Yokhana 8:33 - Mewar Alqawarang

³³ Tu̱ tlogha yenda ku za, “Ai, chem pooni ɓu̱ Yibram, sar da nyem shi khar maava ɓa. Yang nu̱m saki to zu̱ za chem ka dli ɗyineremang na?”

Yokhana 8:33 Iomraidhean Croise

Matta 3:9

Taman nu mbu memu̱na nu za, ‘Yibram ke zhunonu ɓa,’ ku̱me nga zu̱ran ye nu Magham ka ɗu̱ma shi qusonggi ye Yibram ndu̱ ndogdiku nang.

Luka 3:8

Tlu̱na ma ɗyiku nu̱ke ka wuɗki za tun wa nggoɗi. Anya nu zu̱ran za, ‘Ai Yibram ke zhinerem ɓa.’ Ku̱me nga zu̱ran ye nu, Magham ka ɗu̱ma tu̱ gaɓ nu̱ ndogdiku nang ma qusonggi ɓu̱ Yibram.

Yokhana 19:25

Nduki nu̱ chingki nu̱ bing ndu̱ qu̱far kaatli nu̱ katlki Yesu nu̱ ɗyinanang ɗya man ndu̱ khachin man nusukandi, ndu̱ Maryam nokhzi Kilopas, ndu̱ Maryam ye Magadaliya.

Yokhana 8:37

Nga zu̱n tun zhikan Yibram, yang tun a shim tlagha nga, ku̱me nun dlu̱ shogar ɓang ɓa.

Yokhana 8:39

Tu̱ tlogha ku za, “Yang, ai, Yibram ke zhinerem.” Tu̱ Yesu ze wor za, “Mbu̱ tun qusonggi ɓu̱ Yibram, tu̱ga tun wa shi ɗyi nu̱ Yibram shiki.

Yokhana 8:43

Nu̱m saki nun da mbu̱ ɓalar ɓang ɓa? Ku̱me nun ɗu̱ma gwa dlu̱mndonu ye shogar ɓang ɗo ɓa.

Romeku 9:7

Pooni ɓu̱ Yibram kap ke qusonggi ɓu̱ Yibram ɓa. Me ɓu̱ nang tu̱ Magham ze Yibram za, “Pooni ɓa ka ɗa vi nu̱ ku̱nshe Yishaku.”