哥林多前書 4:6 - 現代台語譯本漢字版

⁶ 兄弟姊妹，為著恁的緣故，我將諸個事做例用佇我本身及亞波羅的身上，互恁通對阮學習「毋通超過聖經所記載」此句話的意思。恁中間無論什麼人都毋通扶挺此個，看輕彼個。

現代台語譯本羅馬字版

⁶ Hiaⁿ-tī chí-bē, ūi-tio̍h lín ê iân-kò͘, góa chiong chiah-ê sū chòe lē ēng tī góa pún-sin kap A-pho-lô ê sin-chiūⁿ, hō͘ lín thang tùi goán ha̍k-si̍p “m̄-thang chhiau-kè Sèng-keng só͘ kì-chài” chit-kù ōe ê ì-sù. Lín tiong-kan bô-lūn sím-mi̍h-lâng to m̄-thang phô͘-tháⁿ chit-ê, khòaⁿ-khin hit-ê.

哥林多前書 4:6 Iomraidhean Croise

Si-phian 146:3

毋通倚靠君王； 毋通倚靠會死的人，𪜶𣍐當幫贊。

Si-phian 8:4

啊，人算什麼，你赫呢關心？ 世間人算什麼，你赫呢照顧？

Í-sài-a-su 2:22

毋通倚靠會死的人； 𪜶不過靠鼻孔啲喘氣。 𪜶攏無算什麼。

使徒行傳 18:24

有一個佇亞歷山大出世的猶太人，叫做亞波羅，來到以弗所；伊有真好的口才，對聖經嘛精通。

使徒行傳 19:1

亞波羅佇哥林多的時，保羅經過內陸的地區，來到以弗所，佇遐有抵著幾若個門徒。

Lô-má-su 12:3

靠上帝互我的恩賜，我對恁逐個人講：毋通將家己看傷高，著照上帝賜互恁逐個人信心的份量慎重評價家己。

哥林多前書 1:12

我按呢講是因為恁中間意見紛紛；有的講「我屬保羅」；有的講「我屬亞波羅」；有的講「我屬彼得」；嘛有的講「我屬基督」。

哥林多前書 1:19

因為聖經有記載： 我欲消滅智慧的人的智慧； 我欲棄拺聰明的人的聰明。

哥林多前書 1:31

照聖經所記載：「欲誇口的人著誇口主！」

哥林多前書 13:4

仁愛是寬容；仁愛是慈悲；有仁愛就𣍐怨妒，𣍐誇口，𣍐驕傲，

哥林多前書 3:19

因為此世間的智慧，對上帝來看是愚戇。聖經有記載：「上帝互智慧的人中著家己的詭計。」

哥林多前書 3:21

所以，無論什麼人攏毋通用人做誇口。其實一切攏是恁的：

哥林多前書 5:2

按呢，恁猶有什麼通膨風！恁豈毋應該感覺傷心，給做此款代誌的人對恁中間開除？

哥林多前書 5:6

恁啲誇口無應該！恁豈毋知「一屑仔酵母會互歸丸的麵丸發起來」？

哥林多前書 8:1

關係祭偶像的物，咱知「咱攏有智識」。其實智識會互人驕傲；毋拘疼心會造就人。

哥林多前書 9:23

我做諸個攏是為著福音，目的是欲及人分享福音。

哥林多後書 10:12

阮毋敢及𠢕展家己的人排啲相比；𪜶按呢彼此秤重，互相比較，實在無智慧。

哥林多後書 10:15

阮並無超過限度，用別人所勞苦的做家己的成績來誇口。阮所向望的是恁的信心愈增長，阮佇恁中間工作的範圍嘛愈開闊。

哥林多後書 10:7

恁干焦啲看外表。若有人敢講伊屬基督，伊家己著閣想看覓，伊屬基督，我嘛仝款屬基督。

哥林多後書 11:4

因為對有人去恁遐傳及阮所傳無仝的耶穌，抑是恁接納及恁前所接納無仝的聖神，抑是恁接受及恁前所接受無仝的福音，恁嘛攏容忍。

哥林多後書 12:19

恁一直想講阮對恁啲為著家己辯護是無？毋是！阮佇上帝面前講基督愛阮講的話。親愛的朋友，阮所做的攏是欲互恁得著造就。

哥林多後書 12:20

我驚了去恁遐的時看著恁及我所期待的無相像；恁看著我及恁對我的期待嘛無仝款。我驚了恁有紛爭、怨妒、歹性地、自私、誹謗、講尻脊後話、驕傲、無秩序。

哥林多後書 12:6

其實，我若欲展，嘛𣍐算是悾憨，因為我欲講的是事實。毋拘我𣍐展家己，才免人對我的評價超過𪜶所看見所聽著的。

哥林多後書 4:15

諸個一切攏是為著恁，是欲互閣較多的人得著上帝的恩典，通獻閣較多的感謝來榮耀上帝。

Ko-lô-se-su 2:18

毋通受許個假謙卑，拜天使的人影響，互恁失去應得的報賞。許個人倚靠幻想，照人的想法，無根無據自誇自大，

帖撒羅尼迦前書 1:5

因為阮傳福音去到恁遐，毋是只有用言語，嘛靠大能力及聖神，以及對福音有完全的確信。照恁所知，阮佇恁中間的時作人什麼款，攏是為著欲互恁得著利益。

提摩太後書 2:10

所以，我為著上帝所揀選的人忍受一切，互𪜶嘛會得著基督耶穌的拯救及永遠的榮光。