Yokhana 9:39 - Mewar Alqawarang

³⁹ Tu̱ Yesu zu̱ za, “Nga ɓa nu̱ mbu̱ larji nang ma kuma ku̱me nduki nu̱ke nu̱ka na maa ɓa ku̱ na, nduki nu̱ke a na maari ku̱ kha ma pugum ku.”

Yokhana 9:39 Iomraidhean Croise

Matta 11:5

Pugumku a na maari, zu̱ɓtiku a yiri, nu̱ khaati gwaanji kwa khar shakhshakh, tuurangku a tu̱k ɓalari, mu̱tikwang nakhari, nu̱ nungndiku a tu̱k labar mu̱nkandang.

Matta 15:14

Njig wora, ɗya pugumku nu̱ke a bala pugumku. Mbu̱ pugum wa bala pugum kap ɓaanda kaɗa nggu̱ɗ ku nu̱ gwa.”

Matta 6:23

Yang mbu̱ yitor mbar ɓa, manva kap ka kha zhum. Mbu̱ yarang ɓu̱ manva wa gaɓ ma zhum maa, zhum maarang ka shi maɗyi shwat.

Luka 1:79

ma vu̱r yarang ye nduki nu̱ke kharan mbu̱ zhumi, ndu̱ jiimbi mu̱ti. Ka khutlo saarerem ku̱ mbu njiv nu̱ke qaandi memu̱nar a si.”

Luka 13:30

Yang zhire, nduki a nje nu̱ke a gana, nu̱ke ka ɓaa khan guma ku, yang tu̱k, nduki a nje nu̱ke a guma nu̱ke ka ɓa gaɓ ma nu̱ gana.”

Luka 2:34

Tu̱ Simiyon sa barke ye wora, tu̱ yang ze Maryam man woyang za, “Nggu̱ɗu, Magham wa dat woi nang ku̱me ku̱ kha ma ɗye ji sar she ɓeena nduki, yang tu̱k ku̱ kha ma njiv ɗanar she nduki khang Israila. Yang tu̱k ka kha ma ɗye zhang she nduki.

Luka 4:18

“Jiimbi ɓu̱ Zhinkir gwaanji a nje ɗyina, ku̱me wa daati nga a ɓa nga ndu̱ labar mbarkandi ye nduki nu̱ke tun kha wor ɓa. Wa ru̱kti nga za wopa nga ɓalar kwatli ye nduki gu̱nkandi ku, a qu̱n nga yiti pugumku tu̱ na maari, a lawa nga nduki ɓar me khar nu̱ vu̱rti bonye ye wora.

Luka 7:21

Baa ye sarchi nang, tu̱ Yesu shaana nduki khang nu̱ khaatiku san zum zum tu̱ fed khu̱kheeti malkandiku ɓar mbe nduki su̱yen ndu̱ qu̱ndi yiti pugumku.

Yokhana 12:31

Nang ke sarchi nu̱ke ka kumaki larji, ka komba nu̱ kwaaɗar larji nang.

Yokhana 12:46

Nga ɓa wa yarang mbu̱ larji ku̱me ku̱ aaki nu̱ke a maita nga shi yir mbu̱ zhum ɓa.”

Yokhana 3:17

Ji Magham na ru̱k Yi ɓaran nu̱ mbu̱ larji ma ku̱ kuma larji ɓa, a ru̱k nda ma ku̱ larji ɗana nu̱ ku̱nshe nda.

Yokhana 3:19

Nang ke kumarang: Yarang a ɓa larji, tu̱ yang nduki ndola zhum maari tu̱ zhang yarangang gha ku̱me tlu̱nar ɓaanda maatlin.

Yokhana 8:12

Tu̱ Yesu zu̱m guma ndu̱ ɓalar ye nduki a zu̱ran za, “Nga ke yarang ɓu̱ larji. Kap njif nu̱ke a mburi nga ɓu̱ shi yir mbu̱ zhum ɓa, yang ka gwa yarang nyifiri.”

Yokhana 8:15

Ɓaanu tun a kumakya nar ɓu̱ nduku. Yang ɓang nang ka kuma aaki ɓa.

Yokhana 9:25

Tu̱ tlogha ye wor za, “Aa ɗya nu̱ sola, nang zu̱n ɓa. Ɗyi da nang zu̱nki chin ke kha nga puguman ɗau, yang leendang nga na maari.”

Tlu̱nar ɓu̱ Pudeku 26:18

To ka qu̱n yiti wor tu̱ vi ɓar mbu̱ zhum maari ta gaɓku nu̱ mbe yarangi, ka njig kwaaɗar ɓu̱ Sheɗan tu̱ ɗa ɓa ku she Magham. Shir wanang ka sa tu̱ yaapa solar ku ɓaanda ye wora, tu̱ gwa me shakhti ɗye mbu̱ ge su̱yen ndu̱ nduki nu̱ wakaki vaanda ku̱me wa maita ku.’

2 Korintiyeku 2:16

She nduki nu̱ke a ɗyin njiv mu̱ti, zhi ɓu̱ ɗye zhi mu̱nkandang ɗya zhi mu̱ti, nu̱ka tlaghaki nduku, yang she nduki nu̱ke a gwa ɗanari, zhi ɓu̱ ɗye zhi mu̱nkandang ɗya zhi nyifi nu̱ka vu̱rki nyifiri. Nu̱ dar kuɗar tlu̱nar nang a nje ɓa.

Afiseku 5:14

ku̱me yarang ke nu̱ wut tun ye dalangi. Nang ke ɗyi nu̱ saki tu̱ zu̱ za, “Ju, to nu̱ke ta ɗyeniri! Ju ɓar mbe mu̱ti! Masiya ka vu̱r yarang yoro.”

2 Tasalonikeku 2:10

Ka shi lambar maatlindi ye nduki nu̱ke a ve njiv su̱yari, ku̱me wa zhang ndola zhire gha ma ku̱ gwa ɗanar ku.

1 Biturus 2:9

Yang ɓaanu, tun nduki nu̱ Magham datki ndu̱ varan tun tabar ɓu̱ kuruku ɓu̱ Kuji gwaanji. Tun dlar ghai shakhshakhndi tun nduki ɓu̱ Magham ma ku̱ wopa nu khamndiku ɓaran chin nu̱ qaki nu ɓar mbu̱ zhumi ma yir mbu̱ yarang ɓaran nu̱ke ɗya ɗye lazham.

1 Yokhana 2:11

Njif nu̱ke a zhang mu̱dlen kharan mbu̱ zhumi, yang a yir mbu̱ zhum tu̱k, nu̱ zu̱n ye maa nu̱ke chin a yir su̱ ɓa, ku̱me zhum maarang wa sa nda tu̱ kha puguman.