哥林多前書 2:10 - 現代台語譯本漢字版

¹⁰ 毋拘上帝已經有通過聖神將諸個事對咱啟示。聖神徹底知萬事，連上帝深沉的旨意嘛知。

現代台語譯本羅馬字版

¹⁰ M̄-kú Siōng-tè í-keng ū thong-kè Sèng Sîn chiong chiah-ê sū tùi lán khé-sī. Sèng Sîn thiat-tóe chai bān-sū, liân Siōng-tè chhim-tîm ê chí-ì mā chai.

哥林多前書 2:10 Iomraidhean Croise

Iok-pek-kì 12:22

伊對烏暗顯示奧祕， 對死蔭發出光明。

Í-sài-a-su 48:16

今，行倚來，聽我講： 對起頭，我一直有公開給恁講， 代誌發生彼時，我就佇遐。 今，至高的上主已經差遣我，賜我伊的氣力。

Í-sài-a-su 59:21

上主給伊的子民講：「我及恁立的約是按呢：我的神及我的話攏會佇恁中間；我下佇恁嘴內的話一定𣍐離開恁的嘴，嘛𣍐離開恁的子孫及恁子子孫孫的嘴，對此時直到永遠。」上主按呢宣布。

Tān-í-lí-su 2:22

伊啟示奧祕隱密的事， 伊知暗中的一切； 光及伊同在。

A-mô͘-sū-su 3:7

至高的上主計劃欲做代誌， 一定會代先指示伊的僕人先知。

馬太福音 13:11

耶穌應講：「天國的奧祕已經有互恁知，毋拘無互𪜶知。

馬太福音 16:17

耶穌應伊講：「西門‧巴約拿，你真有福氣，因為給你啟示的毋是人，是我的天父。

Lō͘-ka Hok-im 10:21

彼時，耶穌互聖神感動滿心歡喜，講：「父啊，天地的主，我感謝你，因為你有將諸個事對有智慧有學問的人蓋起來，毋拘對細漢囝仔啟示。父啊，是啦，因為這是你的好旨意。

Lō͘-ka Hok-im 2:26

伊得著聖神的啟示，知影伊死以前一定會看著主所應允的基督。

Iok-hān Hok-im 14:26

毋拘慰助者，就是父用我的名欲差來的聖神，會將一切的代誌教示恁，嘛會互恁會記得我給恁講一切的話。

Iok-hān Hok-im 16:13

真理的神來的時，伊會導恁了解一切的真理。伊𣍐照家己的意思講，會照所聽見的來講，嘛會給恁傳達啲欲來的事。

哥林多前書 14:30

不過在座的人若有得著上帝的啟示，抵啲講的人著靜靜。

哥林多前書 2:11

只有人家己內面的神才知家己的事；親像按呢，只有上帝的神才知上帝的事。

加拉太書 1:12

此個福音，我毋是對人領受，嘛毋是對人學習，是對耶穌基督來的啟示。

Í-hut-só͘-su 3:3

上帝有將伊的奧祕啟示互我知。我已經有簡略寫此個代誌，

Í-hut-só͘-su 3:5

此個奧祕，佇過去的世代無互人知，現在上帝通過聖神已經有對伊的聖使徒及先知啟示。

提摩太前書 4:1

聖神明明講，佇後來的時期有一寡人會背信，去趁迷惑人的邪靈及鬼神的教示。

彼得前書 1:12

上帝有給𪜶啟示，互𪜶知𪜶的侍奉毋是為著家己，是為著恁。諸個事現在已經有靠對天來的聖神，通過福音的使者傳互恁；諸個事連天使嘛迫切啲聽候愛知。

Iok-hān It-su 2:20

恁已經有領受聖神，恁攏知。

Iok-hān It-su 2:27

對恁來講，恁對基督領受的聖神𫢶佇恁內面，就無需要別人給恁教示，因為此位聖神欲教示恁逐項代誌；伊的教示是真的，毋是假的。按呢，著照聖神教示恁的，𫢶佇基督內面。

Khé-sī-lio̍k 1:1

這是耶穌基督的啟示。上帝互伊此個啟示，愛伊將一定隨時會發生的代誌指示上帝的眾僕人。基督有差遣伊的天使去指示伊的僕人約翰。

Khé-sī-lio̍k 2:24

「『總是恁諸個其他的推雅推喇人，恁無受此款教導，毋識所謂撒旦的奧祕的人，我給恁講，我𣍐加添別款的重擔互恁。