哥林多前書 16:13 - 現代台語譯本漢字版

¹³ 恁著警醒，信心徛在，著勇敢，著堅強。

現代台語譯本羅馬字版

¹³ Lín tio̍h kéng-séng, sìn-sim khiā-chāi, tio̍h ióng-kám, tio̍h kian-kiông.

哥林多前書 16:13 Iomraidhean Croise

撒母耳記下卷 10:12

著堅強！著為咱的同胞及咱上帝的城勇敢出戰。上主會照伊看做好的去做。」

列王紀上卷 2:2

「我啲欲行世間人攏著行的路；你著堅強，做大丈夫。

歷代志上卷 19:13

著堅強！著為咱的同胞及咱上帝的城勇敢出戰。上主會照伊看做好的去做。」

歷代志上卷 28:10

你著謹慎，因為上主揀選你起造聖殿；你著勇敢去做。」

Si-phian 27:14

著信靠上主！ 著勇敢壯膽！ 著信靠上主！

Si-phian 31:24

所有仰望上主的人啊， 恁著壯膽，心堅固。

Í-sài-a-su 35:4

心肝驚惶的人，恁著對𪜶講： 「著堅強，毋免驚！ 恁看，恁的上帝欲來申冤； 上帝一定會施行報應來拯救恁。」

Tān-í-lí-su 10:19

伊講：「毋免驚！你是上帝所疼的，願你平安！你著堅強，閣再堅強！」伊一下對我講話，我就回復氣力。我講：「我的主，請你繼續對我講話，你已經互我堅強起來啦。」

Tān-í-lí-su 11:32

伊會用詭計得著違背信仰的人的支持，毋拘許個對上帝忠誠的人會勇敢採取行動。

Hap-kai-su 2:4

上主講：『所羅巴伯，著堅強！約薩達的子大祭司耶書亞，著堅強！』上主講：『所有住佇此塊地的人民，著堅強！』上主 — 萬軍的統帥閣講：『著做工！我及恁同在！

Sat-ka-lī-a-su 8:13

猶大家及以色列家啊，以前恁佇列國中互人看做是受咒詛的，現在我欲解救恁，互恁成做受祝福的。毋免驚，著堅強！」

Sat-ka-lī-a-su 8:9

上主 — 萬軍的統帥按呢講：「著堅強！這是恁佇上主 — 萬軍的統帥的聖殿下地基欲重建的時，所聽著先知講的話。

馬太福音 25:13

「所以，著警醒，因為彼個日彼個時恁毋知。」

馬太福音 26:41

著警醒，著祈禱，才𣍐陷落誘惑。恁雖然心真意愛，毋拘肉體軟弱。」

Lō͘-ka Hok-im 21:36

著不時警醒，祈禱，互恁有氣力通逃避一切啲欲發生的代誌，通徛佇人子的面前。」

哥林多前書 14:20

兄弟姊妹，恁想代誌毋通親像囝仔；對歹代誌著親像嬰仔，想代誌著親像大人。

哥林多前書 15:58

所以，親愛的兄弟姊妹，著徛在，毋通動搖。著常常盡力為主做工，因為恁知為主著磨做工一定𣍐落空。

哥林多後書 1:24

阮毋是啲強制恁著信什麼，反轉是啲做恁的同工，互恁通歡喜，因為恁的信心有徛在。

加拉太書 5:1

為著欲互咱有自由，基督已經有給咱解放。所以著徛在，毋通閣受壓制做奴隸！

Í-hut-só͘-su 3:16

祈求，照伊豐富的榮耀，通過伊的聖神所賜的氣力，互恁內在的人勇壯起來。

Í-hut-só͘-su 6:10

最後，我勸恁著及主結連，靠伊的大能力做堅強的人。

Hui-li̍p-pí-su 1:27

無論按怎，恁的言行舉止著符合基督的福音。按呢，無論我會當閣去及恁相見抑𣍐，攏會當聽著恁的代誌，知恁攏用像一個心志徛在，同心做夥為著所信的福音拍拼。

Hui-li̍p-pí-su 4:1

所以，我所親愛所數念的兄弟姊妹，恁是我的歡喜，我的榮光，著倚靠主來徛在。

Hui-li̍p-pí-su 4:13

倚靠賜我能力的基督，我有氣力通克服逐款的境遇。

Ko-lô-se-su 1:23

恁著堅持信仰，堅固徛在，互恁聽著福音的時所得著的向望無動搖。此個福音已經傳互天下所有的被造物；我 — 保羅就是此個福音的差用。

Ko-lô-se-su 4:12

對恁遐來基督耶穌的僕人以巴弗欲給恁請安。伊時常為著恁迫切祈禱，求上帝互恁徛在，作成熟的人，確信上帝攏總的旨意。

Ko-lô-se-su 4:2

著繼續迫切祈禱；祈禱的時著警醒，著感謝。

帖撒羅尼迦前書 3:8

恁若對主有堅固的信心，阮才會當講現在有真正啲活。

帖撒羅尼迦前書 5:6

所以，咱毋通親像其他的人啲睏，著醒醒，著謹慎。

帖撒羅尼迦後書 2:15

所以，兄弟姊妹，著徛在，著堅守阮所教示的傳統，無論是用嘴講的抑是用批寫的，攏著堅守。

提摩太前書 6:12

信仰的美好競賽著盡力去拼；著確保永遠的活命；為著此個活命你有受揀召，佇真多見證人的面前宣認美好的信仰。

提摩太後書 2:1

所以，我的子啊，你著靠基督耶穌的恩典堅強起來。

提摩太後書 4:5

總是你凡事著謹慎，忍受苦難，做傳道者的工作，盡你做上帝差用的本分。

提摩太後書 4:7

美好的競賽我已經拼了；著走的路程我已經走完；著守的信仰我已經堅守。

Iok-su-a-kì 1:18

無論什麼人違背你的命令，無欲順趁你的話，著互伊死。你一定著勇敢壯膽！」

Iok-su-a-kì 1:9

我命令你：著勇敢壯膽，毋通驚，毋通懍；因為你無論去叨位，上主 — 你的上帝一定及你同在。」

彼得前書 4:7

萬有的終局近啦！所以，著謹慎守己，通警醒祈禱。

彼得前書 5:8

著謹慎，著警醒，因為恁的對敵魔鬼親像啲哮的獅，四界行啲尋通吞食的人。

Khé-sī-lio̍k 16:15

「著注意！我會親像賊來。彼個醒醒，衫穿便便的人真有福氣，伊時到毋免褪裼行，才免互人看著伊赤身露體的見笑。」

撒母耳記上卷 4:9

非利士人啊，著勇敢，著做大丈夫，恁才免做希伯來人的奴隸，親像𪜶以前做咱的奴隸。著做大丈夫及𪜶交戰。」