Yokhana 8:20 - Mewar Alqawarang

²⁰ Yesu shi ɓalar nang sarchi nu̱ke a shogar mbu̱ Rafti ɓu̱ Magham bing ndu̱ maa du̱ngdi mu̱zhindi vu̱rtang. Yang kap ndu̱ nang nduk a nje nu̱ ku̱ski nda ɓa, ku̱me sarchi ɓaran nu̱ shi dong ɓa.

Yokhana 8:20 Iomraidhean Croise

Matta 26:55

Ye sarchi nang tu̱ Yesu ze wor za, “Tun a vi ndu̱ kaskarku ndu̱ saɓirku ma ku̱si nga, nga nu̱ yetar njiva mu? Yang aa nyi fu̱ɗa nga mbu̱ Rafti ɓu̱ Maghamang nga shogaran ɓara yang nun ku̱si nga ɓa.

Matta 27:6

Tu̱ kuruku rututundang ghar mu̱zhindang tu̱ zu̱ ku za, “Nu̱ shipa ku̱ sa mu̱zhindi nang nu̱ ye maa du̱ngndi mbu̱ Rafti ɓu̱ Maghamang ɓa, ku̱me ɗya mu̱zhindi tlaghar mu̱ɗi.”

Markus 12:41

Tu̱ Yesu khan bing ndu̱ ye maa nu̱ke nduki ka saki vu̱rti ɓaanda mbu̱ kib ɓu̱ Maghamang. Tu̱ na ndukiku nu̱ kya sa mu̱zhindi ɓaanda nu̱ mbu̱ du̱ɓ zakyang. Tu̱ na nu̱ gu̱narku nu̱ saki mu̱zhindi khang nu mbu̱ maa tabar vu̱rtang tu̱k.

Markus 12:43

Tu̱ Yesu qa nu̱ mburi nda kwang, tu̱ ze wor za, “Zhire, nga zu̱ran ye nu, ku̱du̱w nokhzi nu̱ nungndi nang wa sa ɗyi nu̱ dukki ɓu̱ aa nyi nduk nu̱ saki mu̱zhindi ɓaran nu̱ mbu̱ du̱ɓ zakyang.

Luka 20:19

Tu̱ Maalu̱m Taurete ku ndu̱ kuru rututundikwang laɓ njiv nu̱ke wor ka ku̱ski Yesu waare su̱bu̱rti sarchi, ku̱me wa zu̱n ku za ku̱rti ɓalar nu̱ Yesu zu̱kya a shiran ndu̱ wora tu̱ yang tu̱k sawar ɓu̱ ndukiku.

Luka 21:1

Yesu a mbu̱ nggu̱ti tu̱ na nu̱ gu̱narku nu̱ke a sa vu̱rti ɓaanda nu̱ mbu̱ du̱ɓ zakyang,

Yokhana 10:39

Tu̱ shi ku tu̱k ma ku̱s nda, yang nu̱ gwa tu̱ ku̱s nda ku ɓa.

Yokhana 2:4

Tu̱ Yesu tlogha yenda za, “Nana, ta ɓa sha ma nu̱ma? Sarchi ɓang nu̱ shi dong ɓa.”

Yokhana 7:14

Nu̱ sarchi tabarang mberki tala, tu̱ Yesu vi nu̱ mbu̱ Rafti ɓu̱ Magham tu̱ nggasi shogar ye nduki.

Yokhana 7:30

Nu̱ Yesu zu̱ki ɓalar nang, tu̱ nduki shim ku̱si nda. Yang nduk nu̱ su̱ɓa nda ɓa, ku̱me sarchi ɓaran nu̱ shi dong ɓa.

Yokhana 7:44

Tu̱ ɓeenan shim ku̱si nda, yang nduk a nje nu̱ su̱ɓaki nda ɓa.

Yokhana 7:8

Ɗu̱ ma vaanu ma tabar ɓaanu. Nga ma yir ma tabar nang ɓa, ku̱me sarchi ɓang nu̱ shi ɓa.”

Yokhana 8:2

Vi dumaaran ndu̱ ɗawi tu̱ Yesu ɗu̱ mbu̱ Rafti ɓu̱ Maghamang tu̱k, tu̱ nduki kap a ɓa she nda, tu̱ kha gha a shogar ye wora.

Yokhana 8:59

Ba nu̱ Yesu zu̱ki wanang, tu̱ ɗa ghar ndogdiku ma mbukti nda. Tu̱ yang Yesu sagha nu̱ me yiti wora, tu̱ vi ɓar tu̱ njig mu̱na Rafti ɓu̱ Maghamang.