Yokhana 8:55 - Mewar Alqawarang

⁵⁵ Nun zu̱n nda ɓa, yang nga zu̱ndi nda. Mbu̱ tu̱ga nga ze nu za nang zu̱n nda ɓa tu̱ga nga kha ma nu̱ kotama wa tunu. Yang nga zu̱n nda, nga khutlo ɗyi nu̱ke a zu̱ran.

Yokhana 8:55 Iomraidhean Croise

Matta 11:27

“Zhinkir ɓang wa vu̱r aa nu̱m ya kap nduk nje nu̱ zu̱nki woyang ɓa kope Zhinkirang, yang tu̱k nduk nje zu̱nki Zhinkirang zum ɓa kope woyang, kom ndu̱ njif nu̱ woyang shimki ku̱ wutnji nda yenda.

Luka 10:22

“Aba ɓang wa vu̱r zalale ya ɗyine aa nu̱m kap. Nduka nje zu̱nki Woyang ɓa, kope Zhinang ɗyenda, yang tu̱k nduk a nje zu̱nki Zhinang zum ɓa kope Woyang, kom ndu̱ njif nu̱ Woyang shimki wuti nda yenda.”

Yokhana 1:18

Sar da nduk a nje nu̱ naki Magham ɓa, kope Yi ɓaran khakandi ɗyenda ndang, nu̱ke chin ke ba Maghamang. Chin wuɗki Magham yerem ku̱me chin kya su̱yen ndu̱ Zhinkirang.

Yokhana 10:15

ba wa nu̱ Zhinkirang zu̱nki nga, nga tu̱k nga zu̱n Zhinkirang. Nga ka vu̱r nyifi ɓang ku̱me ndu̱ɓangkwang.

Yokhana 15:10

Nga mbu zu̱r ɓu̱ Zhinkir ɓang tang khan mbu̱ ndolar ɓaran tu̱k. Wanang tu̱k mbu̱ tun wa mbu Woparku ɓang tun ka khan mbu̱ ndolar ɓanga.

Yokhana 15:21

Ka shi ɗyikunang ye nu kap ku̱me dlu̱ma, ku̱me nu̱ zu̱n njif nu̱ ɗa ru̱kki nga ɓa.

Yokhana 16:3

Ka shi wanang ku ku̱me nu̱ zu̱ndi nga ɓa yang Zhinkirang ɓa.

Yokhana 17:25

“Zhinkir nu̱ dambi aa nu̱ke nduki nu̱ larji nu̱ zu̱ndor ku ɓa, nga zu̱ndoro, yang nduki nang wa zu̱n za ta ru̱kki nga.

Yokhana 6:46

Nduk a nje nu̱ naki Zhinkirang sar da ɓa kope njif nu̱ ɗa viki she Magham, chin naki Zhinkirang chin ɗyenda.

Yokhana 8:19

Tu̱ zham nda ku za, “A fu̱n ke zhwa na?” Tu̱ Yesu tlogha ye wor za, “Nun zu̱ndi nga ɓa yang nun zu̱n Zhinkir ɓang ɓa. Mbu̱ tun wa zu̱ndi nga, tu̱ga tun wa zu̱n Zhinkir ɓanga.”

Yokhana 8:29

Njif nu̱ ɗa ru̱kki ngang a nje su̱yen ndu̱ nga, nu̱ njigti nga ɗyenda ɓa, ku̱me nga shikya ɗyi nu̱ke a shimndan aakochi.”

Yokhana 8:44

Tun ɓu̱ zhinonu Sheɗan, yang tun a shim shir ɗyi nu̱ke a shiran tu̱k. Ɗya nu̱ tlaghar mu̱ɗi gumapaali yang nu̱ damta ndu̱ zhire ɓa, ku̱me zhire nje mbe nda ɓa. Mbu̱ wa kota wollo aakochi a shikya me ghai ɓaran, ku̱me ɗya nu̱ kotama, zhinkir ɓu̱ wollo.

Yokhana 8:51

Zhire, nga zu̱ran ye nu, kap njif nu̱ khutloki shogar ɓanga ɓu̱ mu̱t shwat ɓa.”

Yokhana 8:52

Tu̱ Yakhudekwang ze nda za, “Uughu! Leendang chem wa zu̱n nu̱ke ta su̱yen ndu̱ khu̱kheet shwat. Ai, Yibram ndu̱ annabikwang kap wa mu̱ɗ ku, yang no za, ‘Kap njif nu̱ khutloki shogar ɓang ɓu̱ mu̱ɗ shwat ɓa.’

Tlu̱nar ɓu̱ Pudeku 17:23

Sarchi nang baaraki mbu̱ ghai nga nggu̱t ɗyiku nun ka gharki ghai ye wora tang na du̱ku̱l dlar sadke nu̱ bu̱lar ɗyine nda viɗ za, ‘YE MAGHAMNDI NU̱KE NYEM ZU̱N ƁA.’ Nga ɓakya ma wut chin Maghamndi nun ka gharki ghai yenda yang nun zu̱n nda ɓa nda ni.

2 Korintiyeku 4:6

Jiwa Magham nu̱ zu̱ki za, “Ku̱ yarang shi mbu̱ zhum maari,” chin saki yarang ɓaran ku̱ shi mbu̱ memu̱narem, ma ku̱ shi yarang ye nduki ku̱ zu̱n ku za nduk ka na zhaaji ɓu̱ Magham nu̱ ku̱nshe Masiya.

1 Yokhana 1:6

Ku̱me nang mbu̱ chem wa zu̱ za chem a khar su̱yen ndu̱ Magham, yang chem zu̱m guma ndu̱ khar mbu̱ zhumi, chem a shikya wollo, nyem mbu zhire ɓa.

1 Yokhana 2:22

Ki ke nu̱ wollo? Ɗya njif nu̱ kelaki za Yesu ke Masiya. Njif nu̱ kelaki Zhinkirang ndu̱ Woyang, nang ke nu̱ zhangndi Masiya.

1 Yokhana 2:4

Kap njif nu̱ zu̱ki za, “Nga zu̱n Magham,” yang nu̱ka mbu zu̱r ɓu̱ Magham ɓa, njif nang ɗya nu̱ wollo, yang zhire nje mbe nda ɓa.

1 Yokhana 5:10

Aaki maitaki Yi ɓu̱ Magham, saidu nu̱ ɗa viki she Magham nang a nje mbu̱ memu̱naran. Yang kap njif nu̱ke nu̱ maita Magham ɓa, wa gaɓ ndu̱ Magham ma nu̱ wollo, nu̱ke wa zhang maita saidu nu̱ Magham shiki ɗyine Yi ɓaran.

Ɗyin mbu̱ tukari 3:9

Wonji, ngga sa nduki nu̱ke a mbu̱ kib tabar ɓu̱ Sheɗan, nu̱ka qaki vaanda ku za wor Yakhudeku yang a shikya wollo ku ku̱me ɗyen wanang ɓa. Ngga sa wor tu̱ ɗa ɓa tu̱ nggu̱t nu̱ yaghai gume ro ma ku̱ zu̱n ku nu̱ ɗyine nga ndola ro.