Yokhana 9:22 - Mewar Alqawarang

²² Yang zhin ndu̱ manang zu̱ wanang ku ku̱me a sawa dlegumeku ɓu̱ Yakhudekwang ku̱me wa gu̱n me wor ɗau za kap njif nu̱ zu̱ki za Yesu ɗya Masiya, wor ka komba nda ɓar mbu̱ maa tabar ɓaanda.

Yokhana 9:22 Iomraidhean Croise

Luka 6:22

Barke ɓaanu mbu̱ nduki wa zhangndonu, tu̱ pu̱zonu tu̱ komba nu, su̱yen ndu̱ zu̱r malkandi nu̱ ve nu, ku̱me nga Yi ɓu̱ nduku.

Yokhana 1:19

Wonji saidu nu̱ Yokhana vu̱rki sarchi nu̱ Yakhudeku nu̱ Urshalima ru̱kki kuruku ndu̱ Lawiku ku̱ zham nda za, “To ki kwa?”

Yokhana 16:2

Ka komba nu ku ɓar mbu̱ maa tabar ɓaanda. Sarchi a nje a ɓari shwat nu̱ke aaki tlaghaki nu ka taman za chin a shikya tlu̱nar ɓu̱ Magham.

Yokhana 19:38

Qu̱rsan, tu̱ Yusufu ye Armatiya khuɗ Bilatus ku̱ vu̱r man var Yesu yenda. Yang Yusufu ɗya nu̱ mbu Yesu mbu̱ tuka ku̱me a sawa Yakhudekwang. Nu̱ Bilatus vu̱rki zalale ni yenda, tu̱ da man var Yesu ɓara.

Yokhana 20:19

Ye fu̱ɗar nu̱ gumapaali mbu̱ qaandi mut (fu̱ɗa Laaji) nu̱ me mugdi, nu̱ mburi nda kwang a nje tabaran ye maa da me viri khiiran ɗyine wora ku̱me a sawa dle gume ɓu̱ Yakhudekwang. Tu̱ Yesu a ɓa tu̱ ching nu̱ chele ɓaanda tu̱ ze wor za, “Gappu̱ramma ku.”

Yokhana 7:13

Yang aa da nduk a nje nu̱ ɗu̱maki ɓalar ɓu̱ Yesu ye dalang ɓa, ku̱me a sawa dlegumeku ɓu̱ Yakhudekwang.

Yokhana 9:18

Yang kap ndu̱ nang, dlegumeku ɓu̱ Yakhudekwang nu̱ maita za khanda puguman kom tu̱ gwa nar maari leendang ɓa. Ku̱me nang, tu̱ ru̱k ku̱ ɗa qa man ndu̱ zhin.

Yokhana 9:21

Nyem zu̱n shi kikimndi tu̱ yitan qu̱n ɓa, yang nyem zu̱n njif nu̱ shaanaki nda nu̱ gha ɓa. Zham ma nda. Ai, ɗya woi ɓa, ka ze nu ndu̱ men.”

Yokhana 9:34

Tu̱ tlogha yenda ku za, “To nu̱ khaki mbu̱ sola, ta shim shi na shogar yerem mu?” Tu̱ yang komba nda ku.

Yokhana 9:35

Tu̱ Yesu tu̱k labaran za wa komba khuskyang. Nu̱ gwaki nda, tu̱ zham nda za, “Ta maita Yi ɓu̱ Magham mu?”

Tlu̱nar ɓu̱ Pudeku 4:18

Kom tu̱ qa Pudekwang, tu̱ wu wor za, gana fan ku̱ shi ɓalar ye aaki mbu̱ dlu̱m Yesu tu̱k ɓa, yang ku̱ shi shogar ye aaki mbu̱ dlu̱mang zum ɓa.

Tlu̱nar ɓu̱ Pudeku 5:13

Yang aa da nduk nu̱ song maito a nje nu̱ ɗu̱maki viri nu̱ chele ɓaanda ɓa kha sawa, aa nu̱ke nduki a na zhaaji ɓaanda.

Tlu̱nar ɓu̱ Pudeku 5:40

Tu̱ tabarang tlogha su̱ sawari nu̱ vu̱rkyang, tu̱ ɗa vi ndu̱ Pudekwang, tu̱ shi kurpi ye wor tu̱ wu wor za karawan nang ku̱ shi ɓalarku mbu̱ dlu̱m Yesu tu̱k ɓa. Kom tu̱ ngga wor gha.

Ɗyin mbu̱ tukari 21:8

Yang nu̱ sawarku, ndu̱ nu̱ song shir zhireku, ndu̱ nu̱ tlu̱nar ɗye zhaane ku, ndu̱ nu̱ tlaghar mu̱tiku, ndu̱ nu̱ zawarku, ndu̱ nu̱ ɓu̱tli ghaiku, ndu̱ nu̱ ghaari ghai ye mu̱lu̱mku, ndu̱ kap nu̱ wolloku. Ka gwa ɗye ɓi ɓaanda mbu̱ giɗim ɓai gu̱rgu̱rndi nu̱ ɓai solfa, nang ke mu̱ti nu̱ rap.”