Yokhana 8:44 - Mewar Alqawarang

⁴⁴ Tun ɓu̱ zhinonu Sheɗan, yang tun a shim shir ɗyi nu̱ke a shiran tu̱k. Ɗya nu̱ tlaghar mu̱ɗi gumapaali yang nu̱ damta ndu̱ zhire ɓa, ku̱me zhire nje mbe nda ɓa. Mbu̱ wa kota wollo aakochi a shikya me ghai ɓaran, ku̱me ɗya nu̱ kotama, zhinkir ɓu̱ wollo.

Yokhana 8:44 Iomraidhean Croise

Matta 12:34

Tun su̱ti ghu̱ɓtiku, tun ka zu̱ ɗyi mbarkandi kikimnda nu̱ke tun mu̱naranang? Ai ɗyi nu̱ke a memu̱na nduk nang ke ɗyi nu̱ka viki mbu̱ men.

Matta 13:15

Ku̱me memu̱na nduki nang wa shi kaaku̱ɗakh! Dlu̱mndi wor nu̱ka tu̱k maa ɓa, wa za yiti wor nu̱gha, ma ku̱ na ku ndu̱ yiti wor ɓa, ku̱ tu̱k ku ndu̱ dlu̱mndi wor ɓa. Ma ku̱ memu̱na wor da mban tu̱ ɗa mbu̱m ku nu̱ sha ma shaana nga wor ɓa.’

Matta 13:38

Damang ɗya larji, pooni mbarkandang ɗya qusa kwaaɗarang, gululang ɗya qusonggi ɓu̱ nu̱ mu̱narang.

Yokhana 6:70

Tu̱ Yesu tlogha za, “Nga datki nu tun gwaanggu̱m rapndi nang ɓa goma? Yang da chele ɓaanu ɗya sheɗan.”

Yokhana 7:17

Aaki datki shir shimndi ɓu̱ Magham, ka zu̱n za shogar ɓanga vi she Magham, ɗya ɓang ɓa.

Yokhana 8:38

Nga zu̱kya ɗyi nang naki she Aba ɓanga, yang tun a shi kya ɗyi nun tu̱kki she zhinonu.”

Yokhana 8:41

Ku̱me nang, tun a shikya ɗyi nu̱ke zhinonu a shiran.” Tu̱ yang Yakhudekwang zu̱ za, “Khaarem mbu̱ khu̱r ɓa. Magham ke Zhinerem, chin ke Zhinerem ɗyenda.”

Yokhana 8:55

Nun zu̱n nda ɓa, yang nga zu̱ndi nda. Mbu̱ tu̱ga nga ze nu za nang zu̱n nda ɓa tu̱ga nga kha ma nu̱ kotama wa tunu. Yang nga zu̱n nda, nga khutlo ɗyi nu̱ke a zu̱ran.

Tlu̱nar ɓu̱ Pudeku 13:10

tu̱ zu̱ za, “To yi ɓu̱ Sheɗan! Nu̱ zhangndi ɗyi nu̱ke toropndi! To nyeedlan ndu̱ nyiglar maari, ndu̱ mu̱na ɗyenda. Tom njig su̱bu̱r njiv toropndiku ɓu̱ Magham nu̱gha de?

Tlu̱nar ɓu̱ Pudeku 24:9

Tu̱ Yakhudekwang gu̱n san a zu̱ran ku za ɗyi nu̱ zu̱kyang ba wanang.

Tlu̱nar ɓu̱ Pudeku 5:3

Tu̱ Biturus ze nda za, “To Khananiya, nu̱m saki to njig Sheɗan tu̱ vi nu̱ mbu̱ memu̱na ro, to shi wollo ye Jiimbi shakhshakhndi, to tuka ɓeeni mu̱zhindi damang gha ye vaara na?

2 Korintiyeku 11:3

Yang nga sawa ku̱ su̱tang shi ghu̱rti ye nu tu̱ lamba nu wa nu̱ lambaki Khawa, tu̱ kwaari ɓaanu su̱bu̱r tun ku̱na vu̱r ɗyinonu guma da ye Masiya ma ku̱ kha nu ma nu̱ song zhire mbe nda ɓa.

1 Biturus 5:8

Ku̱s ma vaanu ye yen, tun kha daasaran. Wonji nu̱ zhangndi ɓaanu Sheɗan a paɗari, a quri wa mu̱zamndi, a laɓ njif nu̱ke chin ka njerki nu̱ gha ma njiiran.

2 Bitu̱rus 2:4

Aa nu̱ ru̱ktiku ɓu̱ Magham, sarchi nu̱ shiki zop ku zhu, nu̱ Magham njig wor ɓa, wa mbuk wor nu̱ mbu̱ giɗim ɓai. Tu̱ gu̱n wor nu̱gha mbu̱ geeku kirkandi nu̱ke maaran zhum. A bu fu̱ɗar kumari.

1 Yokhana 1:8

Mbu̱ chem wa zu̱ nyem za sola ve rem ɓa, chem a lambakya ɗyinerem, yang zhire mbe rem ɓa.

