哥林多前書 16:16 - 現代台語譯本漢字版

¹⁶ 我勸恁著順趁此款人，以及所有及𪜶做夥著磨工作的人。

現代台語譯本羅馬字版

¹⁶ Góa khǹg lín tio̍h sūn-thàn chit-khoán lâng, í-ki̍p só͘-ū kap in chòe-hé tio̍h-bôa kang-chok ê lâng.

哥林多前書 16:16 Iomraidhean Croise

歷代志上卷 12:18

彼時上帝的神臨到眾軍官的首領亞瑪賽，伊就講： 「大闢啊，阮是歸順你的； 耶西的子啊，阮是支持你的。 願你平安順利， 願幫贊你的嘛攏平安； 因為你的上帝幫贊你。」 大闢就接納𪜶，設立𪜶做游擊隊的隊長。

Thoân-tō-su 1:3

人一切的勞苦拍拼，就是佇日光下面的勞碌有什麼利益？

Lô-má-su 16:12

請替我請安為著主受真多勞苦的土非拿及土富撒。給所疼的彼息請安；伊曾為著主勞苦工作。

Lô-má-su 16:3

請替我給百基拉及亞居拉請安；𪜶及我是佇基督耶穌內面的同工。

Lô-má-su 16:6

嘛請安為著恁受真多勞苦的馬利亞。

Lô-má-su 16:9

請安佇基督內面的同工耳巴努及我所疼的士大古。

哥林多前書 12:28

上帝佇教會所安置的，第一是使徒，第二是先知，第三是教師，閣有行神跡的，閣有醫病恩賜的，幫贊人的，管理事務的，講逐款靈語的。

哥林多前書 3:9

阮是上帝的同工；恁是上帝的田園。 恁嘛是上帝的建築物。

Í-hut-só͘-su 5:21

恁著用敬畏基督的心互相順服。

Hui-li̍p-pí-su 4:3

我忠實的同伴啊，我嘛愛你幫贊此兩個婦仁人，因為𪜶及革利免以及我其他的同工曾為著福音及我做夥奮鬥；𪜶的名已經有記載佇活命冊。

帖撒羅尼迦前書 1:3

阮佇咱的父上帝的面前數念恁靠信心所做的工，出佇疼心的勞苦，及對咱的主耶穌基督的向望所表現的堅忍。

帖撒羅尼迦前書 2:9

兄弟姊妹，著會記得阮的辛苦及勞碌；阮傳上帝的福音互恁的時，為著無愛加添恁任何人的負擔，阮暝日啲做工。

帖撒羅尼迦前書 5:12

兄弟姊妹，請恁著敬重佇恁中間啲著磨，嘛是主揀選來指導及勸勉恁許個人。

提摩太前書 5:17

許個𠢕治理教會的長老應該得著加倍的報酬，特別盡力佇講道及教示的閣較著按呢，

Hi-pek-lâi-su 13:17

著服從引導恁的人，聽趁𪜶的話，因為𪜶不時啲看顧恁的靈魂，通互𪜶對上帝交代清楚。恁著互𪜶歡喜工作，無吐氣；若無，對恁無利益。

Hi-pek-lâi-su 13:24

請替我給恁所有的領導者及攏總的信徒請安。對意大利來的信徒嘛欲給恁請安。

Hi-pek-lâi-su 6:10

上帝毋是無公道，伊一定會記得恁所做的工作，就是恁為著伊繼續啲服務信徒所表現的疼心。

彼得前書 5:5

像款，恁少年人著順服長輩。恁大家著謙卑相對待；因為聖經有記載： 上帝敵對驕傲的人， 施恩互謙卑的人。

Iok-hān Sam-su 1:8

所以咱有義務接待此款的人，互咱通為著真理成做同工。

Khé-sī-lio̍k 2:3

你有吞忍，曾為著我的名忍受艱苦，攏無厭倦。