哥林多前書 1:21 - 現代台語譯本漢字版

²¹ 既然世間人𣍐當靠家己的智慧認識上帝，上帝就對伊的智慧歡喜用阮所傳愚戇的信息來拯救信伊的人。

現代台語譯本羅馬字版

²¹ Kì-jiân sè-kan-lâng bōe-tàng khò ka-kī ê tì-hūi jīn-bat Siōng-tè, Siōng-tè chiū tùi I ê tì-hūi hoaⁿ-hí ēng goán só͘ thoân gû-gōng ê sìn-sit lâi chín-kiù sìn I ê lâng.

哥林多前書 1:21 Iomraidhean Croise

Tān-í-lí-su 2:20

講： 願上帝的名得著稱讚， 世世代代無窮盡！ 伊全智、全能。

馬太福音 11:25

彼時，耶穌講：「父啊，天地的主，我感謝你，因為你有將諸個事對有智慧有學問的人蓋起來，毋拘對細漢囝仔啟示。

Lō͘-ka Hok-im 10:21

彼時，耶穌互聖神感動滿心歡喜，講：「父啊，天地的主，我感謝你，因為你有將諸個事對有智慧有學問的人蓋起來，毋拘對細漢囝仔啟示。父啊，是啦，因為這是你的好旨意。

Lō͘-ka Hok-im 12:32

「恁細細的羊群啊，毋免驚，因為恁的父歡喜將伊的國互恁。

Iok-hān Hok-im 12:31

現在是此個世間受審判的時；現在此世間的統治者啲欲受推翻。

Lô-má-su 1:28

既然𪜶無欲真正認識上帝，上帝就出在𪜶的心思敗壞，去做無應該做的代誌。

Lô-má-su 11:33

上帝的豐盛、智慧、知識，偌仔呢深沉啊！ 伊的判斷得推測； 伊的道路得尋著！

哥林多前書 1:18

十字架的信息，對許個向滅亡啲行的人是愚戇，不過對咱諸個向得救啲行的人是上帝的大能力。

哥林多前書 1:23

不過阮宣揚釘十字架的基督。此個信息對猶太人是阻礙，對外邦人是愚戇，

哥林多前書 1:24

毋拘對上帝所揀召的人，無論是猶太人抑是希臘人，此個信息是基督；伊是上帝的大能力，是上帝的智慧。

哥林多前書 1:25

因為上帝的愚戇贏過人的智慧，上帝的軟弱比人較勇壯。

哥林多前書 1:27

上帝故意用世間人看做戇的代誌來互巧的人見笑；上帝用世間人看做弱的代誌來互強的人見笑。

哥林多前書 11:32

不過咱受主審判的時，是啲受管教，互咱免致到及世間同受定罪。

哥林多前書 2:14

屬血氣的人𣍐當領受對上帝的神來的恩賜，諸個恩賜對伊來講是愚戇的，無法度了解，因為只有屬靈的人才會當領悟。

哥林多前書 4:10

阮為著基督的緣故做戇人，恁卻及基督結連做巧人；阮軟弱，恁勇壯；恁受尊重，阮受看輕。

哥林多前書 6:2

恁豈毋知信徒欲審判世間？既然恁欲審判世間，豈𣍐曉解決小可代誌？

加拉太書 1:15

毋拘，對上帝的恩典，我猶未出世，伊就決定給我分別出來，閣選召我，

加拉太書 4:8

以前，恁毋識上帝的時，做許個本質毋是真神的神明的奴隸，受𪜶支配。

Í-hut-só͘-su 1:9

照伊所歡喜的旨意，互咱知伊早就決定通過基督來完成奧妙的計劃。

Í-hut-só͘-su 3:10

是欲佇現今的世代，通過教會，互天界的統領者、權力者，攏通認識上帝逐款的智慧。

Ko-lô-se-su 1:19

因為上帝照家己的旨意， 將家己完整的特性充滿佇伊內面。

Hi-pek-lâi-su 1:14

天使攏是啲服事的神，受差派去服務啲欲領受拯救的人。

Hi-pek-lâi-su 2:3

按呢咱忽略即呢大的拯救，欲哪會當閃避著受的刑罰？主本身有代先宣布此個拯救，聽見的人嘛有對咱證實此個事。

Hi-pek-lâi-su 7:25

按呢，通過伊來到上帝面前的人，伊會當救𪜶到底，因為伊永遠活啲啲替𪜶祈禱。

Ngá-kok-su 4:4

恁諸個毋信的人啊，豈毋知及世間作朋友就是及上帝作對敵？

Ngá-kok-su 5:15

有信心的祈禱會救病人；主會互伊閣好起來，伊所犯的罪嘛會得著赦免。

Ngá-kok-su 5:20

恁著知，互失迷的倒轉來彼個人會救罪人的靈魂脫離死亡，互伊真多的罪得著遮蓋。