哥林多前書 5:10 - 現代台語譯本漢字版

¹⁰ 我毋是指此世間許個淫亂、貪戀、詐欺，及拜偶像的人；若毋是離開此個世界就𣍐當無及諸個人來往。

現代台語譯本羅馬字版

¹⁰ Góa m̄-sī chí chit sè-kan hiah-ê îm-loān, tham-loân, chà-khi, kap pài ngó͘-siōng ê lâng; nā m̄-sī lī-khui chit-ê sè-kài chiū bōe-tàng bô kap chiah-ê lâng lâi-óng.

哥林多前書 5:10 Iomraidhean Croise

Lō͘-ka Hok-im 18:11

法利賽人徛挺挺家己祈禱講：『上帝啊，我感謝你，因為我無親像其他的人恐嚇取財，不義，淫亂，嘛無親像此個貿稅的。

Iok-hān Hok-im 15:19

恁若屬此世間，世間人會看恁做家己的人給恁疼。不過我已經對世間給恁揀選出來，恁毋是屬此世間，因為按呢世間人怨恨恁。

Iok-hān Hok-im 17:6

「你對此世間揀出來互我的人，我已經有將你對𪜶顯明。𪜶是你的，你有將𪜶互我；𪜶已經有遵守你的話。

Iok-hān Hok-im 17:9

「我為著𪜶祈求，毋是為著世間人，是為著你互我的人祈求，因為𪜶是你的。

Iok-hān Hok-im 8:23

耶穌給𪜶講：「恁對下面來，我對頂面來。恁屬此世間，我無屬此世間。

哥林多前書 1:20

按呢智慧的人佇叨位？經學教師佇叨位？此世代的雄辯家佇叨位？上帝已經互此世間的智慧變做愚戇啦！

哥林多前書 10:27

若有未信者請恁食飯，恁若去，排佇恁面前的物做恁食，毋免為著良心的緣故問東問西。

哥林多前書 5:11

我今按呢寫，是講毋通及許個自稱基督徒，卻是淫亂、貪戀、拜偶像、誹謗別人、酒醉，抑是詐欺的人來往；連及諸個人同桌食飯都毋通。

哥林多前書 5:9

我前寄互恁的批有警戒恁毋通及淫亂的人來往。

哥林多後書 4:4

𪜶毋信是因為此世間的神明互𪜶的心目失明，𣍐當看見福音的光，此個福音啲見證榮光的基督；基督是上帝的形像。

Í-hut-só͘-su 2:2

彼時，恁趁世間的潮流，順服空中的掌權者，就是現在啲管轄背逆上帝的人彼個邪神。

Hui-li̍p-pí-su 2:15

互恁通清白純潔，佇此個邪惡腐敗的世代作上帝無缺點的子兒。著佇𪜶中間發光，親像光啲照世間，

Iok-hān It-su 4:5

假先知是屬世間，講世間事，所以世間人會聽𪜶。

Iok-hān It-su 4:7

親愛的朋友，咱著相疼，因為疼是對上帝來。有疼的人是上帝的子兒，嘛識上帝。

Iok-hān It-su 5:19

咱知，咱是屬上帝，毋拘全世界受邪惡者管轄。

Khé-sī-lio̍k 12:9

彼隻大隻惡龍就受㧒落去；伊就是彼尾老蛇，叫做魔鬼，撒旦，全人類的迷惑者；伊受㧒落地，伊的使者嘛攏及伊做夥受㧒落地。