1 Yokhana 2:21

Nang bu̱la ye nu ku̱me nun zu̱n zhire ɓa ɓa, nga bu̱la ku̱me tun wa zu̱n zhire. Tun wa zu̱n nu̱ ɗyine zhire nu̱ka kha ma wollo ɓa.

1 Yokhana 2:4

Kap njif nu̱ zu̱ki za, “Nga zu̱n Magham,” yang nu̱ka mbu zu̱r ɓu̱ Magham ɓa, njif nang ɗya nu̱ wollo, yang zhire nje mbe nda ɓa.

1 Yokhana 3:12

Ku̱ kha nu wa Kayinu nu̱ gaɓki ma ɓu̱ Sheɗan tu̱ tlagha khachinang nu̱gha ɓa. Nu̱m saki tu̱ tlagha mu̱dlenang nu̱gha? Tlagha nda ku̱me tlu̱nar ɓaran maatlin, yang ɓu̱ khachinang mbari.

1 Yokhana 3:15

Aa nyi nduk nu̱ zhangki mu̱dlen ɗya nu̱ tlaghar mu̱ɗi. Yang tun wa zu̱n nu̱ ɗyine nu̱ tlaghar mu̱ɗi a nje nu̱ke ka khaki ndu̱ nyifi nu̱ke nu̱ka shi woɗa ɓa mbe nda ɓa.

Yakhuda 1:6

Yang nu̱ ru̱ktiku ɓu̱ Magham nu̱ke nu̱ ching nu̱ ye maa nu̱ Magham saki wor nu̱ su̱ ku ɓa, tu̱ njig ye maa khar ɓaanda, Zhinkir gwaanji wa khi wor nu̱ mbu̱ zhum maari. Tu̱ gu̱n wor gha ndu̱ yakhli koɗokhsi ɓa ma yir ye sarchi kumar ye fu̱ɗar gwaanji nu̱ke a ɓar nang.

Ɗyin mbu̱ tukari 12:9

Tu̱ ɗa chiura mbukti ndu̱ Su̱ti gwaanjang nu̱ yaghai, chin ke, geema su̱ti nu̱ zhu, nu̱ ka qaki nda za Nu̱ mu̱na, ko Sheɗan, chin lambaki larji kap. Tu̱ ɗa chiura nda nu̱ yaghai mbu̱ larji su̱yen ndu̱ nu̱ ru̱ktiku ɓaran.

Ɗyin mbu̱ tukari 13:14

Tu̱ lamba nduki nu̱ke a nje kharan mbu̱ larji kap ndu̱ ɗye lazham nu̱ vu̱rki zalale ni yenda ku̱ shi me ɓu̱ dlu gaari nu̱ gumapaali nang. Tu̱ dlu gaari nu̱ rapang ze wor za ku̱ du̱ng shipar nggur ma vu̱r zhaaji ye dlu gaari nu̱ ruɓaki nda ndu̱ kaskar tu̱ yang shaanang.

Ɗyin mbu̱ tukari 2:10

Tu̱k na sawar bonye nu̱ke to ka ɓa zaki ɓa. Jiwa, nga zu̱ran yoro Nu̱ Mu̱nar nang ka mbuk ɓeeni nduki chele ɓaanu nu̱ mbu̱ zhaaru̱m ma buuro nu, yang to ka za bonye nang me qaandi gwang. Yang ku̱ fet na memu̱na ɓar mbe maito ɓaa ɓa aa to ka khu̱l ye mu̱ti, ku̱me ngga vu̱r ɗye zhar nu̱ nyifiri yoro.

Ɗyin mbu̱ tukari 21:8

Yang nu̱ sawarku, ndu̱ nu̱ song shir zhireku, ndu̱ nu̱ tlu̱nar ɗye zhaane ku, ndu̱ nu̱ tlaghar mu̱tiku, ndu̱ nu̱ zawarku, ndu̱ nu̱ ɓu̱tli ghaiku, ndu̱ nu̱ ghaari ghai ye mu̱lu̱mku, ndu̱ kap nu̱ wolloku. Ka gwa ɗye ɓi ɓaanda mbu̱ giɗim ɓai gu̱rgu̱rndi nu̱ ɓai solfa, nang ke mu̱ti nu̱ rap.”

Ɗyin mbu̱ tukari 22:15

Yang nduki nu̱ke a dam ɗya nduki nu̱ke zopan, ndu̱ nu̱ ɓu̱tli ghai ku, ndu̱ nu̱ zawar ku, ndu̱ nu̱ tlaghar mu̱ti ku, ndu̱ nu̱ ghaari ghai ye mu̱lu̱m ku, ndu̱ nu̱ shimndi wollo ndu̱ shir wollo.

Ɗyin mbu̱ tukari 9:11

Kujiri a nje nu̱ke a kwaaɗar ɗyine wora, chin ke nu̱ ru̱kti nu̱ vu̱rki zalale yenda ɗyine me ge gargha mboɓongndang. Dlu̱man ndu̱ me Yakhuda ke “Abadon”, ndu̱ me Gu̱rik ɗya “Apoliyon” mban za, “Nu̱ Su̱bu̱rti”.