哥林多前書 4:10 - 現代台語譯本漢字版

¹⁰ 阮為著基督的緣故做戇人，恁卻及基督結連做巧人；阮軟弱，恁勇壯；恁受尊重，阮受看輕。

現代台語譯本羅馬字版

¹⁰ Goán ūi-tio̍h Ki-tok ê iân-kò͘ chòe gōng-lâng, lín khiok kap Ki-tok kiat-liân chòe khiáu-lâng; goán loán-jio̍k, lín ióng-chòng; lín siū chun-tiōng, goán siū khòaⁿ-khin.

哥林多前書 4:10 Iomraidhean Croise

列王紀下卷 9:11

耶戶出去，來到伊主人的軍官遐；有一個問伊講：「豈有什麼代誌？是按怎此個𤞚的來尋你？」 伊給𪜶講：「恁識彼個人，嘛知伊會講什麼。」

Chim-giân 11:12

藐視厝邊的人無常識； 明理的人靜靜無出聲。

Í-sài-a-su 53:3

伊互人看輕，受人棄拺， 閣受真多苦難，經歷逐款病疼。 人越頭毋看伊； 咱藐視伊，無給尊重。

Hô-se-a-su 9:7

著互以色列知， 刑罰的日來啦， 報應的時到啦。 恁的罪重，充滿怨恨， 所以恁講：「先知是戇人， 受神感動的是𤞚人。」

馬太福音 24:9

「彼時，恁會互人掠去，受苦楚，殺害；恁會因為我的名互萬民怨恨。

馬太福音 5:11

「為著我的緣故，人給恁侮辱，迫害，講逐款歹話誹謗，恁真有福氣。

Lō͘-ka Hok-im 10:16

「聽趁恁的就是聽趁我，拒絕恁的就是拒絕我；拒絕我的就是拒絕差我來彼位。」

Lō͘-ka Hok-im 18:9

耶穌對許個看家己做義人閣看輕別人的人有講此個譬喻：

Lō͘-ka Hok-im 6:22

「人怨恨恁，為著人子的緣故給恁棄拺，給恁侮辱，給恁看做歹人，恁真有福氣。

使徒行傳 17:18

有一寡伊壁鳩魯及斯多亞學派的哲學家來及伊辯論。有人講：「此個愛講話的啲烏白講什麼？」 有人講：「伊親像啲傳外國的鬼神。」𪜶按呢講是因為保羅傳耶穌及伊閣活的福音。

使徒行傳 17:32

𪜶一下聽著死人閣活的事，有人給伊恥笑，嘛有人講：「關係此個事阮愛閣聽你講。」

使徒行傳 26:24

保羅按呢為著家己啲辯護的時，非斯都對伊大聲喝：「保羅，你起狂啦；你的博學互你起狂啦！」

使徒行傳 9:16

我嘛欲互伊知，為著我的名伊一定著受真多苦難。」

哥林多前書 1:21

既然世間人𣍐當靠家己的智慧認識上帝，上帝就對伊的智慧歡喜用阮所傳愚戇的信息來拯救信伊的人。

哥林多前書 1:23

不過阮宣揚釘十字架的基督。此個信息對猶太人是阻礙，對外邦人是愚戇，

哥林多前書 1:25

因為上帝的愚戇贏過人的智慧，上帝的軟弱比人較勇壯。

哥林多前書 10:12

所以，想講家己徛在的著謹慎，才𣍐跋倒。

哥林多前書 2:14

屬血氣的人𣍐當領受對上帝的神來的恩賜，諸個恩賜對伊來講是愚戇的，無法度了解，因為只有屬靈的人才會當領悟。

哥林多前書 2:3

我佇恁遐的時，軟弱閣驚甲皮皮惙。

哥林多前書 3:18

毋通騙家己。恁中間若有人用世間的標準看家己做有智慧，為著欲成做真正有智慧，伊顛倒著做愚戇的。

哥林多前書 3:2

我用奶飼恁，無用飯，因為恁猶𣍐當食飯，到現在嘛猶𣍐當，

哥林多前書 4:8

恁已經逐項攏有！恁已經富足！恁給阮拺佇邊仔，家己作王。恁若真正作王毋知偌仔呢好咧，按呢我嘛通及恁做夥作王！

哥林多後書 10:10

因為有人講：「保羅的批嚴轄閣強硬，毋拘人來的時卻軟汫，講話無份量。」

哥林多後書 11:19

恁都赫呢巧，應該會歡喜容忍我此個戇人才著。

哥林多後書 11:29

啥人軟弱，我無軟弱？啥人犯錯失敗，我無受氣火𤏸？

哥林多後書 13:9

阮軟弱，恁堅強，阮就歡喜。阮所祈求的是恁會當成做完全。

哥林多後書 4:12

按呢，死佇阮的內面啲發生作用，毋拘活命佇恁的內面啲發生作用。

哥林多後書 6:8

阮受尊重，嘛受侮辱；得著歹名聲，嘛得著好名聲。阮互人看做諞仙仔，其實阮講實話；

帖撒羅尼迦前書 4:8

所以，拒絕此個教示的，毋是拒絕人，是拒絕賜恁聖神的上帝。

彼得前書 4:14

恁若為著基督的名受凌辱，恁真有福氣，因為有上帝榮光的神𫢶佇恁身上。