Yokhana 7:39 - Mewar Alqawarang

³⁹ Yang Yesu a shimkya ɓalar ɓu̱ Jiimbi shakhshakhndi nu̱ke nu̱ maitar nda ka ɓa dlu̱ki, jiwa ye sarchi nang nu̱ vu̱r Jiimbi Shakhshakh ndang dong ɓa, ma nu̱ke Yesu nu̱ vi nu̱ mbu̱ zhaaji ɓaran dong ɓa.

Yokhana 7:39 Iomraidhean Croise

Matta 16:14

Tu̱ zu̱ ku za, “Ɓeena nduki za to Yokhana Nu̱ Baptismyang, ɓeenan za Iliya, ɓeenan za Yirmiya, yang ɓeenan za to da chele ɓeeni annabikwang.”

Matta 21:11

Tu̱ tabar nduki nu̱ke a mbu gaanje Yeswang zu̱ za, “Nang ke Yesu annabi na ɓa ki ghai Nazaret nu̱ Galili.”

Luka 24:49

Wonji ngga ɗa ru̱k ndu̱ alqawar ɓu̱ Zhinkirang ye nu, yang bu ma mbu̱ ghai Urshalima, kope tun wa gwa zalale na ɓaki viɗi.”

Luka 3:16

Tu̱ Yokhana ze wor kap za, “Ɓang baptismyang ngaa shiran ye nu ndu̱ ɗyim, yang njif nggur nu̱ dukki nga gwaari a nje a ɓari. Njifang, aa zo paghamndi ɓaran nang gama kwatlan yenda nu̱ gha ɓa. Ka ɓa shi baptisme ye nu ndu̱ Jiimbi shakhshakhndi ndu̱ ɓai.

Luka 7:16

Tu̱ tabar ndukyang gor dlu̱m Magham su̱yen ndu̱ tu̱kti sawar maɗyikandi a zu̱ran ku za, “Annabi gwaanja vi chele ɓaarem, chem wa na zalale ɓu̱ Magham meeni.”

Yokhana 1:21

Tu̱ yang zham nda ku za, “Yang to ki ɗo? To Iliya mu?” Tu̱ tlogha za, “Nga chin ɓa.” Yang to ke annabyang mu? Tu̱ zu̱ za, “Auwo!”

Yokhana 1:25

zham Yokhana ku za, “Mbu̱ to ke Masiya ɓa, yang to Iliya ɓa, yang to annabyang zu̱m ɓa, nu̱m saki to ki baptismya na?”

Yokhana 1:33

Aa nga, nang zu̱n nda ɓa yang Magham nu̱ ɗa ru̱kki nga ma baptisme ndu̱ ɗyimang zu̱ki ya. A za, ‘Kap njif nang naki Jiimbi a shurti tu̱ yang lu̱b nu̱ ɗyine nda, chin ke njif nu̱ke ka ɓa shiki baptisme ndu̱ Jiimbi shakhshakhndang.’

Yokhana 12:16

Gumapaali nu̱ mburindakwang nu̱ da mbu̱ ɗyi nu̱ shiki nang ɓa, yang gaanje nu̱ vu̱rki zhaaji ye Yesu, tu̱ kor ku nu̱ ɗyine bu̱lar a nje wanang ɗyine nda, yang ɗyikwang shi ba wa nu̱ bu̱lakyang.

Yokhana 12:23

Tu̱ Yesu tlogha ye wor za, “Sarchi wa shi nu̱ke a ma vu̱r zhaaji ye Yi ɓu̱ nduku.

Yokhana 14:13

Ɗyi nun khuɗki kap mbu̱ dlu̱ma ngga shi, ku̱me ku̱ Zhinkirang gwa zhaaji nu̱ ku̱nshe Woyang.

Yokhana 14:26

Yang Nu̱ shaatarang, chin Jiimbi shakhshakhndi nu̱ke Zhinkirang ka ɓa ru̱kki mbu̱ dlu̱ma, chin ka shogaki aa nu̱m ye nu, tu̱ kor ɗyi nang zu̱ki ye nu kap.”

Yokhana 16:14

Ka vu̱r zhaaji ya, ku̱me ka dakya ɗyi nang zu̱ki tu̱ ze nu.

Yokhana 16:7

Yang nga zu̱ kya zhire ye nu, yir ɓang wa duk ndu̱ boote ye nu, ku̱me mbu̱ nang ɗu̱ ɓa, Nu̱ shaatarang ɓu̱ ɗa ɓa ɓa. Yang mbu̱ nga ɗi ngga ɗa ru̱kti nda ye nu.

Yokhana 17:1

Gaanje Yesu wa zu̱ ɓalarku nang, tu̱ da yitan tu̱ nggu̱t maa viɗi, tu̱ shi barar za, “Aba, sarchi wa shi. Vu̱r zhaaji ye Yi ɓaaro ku̱me chin ma ku̱ vu̱r zhaaji yor tu̱k.

Yokhana 17:5

Yang leendang Aba, vu̱r zhaaji ya ndu̱ pooni zhaaji nu̱ke nga nje si gume ro me ku̱ du̱ng larji.”

