lūn sī îm-loān--ê, pài ngó͘-siōng--ê, choh lâm-chhiong--ê, hò͘ⁿ lâm-sek--ê,

哥林多前書 6:9 Iomraidhean Croise

Chhòng-sè-kì 19:5

給伊喝講：「下昏暗來恁遮的人佇叨位？叫𪜶出來，阮欲及𪜶交合。」

出埃及記 23:1

「毋通散布謠言；毋通及歹人鬥孔作偽證。

Chim-giân 11:1

欺騙的天秤，上主厭惡； 公平的秤錘，伊所意愛。

Chim-giân 22:8

撒不義種籽的人會收災禍； 伊欺壓人的勢力會受毀滅。

Chim-giân 7:27

伊的厝是陰府的入口， 直接迵到死亡。

Í-sài-a-su 55:7

邪惡的人著棄拺𪜶的道路； 不義的人著改變𪜶的想法。 𪜶著歸向上主，伊會憐憫𪜶； 著歸向咱的上帝，伊會寬宏赦免𪜶。

Lī-bī-kì 18:20

毋通及別人的某有性關係來拍垃墋家己。

Lī-bī-kì 18:22

毋通及查甫人有性關係，親像及婦仁人仝款；這是真通厭惡的代誌。

Lī-bī-kì 19:15

恁審判毋通無公道；毋通偏袒散赤人，嘛毋通看有權勢的人的面色；著照公道審判你的同胞。

Lī-bī-kì 20:13

若有查甫人及查甫人有性關係，親像及婦仁人仝款，做通厭惡的事，一定著給𪜶處死；𪜶著對家己的罪負責任。

Sat-ka-lī-a-su 5:3

伊就對我講：「此個是對全地發出的咒詛；所有偷提的會照此卷冊的此面所寫的給𪜶除滅；所有作偽證的會照另外彼面所寫的給𪜶除滅。

馬太福音 19:29

為著我的名放拺家己的厝、兄弟、姊妹、父母、子兒，抑是田園的人，攏會得著百倍的報賞，閣承受永遠的活命。

馬太福音 25:34

後來，王會給正旁的人講：『來，恁諸個受我的父祝福的，來承受對創造宇宙以來就為著恁準備的國度。

Lō͘-ka Hok-im 21:8

耶穌講：「著謹慎，毋通受迷惑。因為有真多人會利用我的名來，講『我就是基督』，閣講『時機啲欲到啦』。恁毋通隨𪜶去。

使徒行傳 20:32

「現在我將恁交託互上帝，通對伊恩典的信息得著造就，互恁及聖化歸主的人攏通繼承伊所賜的福分。

使徒行傳 24:25

保羅講到公義、節制，及將來的審判，腓力斯感覺驚惶，就對保羅講：「此擺到遮就好，有機會我才閣召你來。」

Lô-má-su 1:18

上帝對天頂發出受氣，譴責所有不虔不義的人；𪜶的不義阻擋人識真理。

哥林多前書 15:33

毋通互人騙去。「交著歹朋友會破壞品德！」

哥林多前書 15:50

兄弟姊妹，我給恁講：血肉的體𣍐當承受上帝國；會朽爛的嘛𣍐當承受𣍐朽爛的。

哥林多前書 3:16

豈毋知，恁是上帝的殿，上帝的神𫢶佇恁內面？

哥林多前書 5:1

我確實有聽著佇恁中間有淫亂的事；此款淫亂連教會外嘛無，因為有人及伊的後母同居。

哥林多前書 5:10

我毋是指此世間許個淫亂、貪戀、詐欺，及拜偶像的人；若毋是離開此個世界就𣍐當無及諸個人來往。

哥林多前書 5:11

我今按呢寫，是講毋通及許個自稱基督徒，卻是淫亂、貪戀、拜偶像、誹謗別人、酒醉，抑是詐欺的人來往；連及諸個人同桌食飯都毋通。

哥林多前書 6:10

做賊的、貪心的、酒醉的、毀謗的、詐欺的，攏𣍐當做上帝國的子民。

哥林多前書 6:18

著拒絕淫亂。人無論犯什麼罪，攏無影響家己的身軀，不過犯淫亂的是犯罪害著家己的身軀。

哥林多前書 6:19

豈毋知恁的身軀是聖神的殿？此位聖神𫢶佇恁內面，是恁對上帝領受的。恁毋是屬家己，是屬上帝，

哥林多前書 9:24

恁一定知，佇運動場參加競賽的人攏落去走，毋拘只有一個得著賞。親像按呢，為著欲得著賞，恁著拍拼走。

哥林多後書 12:21

我驚了後遍閣去恁遐的時，我的上帝會互我佇恁面前見笑。我會為著真多人啼哭，因為𪜶對過去所犯的罪，就是污穢、淫亂、放蕩猶未悔改。

加拉太書 6:7

毋通騙家己，上帝是𣍐用得侮慢的。人種什麼就收什麼。

Sin-bēng-kì 22:22

若有人及別人的某睏，彼個查甫及彼個婦仁人攏著互死；按呢就對以色列的中間除去彼個邪惡的事。

Sin-bēng-kì 22:5

婦仁人毋通穿查甫人的衫，查甫人嘛毋通穿婦仁人的衫；所有按呢做的人，是上主 — 恁的上帝厭惡的。

Sin-bēng-kì 23:17

以色列的男女毋通有人佇寺廟做妓女抑是孌童。

Ko-lô-se-su 3:5

所以，著消滅恁許個屬世的慾望，就是淫亂、污穢、邪情、邪慾，及貪戀 — 貪戀是拜偶像。

Hi-pek-lâi-su 12:14

著勞力及眾人和睦，過聖潔的生活；若無，無人會見著主。

Hi-pek-lâi-su 12:16

才免有人淫亂，無敬畏上帝，親像以掃為著一頓食出賣大子的名份。

Hi-pek-lâi-su 13:4

婚姻人人著尊重；著保持純潔的夫妻關係，因為上帝會審判私通行淫的人。

Ngá-kok-su 1:16

親愛的兄弟姊妹，毋通受欺騙。

Iok-hān It-su 3:7

少年朋友，毋通受迷惑。基督是義人，所以實行公義的才是義人。

Khé-sī-lio̍k 21:8

毋拘，許個無膽的、背信的、腐敗的、刣人的、淫亂的、行邪術的、拜偶像的，以及所有講白賊的，𪜶著去的所在是彼個用火及硫磺啲燒的湖，此個就是第二遍的死。」

Khé-sī-lio̍k 22:15

許個狗類、行邪術的、淫亂的、刣死人的、拜偶像的，及一切愛講白賊閣做事奸詐的，攏著留佇城外。

Sū-su-kì 19:22

𪜶抵啲歡喜快樂的時，城內許個匪類來圍彼間厝，直直拍門，對厝主，彼個老人，講：「給入去恁兜彼個查甫人導出來，阮欲及伊交合。」