Yokhana 9:29 - Mewar Alqawarang

²⁹ Chem wa zu̱n Magham wa shi ɓalar ndu̱ Musa, yang khuski nang nyem zu̱n ye maa nu̱ ɗa viki su̱ ɓa.”

Yokhana 9:29 Iomraidhean Croise

Matta 12:24

Yang nu̱ Parisekwang tu̱kki wanang, tu̱ zu̱ ku za, “A komba khu̱kheetikwang ɓar ndu̱ zalale ɓu̱ Baalzabul kuji ɓu̱ khu̱kheetiku.”

Matta 26:61

Tu̱ zu̱ ku za, “Khuskinang wa zu̱ za, ‘Ngga ɗu̱ma gu̱ɗa Rafti ɓu̱ Maghamang nu̱gha tang du̱n nggur mbu̱ qaandi kunung.’ ”

Luka 23:2

Tu̱ da zhaano ɓaran a zu̱ran ku za, “Chem wa gwa njif nang a sagha ɗyin ndukiku ɓaarem nu̱gha, a sokh wor za ku̱ vu̱r zhaanggal ye Nggomne gwaanji (Kaisar) ɓa. Wonji tu̱k wa ka qa ɗyinan za chin a mbu̱ Masiya kuji.”

Yokhana 1:17

Magham vu̱r woparang nu̱ mbu̱ khar Musa, yang mu̱nkir ndu̱ zhire a ɓa mbu̱ khar Yesu Masiya daati ɓu̱ Magham.

Yokhana 7:27

Wonji chem wa zu̱n maa nu̱ khuski nang a viki si, yang mbu̱ Masiya zhirekandang aa ɓa, nduk a nje nu̱ke ka zu̱nki ye maa nu̱ ɗa viki su̱ ɓa.”

Yokhana 7:28

Yesu a mbu̱ shogar mbu̱ Rafti ɓu̱ Maghamang, tu̱ da su̱quran nu̱ viɗi tu̱ zu̱ za, “Tun wa zu̱ndi nga, tun wa zu̱n maa nanga viki su̱ tu̱k. Nga ɓa ndu̱ zalale ɓang ɓa. Njif nu̱ ɗa ru̱kki nga ɗya nu̱ zhire, yang nun zu̱n nda ɓa.

Yokhana 8:14

Tu̱ Yesu tlogha ye wor za, “Aa nga saida ɗyina, ai, saidu ɓang ɗya zhire, ku̱me nga zu̱n ye maa na nga viki si, ndu̱ maa nu̱ke nga yir si. Yang nun zu̱n maa na nga viki si ɓa, yang nun zu̱n maa nu̱ke nga yir su̱ ɓa.

Yokhana 9:16

Tu̱ ɓeena Parisekwang zu̱ za, “Njif nang a vi she Magham ɓa, ku̱me nu̱ka khutlo Fu̱ɗar Maasi ɓa.” Tu̱ yang ɓeenan shi zhamndi za, “Nu̱ sola ka ɗu̱ma shi ɗye lazhamku nang kikimndana?” Tu̱ ɗyin wor shakh ku̱men.

Yokhana 9:24

Tu̱ Parisekwang gaɓ tu̱ qa pugum nu̱ shaanakyang, tu̱ ze nda ku za, “Zu̱ zhire ma ku̱ Magham gwa zhaaji. Ɓaarem chem wa zu̱n khuski nu̱ shaanaki nang ɗya nu̱ sola.”

Yokhana 9:30

Tu̱ khuskyang tlogha ye wor za, “Meeni nga na ɗye lazham! Nun zu̱n ye maa nu̱ ɗa viki su̱ ɓa ya, yang wonji wa qu̱n yita nu̱gha!

Tlu̱nar ɓu̱ Pudeku 22:22

Tu̱ tabar ndukyang gwa dlu̱mndi wor ye Bulus ma yir sarchi nu̱ zu̱ki ɓalar nang. Tu̱ ghwat zhaano ku a zu̱ran za, “Ku̱ tlagha nda nu̱ gha! Ku̱ shakh pooni nduk wanang ndu̱ larji, nu̱ shipa ku̱ njig nda nu̱ nyifi ɓa!”

Tlu̱nar ɓu̱ Pudeku 26:22

Yang tu̱ Magham shaata nga ma ɓar meeni, nang ke ɗyi nu̱ saki nga saidu nang ye nduki rututundi ndu̱ nu̱ katar du̱mbu̱r. Nga zu̱kya ɗyi nggur zum ndu̱ ɗyi nu̱ annabiku ndu̱ Musa zu̱ki za ka ɗatlang ɓa.

Tlu̱nar ɓu̱ Pudeku 7:35

“Yang nang ke ba Musa nu̱ zhangki nda gha ku, a zu̱ran ku za, ‘Ki saki ma dle gume ɓaarem ndu̱ nu̱ kumar ɓaaremang?’ Magham ru̱kkyang ba chin ku̱ kha ma dle gume ndu̱ nu̱ ɗanari, sarchi ni nu̱ ru̱kti ɓu̱ Magham wutki varan yenda mbu̱ ye qu̱far nu̱ke ghiindi ɓaiyang a ɗyinanang.

Yibraniyeku 1:1

Zhu tang Magham wa shi ɓalar ye zhikaneremku ve njivku zum zum ye sarchiku khang nu̱ ku̱nshe annabiku.

Yibraniyeku 1:2

Yang ye lauɗarsi qaandi virkirku nang shi ɓalarang nu̱ ku̱nshe Yi ɓaran. Magham du̱ng aa nu̱m ndu̱ aa nu̱m nu̱ ku̱nshe Yi ɓaranang. Datkya chin tu̱k ma ku̱ aa nu̱m kha ma ɓaran.