Yokhana 20:22

Nu̱ zu̱ki wanang tu̱ pi khu̱kheeti ye wora, tu̱ zu̱ za, “Dlu̱ ma Jiimbi shakhshakhndi.

Yokhana 6:14

Nu̱ ndukyang naki ɗye lazham nu̱ Yesu shikyang, tu̱ zu̱ ku za, “Shwat, mbu̱ wanang na ke annabi nu̱ke a ɓar mbu̱ larjyang yo.”

Yokhana 7:12

Mbu̱ tabarang, tu̱ nduki khang ki ɓalar ɓu̱ Yesu chele ɓaanda mbu̱ tuka. Ɓeenan ku a su̱paran za, “Ɗya nduk mbarkandi.” Yang ɓeenan za, “Wanang ɓa, a lamba kya nduki.”

Yokhana 8:54

Tu̱ Yesu tlogha ye wor za, “Mbu̱ nga vu̱r zhaaji ye ɗyina, zhaajyang ɗya ɗyi nggur ɓa, Zhinkir ɓang kya vu̱r zhaaji ya, nun ka qaki nda za ɗya Maghamndi ɓaanu nggwang.

Tlu̱nar ɓu̱ Pudeku 19:2

Tu̱ zham wor za, “Tun wa dlu̱ Jiimbi shakhshakhndi sarchi nun maitaki mu?” Tu̱ tlogha yenda ku za, “Ɓaarem nyem tu̱k za Jiimbi shakhshakhndi a nje ɓa.”

Tlu̱nar ɓu̱ Pudeku 2:17

‘Magham wa zu̱ za, Ngga ɗa zu̱ Jiimbi ɓang ye nduki kap mbu̱ lauɗar qaandi virkiri. Qusonggi ɓaanu nusu ndu̱ khusku ka kha ma nu̱ wopar zu̱r ɓu̱ Magham. Yiti nyakhtlirku ɓaanu ka na ɗyi tukakandi ku, geema khuzuku ka shi zhineku.

Tlu̱nar ɓu̱ Pudeku 2:33

Wa vu̱r zhaaji yenda a bu̱n zu̱ma ɓu̱ Magham, tu̱ ɗa dlu̱ Jiimbi shakhshakhndi nu̱ Zhin shiki alqawaranang ta zu̱n ɗyinerem, nang ke ɗyi nu̱ke tun a naran ndu̱ tu̱ktan.

Tlu̱nar ɓu̱ Pudeku 2:38

Tu̱ Biturus ze wor za, “Nggoɗ ma, tu̱ shi baptisme ye aaki chele ɓaanu mbu̱ dlu̱m Yesu Masiya ma ku̱ ndu̱m solar ɓaanu ye nu, tun ka dlu̱ Jiimbi shakhshakhndi mu̱nki.

Tlu̱nar ɓu̱ Pudeku 2:4

Tu̱ nyel kap ɓaanda ndu̱ Jiimbi shakhshakhndi, tu̱ nggaasi ɓalarku ndu̱ me ghaiku zum zum, ba wa nu̱ Jiimbi shakhshakhndang vu̱rki ye wora.

Tlu̱nar ɓu̱ Pudeku 3:13

Maghamndi ɓu̱ Yibram ndu̱ Yishaku, ndu̱ Nyagham, Maghamndi ɓu̱ zhikanerem, chin vu̱rki zhaaji ye maavi ɓaran Yesu. Nang ke njif nun vu̱rki nda ɓar ku̱ tlagha nda nu̱ gha, tun wut zhangndi yenda gume nggomna Bilatus aa nu̱ke wa shim ku̱ ngga nji nda gha.

Tlu̱nar ɓu̱ Pudeku 4:31

Nu̱ shiki barar kwang tu̱ maa nu̱ tabaki nu̱ njang yakhta. Tu̱ nyel wor ndu̱ Jiimbi shakhshakhndi, tu̱ ki zu̱ ɓalar ɓu̱ Magham ku waare sawa.

Romeku 8:9

Tun yang, nun ka shi khar viti ɓaanu mbe ɗye shir ɓu̱ nduk ɓa, tun a khar viti ɓaanu mbe Jiimba, mbu̱ Jiimbi ɓu̱ Magham a nje kharan mbu̱ memu̱na nu. Yang kap njif nu̱ke Jiimbi ɓu̱ Masiya a nje mbe nda ɓa, ɗya ɓu̱ Masiya ɓa.

2 Korintiyeku 3:8

Yang ɓu̱ zhaaji nu̱ ɗa viki nu̱ ku̱nshe tlu̱nar ɓu̱ Jiimba ɗa, khang ɓu̱ zhaaji ni ka kha kikimndana?

Afiseku 4:30

Ku̱r ma vaanu, ku̱ su̱bu̱r nu memu̱na Jiimbi shakhshakhndi ɓu̱ Magham nu̱gha ɓa, ku̱me chin ke saidu ɓu̱ Magham nu̱ke ka naki nu̱ si Fu̱ɗar wuri za tun ɓaran.