Yokhana 8:42 - Mewar Alqawarang

⁴² Tu̱ Yesu ze wor za, “Mbu̱ Magham ke zhinonu tu̱ga tun wa ndola nga, ku̱me nga vi she Magham, yang wonji nga fan. Na nga ɓa ndu̱ zalale ɓang ɓa, Magham a ru̱kki nga.

Yokhana 8:42 Iomraidhean Croise

Yokhana 1:14

Tu̱ Ɓalarang kha ma nduku tu̱ khan chele ɓaarem. Yang chem na zhaaji ɓaran wa zhaaji ɓu̱ Woi khakandi ɗyenda (nu̱ nggaki yen ndu̱ aa nyi pooni kha) na viki she Zhinkirang, nyeedlan ndu̱ mu̱nkir ndu̱ zhire.

Yokhana 12:49

Ɗyi nu̱ke nga shogaran ɓara ɗya ɓang ɓa, Zhinkir ɓang nu̱ ɗa ru̱kki nga zu̱ki ɗyi nu̱ke ngga zu̱ki ndu̱ ɓalar nu̱ke ngga shiki.

Yokhana 13:3

Yang Yesu wa zu̱n Magham wa sa aa nu̱m nu̱ mbu̱ kharan. Wa zu̱n chin a vi she Magham, yang chin a gaɓti nu̱ she Magham.

Yokhana 14:10

No maita za nga da ndu̱ Zhinkirang, yang Zhinkirang a mbya de? Ai ɓalar nu̱ke nga shiran ye nwang, nga shiran ndu̱ zalale ɓang ɓa, Zhinkir nu̱ke a mbyang kya tlu̱nar ɓaran.

Yokhana 16:30

Leendang chem wa da mban nu̱ ɗyine ta zu̱n aa nu̱m. Ta ka tlogha zhamndi me ku̱ nduk zhami. Nang wa sa chem maita ta vi she Magham.”

Yokhana 17:25

“Zhinkir nu̱ dambi aa nu̱ke nduki nu̱ larji nu̱ zu̱ndor ku ɓa, nga zu̱ndoro, yang nduki nang wa zu̱n za ta ru̱kki nga.

Yokhana 17:8

Ku̱me ɓalar no zu̱ki ya nga zu̱ ye wora, yang wa dlu̱ ku. Wa zu̱n ku za nga vi sho ro, wa maita ku za ta ru̱kki nga.

Yokhana 3:17

Ji Magham na ru̱k Yi ɓaran nu̱ mbu̱ larji ma ku̱ kuma larji ɓa, a ru̱k nda ma ku̱ larji ɗana nu̱ ku̱nshe nda.

Yokhana 5:23

Ma ku̱ aaki vu̱r gorkir ye Woyang, ba wa nu̱ka vu̱rki gorkir ye Zhinkirang ku. Kap njif nu̱ke nu̱ vu̱r gorkir ye woyang ɓa, nu̱ vu̱r gorkir ye Zhin nu̱ ɗa ru̱kki nda ɓa.”

Yokhana 5:43

Nga ɓa ndu̱ zalale ɓu̱ Zhinkir ɓanga, nun dlu̱ri nga ɓa, yang mbu̱ njif nggur a ɓa ku̱me ɗyinan, tun ka dlu̱ri nda.

Yokhana 8:14

Tu̱ Yesu tlogha ye wor za, “Aa nga saida ɗyina, ai, saidu ɓang ɗya zhire, ku̱me nga zu̱n ye maa na nga viki si, ndu̱ maa nu̱ke nga yir si. Yang nun zu̱n maa na nga viki si ɓa, yang nun zu̱n maa nu̱ke nga yir su̱ ɓa.

1 Korintiyeku 16:22

Kap njif nu̱ke a shim Zhinerem gwaanji ɓa ku̱ Magham mi barke ɓaran. A ɓo, Zhinerem gwaanji.

Galatiyeku 4:4

Yang nu̱ sarchi a khu̱lki tu̱m, tu̱ ɗa ru̱k Yi ɓaran. Yang kha nda nu̱ ku̱nshe nusu ɗyenda. Kha nda nu̱ mbu̱ bu̱n Bibitang,

1 Yokhana 4:14

Chem wa nggu̱ɗi, chem saida tu̱k nu̱ ɗyine Zhinkirang wa ru̱k Yi ɓaran tu̱ kha ma Nu̱ Ɗanar larji.

1 Yokhana 5:20

Chem wa zu̱n nu̱ ɗyine Yi ɓu̱ Magham a ɓa larji tu̱ vu̱r zu̱ndi yerem, ma zu̱n mi nda chin nu̱ke ɗya zhire. Yang tu̱k chem a mbe nda, chin nu̱ke ɗya zhire, kap nu̱ Yi ɓaran Yesu Masiya. Chin ke Maghamndi zhirekandi ndu̱ nyifi nu̱ke nu̱ka shi woɗa ɓa.

Ɗyin mbu̱ tukari 22:1

Kom tu̱ nu̱ ru̱kti ɓu̱ Magham wut gaawu ya nu̱ka vu̱rki ɗyim nyifiri, yaryar wa gu̱las, yang a kuɗar she zhakhɗye ɓu̱ Magham ndu̱ ɓu̱ Ye gamndang.