Yokhana 8:47 - Mewar Alqawarang

⁴⁷ Njif ɓu̱ Magham wa ka tu̱k ɗyi nu̱ke Magham a zu̱ran. Yang nun gwa dlu̱mndonu ye ɗyi nu̱ke Magham a zu̱ran ɓa ku̱me tun ɓu̱ Magham ɓa.”

Yokhana 8:47 Iomraidhean Croise

Yokhana 12:48

Njif nu̱ zhangki nga gha, yang nu̱ dlu̱ shogar ɓang tu̱k zu̱m ɓa, nu̱ kuma nda nje, ɓalar nang zu̱ki, chin ka kumaki nda fu̱ɗar wuri.

Yokhana 18:37

Tu̱ Bilatus zu̱ za, “Alapa to kuji goma?” Tu̱ Yesu tlogha za, “To ndu̱ ɗyinoro ta zu̱ no za nga kuji. Nang ke ɗyi nu̱ saki tu̱ kha nga, nang ke ɗyi nu̱ saki tang a vi nu̱ mbu̱ larji tu̱k, ma zu̱ zhire ni. Kap nu̱ shimndi zhire wa ka tu̱k ɓalar ɓanga.”

Yokhana 5:25

Zhire, nga zu̱ran ye nu sarchi a ɓari, wa kar a ɓa, nu̱ke mu̱tiku ka tu̱k su̱qur Yi ɓu̱ Magham, wor nu̱ tu̱kkyang ka nakha.

Yokhana 6:65

Tu̱ zu̱ tu̱k za, “Na ke ɗyi nu̱ saki tang ze nu nga za, ‘Nduk a nje nu̱ke ka ɗu̱maki ɓar sha ɓa, buka mbu̱ Zhinkirang wa vu̱r zalale ni yenda.’ ”

Yokhana 8:37

Nga zu̱n tun zhikan Yibram, yang tun a shim tlagha nga, ku̱me nun dlu̱ shogar ɓang ɓa.

Yokhana 8:43

Nu̱m saki nun da mbu̱ ɓalar ɓang ɓa? Ku̱me nun ɗu̱ma gwa dlu̱mndonu ye shogar ɓang ɗo ɓa.

Yokhana 8:45

Yang ku̱me nga zu̱ zhire, tun wa zhang maita nga gha.

1 Yokhana 3:10

Wonji ɗyi nu̱ saki chem zu̱n qusonggi ɓu̱ Magham ndu̱ qusonggi ɓu̱ Sheɗan. Kap njif nu̱ke nu̱ka shi ɗyi nu̱ke torop ɓa, ɗya yi ɓu̱ Magham ɓa, yang njif nu̱ke nu̱ ka ndola mu̱dlen ɓa, ɗya yi ɓu̱ Magham tu̱k zum ɓa.

1 Yokhana 5:1

Kap njif nu̱ maitaki za Yesu chin ke Masiya, ɗya yi ɓu̱ Magham. Ai, njif nu̱ ndolaki Zhin woyang ka ndola woyang tu̱k.

2 Yokhana 1:9

Kap njif nu̱ke nu̱ ching nu̱ ɗyine shogar ɓu̱ Masiya ɓa, tu̱ yang shoga ɗyi nggur ɓar guma nu̱ nang, njif nang nu̱ gwa Magham ɓa. Yang njif nu̱ chingki nu̱ ɗyine shogar ɓu̱ Masiya, wa gwa Zhinkirang ndu̱ Woyang tu̱k.

3 Yokhana 1:11

To rapta nu̱ke nga ndolaran, mbu na maatli khali ɓa, me ɓu̱ nang, shi tlu̱nar mbarkandi. Nu̱ shir ɗyi mbarkandi ɗya ɓu̱ Magham. Yang nu̱ shir ɗyi malkandi nu̱ zu̱n Magham sar da ɓa.