哥林多前書 1:2 - 現代台語譯本漢字版

² 寫批互佇哥林多上帝的教會，就是許個及佇逐所在呼叫咱的主耶穌基督的名，及基督耶穌結連受召作信徒歸屬上帝的人；基督是𪜶的主，嘛是咱的主。

現代台語譯本羅馬字版

² siá-phoe hō͘ tī Ko-lîm-to Siōng-tè ê kàu-hōe, chiū-sī hiah-ê kap tī ta̍k só͘-chāi ho͘-kiò lán ê Chú Iâ-so͘ Ki-tok ê miâ, kap Ki-tok Iâ-so͘ kiat-liân siū tiàu choh sìn-tô͘ kui-sio̍k Siōng-tè ê lâng; Ki-tok sī in ê Chú, mā-sī lán ê Chú.

哥林多前書 1:2 Iomraidhean Croise

Chhòng-sè-kì 12:8

伊閣對遐徙到伯特利東旁的山區，搭布棚，佇遐為著上主起一座壇，求叫上主的名；彼個所在西旁是伯特利，東旁是艾。

Chhòng-sè-kì 4:26

塞特後來嘛生子，給伊號名叫做以挪士；彼時人才開始求叫上主的名。

Si-phian 45:11

王會戀慕你的媠； 伊是你的主，你著順服。

使徒行傳 10:36

恁知：以前上帝有通過萬民的主耶穌基督對以色列人傳和平的福音；約翰傳洗禮的道理以後，此個福音有對加利利開始傳遍猶太全地；

使徒行傳 15:9

對信，伊有給𪜶的心洗清氣；伊對待咱及𪜶攏無差別。

使徒行傳 18:1

此個事以後，保羅離開雅典去哥林多。

使徒行傳 22:16

哪猶啲延延，起來領受洗禮，求叫伊的名通互你的罪得著清氣！』」

使徒行傳 26:18

開𪜶的目睭，互𪜶離開烏暗進入光明，離開撒旦的權勢歸向上帝，互𪜶對信我得著赦罪，閣承受作上帝選民的地位。』」

使徒行傳 9:13

亞拿尼亞應講：「主啊，我有聽著真多人講起此個人佇耶路撒冷對你的信徒做真多惡毒的代誌。

使徒行傳 9:14

伊有祭司長的授權通掠所有求叫你的名的人，現在來佇遮。」

使徒行傳 9:21

聽著的人攏著驚，講：「佇耶路撒冷消滅求叫此個名的，豈毋是此個人？伊來遮豈毋是欲掠信徒，給𪜶押去交互祭司長？」

Lô-má-su 1:7

我寫此張批互恁所有住佇羅馬，上帝所疼，所選召作伊信徒的人。 願咱的父上帝及主耶穌基督賜恁恩典及平安！

Lô-má-su 10:12

猶太人及外邦人攏無差別，因為有仝一位上帝是萬民的主，伊會豐豐富富賜福互所有求叫伊的人。

Lô-má-su 3:22

及上帝建立合宜的關係是通過信耶穌基督。上帝按呢對待所有信基督的人，攏無差別。

Lô-má-su 8:28

咱知，萬項事互相運作，互許個疼上帝的人，就是照伊家己的旨意選召的，攏有利益。

哥林多前書 1:30

毋拘上帝互恁及基督耶穌結連，互基督成做咱對上帝來的智慧，就是互咱及上帝有合宜的關係，像時成做上帝聖潔的子民，閣得著自由。

哥林多前書 10:32

無論是對猶太人、外邦人，抑是上帝的教會，恁攏毋通成做𪜶的阻礙。

哥林多前書 12:27

恁是基督的身軀，逐個人是身軀的肢體。

哥林多前書 8:6

毋拘 咱只有一位上帝，就是天父； 萬有對伊來創造，咱為著伊來活。 咱只有一位主，就是耶穌基督； 萬有通過伊創造，咱嘛通過伊來存在。

哥林多後書 1:1

我是保羅，奉上帝的旨意作基督耶穌的使徒。我及兄弟提摩太寫批互佇哥林多上帝的教會及全亞該亞省所有信徒。

哥林多後書 4:5

阮毋是傳家己，是傳耶穌基督是主；阮家己因為耶穌的緣故做恁的僕人。

加拉太書 1:2

我及佇遮的兄弟姊妹寫批互加拉太的眾教會。

Í-hut-só͘-su 5:26

伊按呢做是欲通過伊的話用水洗清氣來聖化教會歸上帝，

帖撒羅尼迦前書 1:1

我保羅、西拉，及提摩太寫批互帖撒羅尼迦，屬父上帝及主耶穌基督的教會。 願恁得著恩典及平安！

帖撒羅尼迦前書 4:7

上帝毋是呼召咱過無清氣的生活，是呼召咱過聖潔的生活。

帖撒羅尼迦後書 1:1

我保羅、西拉，及提摩太寫批互帖撒羅尼迦屬咱的父上帝及主耶穌基督的教會。

提摩太前書 2:8

我愛查甫人無受氣，無爭論，佇逐所在攑起聖潔的手祈禱。

提摩太後書 1:9

上帝救咱，揀召咱做伊家己的子民，毋是根據咱的行為，是照伊家己的旨意及恩典。此個恩典佇萬世以前通過基督耶穌賜互咱；

提摩太後書 2:19

上帝的地基堅固𣍐搖動，頂面有刻字講：「主識屬伊的人」，閣講：「求叫主的名的人攏著離開不義。」

提摩太後書 2:22

著閃避少年人的情慾；著及許個用清氣的心求叫主的人做夥追求公義、信仰、仁愛，及和平。

Hi-pek-lâi-su 10:10

耶穌基督實行上帝的旨意，只有一遍獻伊家己的身軀就夠額互咱得著聖化歸上帝。

Hi-pek-lâi-su 13:12

所以，為著欲用家己的血互人民得著潔淨，耶穌嘛佇營外犧牲來死。

Hi-pek-lâi-su 2:11

事實，互人成聖的及得著成聖的，攏對仝一個源頭出，因為按呢，耶穌稱呼𪜶做兄弟姊妹亦無感覺見笑。

Iû-tāi-su 1:1

我是耶穌基督的僕人，雅各的兄弟猶大，我寫批互許個受上帝選召，得著父上帝的疼，受耶穌基督保祐的人。

Khé-sī-lio̍k 19:16

佇伊的長袍及大腿有寫一個名「萬王的王，萬主的主」。