Yokhana 7:37 - Mewar Alqawarang

³⁷ Fu̱ɗar lauɗar si tabarang, nu̱ke nang ke fu̱ɗar gwaanji nu̱ tabaran, tu̱ Yesu ching gha tu̱ da su̱quran nu̱ viɗi tu̱ zu̱ za, “Kap njif nu̱ke a tu̱k khuzhumndi ku̱ ɗa ɓa sha tu̱ za ɗyimi.

Yokhana 7:37 Iomraidhean Croise

Matta 11:28

“A ɓa ma sha kap ɓaanu, tun nu̱ke nun nggumki tun a bonye ndu̱ shipiti taɗakandi ku, ngga vu̱r maasi ye nu.

Matta 3:3

Nang ke njif nu̱ annabi Yishaya shiki ɓalar ɓaran za, “Su̱ qur njif nggur a wopar mbu̱ gaari a zu̱ran za, ‘Daasa ma njiv peetar ye Zhinerem gwaanji, kwaɗa ma yiti njivkwang yenda nu̱ gha kwatu̱ra!’ ”

Matta 5:6

Barkya ve nduki nu̱ke a meeri ndu̱ khuzhumndi shir ɗyi nu̱ke Magham a shimndan, ku̱me mbu̱ wor ka ɓa zhi.

Yokhana 1:23

Tu̱ Yokhana tlogha ye wor ndu̱ ɓalar nu̱ annabi Yishaya zu̱kyang za, “Nga ke su̱qur nu̱ke a qar mbu̱ gaari a zu̱ran za, ‘Kwaɗa ma njiv ye Zhinerem gwaanji.’ ”

Yokhana 14:6

Tu̱ Yesu ze nda za, “Nga ke njivang, nga ke zhire, nga ke nyifi. Nduk a nje nu̱ke ka ɗu̱ki she Magham ɓa kope nu̱ ku̱n sha.

Yokhana 4:10

Tu̱ Yesu tlogha yenda za, “Mbu̱ ta zu̱n vu̱rti ɓu̱ Magham, ndu̱ njif nu̱ khuɗki ɗyim kha nang, tu̱ga ta khuti nda ka vu̱r ɗyim nu̱ka vu̱rki nyifiri yoro.”

Yokhana 4:11

Tu̱ nokhzang ze Yesu za, “Ku̱man, gurga kha ɓa, wonji bu̱lgazhang kiri, yang to ka gwa ɗyim nu̱ka vu̱rki nyifiri fu̱na?

Yokhana 4:14

yang aaki zaki ɗyim nu̱ke ngga vu̱rki yendang ɓu̱ tu̱k khuzhum gana tu̱k ɓa. Ɗyim nang vu̱rki yendang ka kha ma ɗyim nu̱ke a ɓaghar ma yir mbu̱ nyifi nu̱ke nu̱ka shi woɗa ɓa.”

Yokhana 5:40

Yang kap ndu̱ nang tun wa zhang ɓar sha gha ma gwa nu nyifiri.

Yokhana 6:35

Tu̱ Yesu tlogha ye wor za, “Nga ke ɗye zu̱mndi nu̱ka vu̱rki nyifi, njif nu̱ ɗa ɓa ki sha ɓu̱ tu̱k meeri gana fan ɓa, yang tu̱k njif nu̱ maitaki nga sar da ɓu̱ tu̱k khuzhum ɓa.

Yokhana 6:37

Kap nduki nu̱ Zhinkirang vu̱rki ya, kaɗa ɓa sha ku, yang njif nu̱ ɗa ɓa ki sha ngam ɓu̱ komba nda ɓa.

Yokhana 6:55

Ku̱me dlu vara ɗya ɗye zu̱m maɗyi, tom ɓang yang ɗya ɗye zar maɗyikandi.

Yokhana 7:28

Yesu a mbu̱ shogar mbu̱ Rafti ɓu̱ Maghamang, tu̱ da su̱quran nu̱ viɗi tu̱ zu̱ za, “Tun wa zu̱ndi nga, tun wa zu̱n maa nanga viki su̱ tu̱k. Nga ɓa ndu̱ zalale ɓang ɓa. Njif nu̱ ɗa ru̱kki nga ɗya nu̱ zhire, yang nun zu̱n nda ɓa.

1 Korintiyeku 10:21

Ɓu̱ shi tun za mbu̱ ɗyekhti ɓu̱ Zhinerem gwaanji, tun gaɓ tun za mbu̱ ɓu̱ khu̱kheetiku tu̱k ɓa. Tun ɓu̱ zu̱m ɗye zu̱mndi ɗyin tebu̱r ɓu̱ Zhinerem gwaanji, tun gaɓ tun zu̱m ɓu̱ khu̱kheetiku tu̱k ɓa.

1 Korintiyeku 10:4

tu̱ wor kap tu̱k za ɗyim nu̱ jiimbi nang. Ku̱me wa za ɗyim na viki ve dleng nu̱ jiimbi nu̱ke a yir su̱yen ndu̱ worang ɗo. Yang dleng nang ɗya Masiya.

1 Korintiyeku 11:25

Tu̱ shi wanang tu̱k, qu̱rse zu̱mndan tu̱ da ɗyekhtang tu̱ zu̱ za, “Ɗyekhti nang ɗya mewar alqawar, nu̱ tom ɓanga. Aa nyi sarchi nu̱ke tun a zaran, tun shi ku̱me kor nu nu̱ nga.”

1 Korintiyeku 12:13

Ku̱me shi baptismyang yerem kap mbu̱ Jiimbi da ndu̱ man var da, aa to Yakhude nduku, aa to Khelene, aa to maava, aa to ye ghai, kap ɓaarem chem za mbu̱ Jiimbi dandi nang.

Afiseku 5:18

Ku̱ kuya nu ndu̱ ɗyema ɓa, ku̱me nang ɗya njiv su̱bu̱rti nduki. Me ɓu̱ nang tun kha nyeedlan ndu̱ Jiimbi shakhshakhndi,

Ɗyin mbu̱ tukari 21:6

Tu̱ gaɓ tu̱ zu̱ tu̱k za, “Wa woɗa shiri! Nga ke Alfa ndu̱ Omega, Nggarsan ndu̱ Lauɗarsan. Kap njif nu̱ke a tu̱k khuzhumndi, ngga vu̱r zalale yenda ku̱ za ye maa ɓaghar ɗyim nu̱ka vu̱rki nyifiri mu̱nki.

Ɗyin mbu̱ tukari 22:1

Kom tu̱ nu̱ ru̱kti ɓu̱ Magham wut gaawu ya nu̱ka vu̱rki ɗyim nyifiri, yaryar wa gu̱las, yang a kuɗar she zhakhɗye ɓu̱ Magham ndu̱ ɓu̱ Ye gamndang.

Ɗyin mbu̱ tukari 22:17

Jiimba ndu̱ Wonkhar nu̱ke a ma ɓu̱rti a zu̱ran ku za, “A ɓo!” Yang kap njif nu̱ tu̱kki, ku̱ zu̱ tu̱k za, “A ɓo!” Kap njif nu̱ke a tu̱k khuzhumndi ku̱ ɗa ɓa, kap njif nu̱ke a gangndan ku̱ dlu̱ ɗyim nu̱ka vu̱rki nyifiri mu̱nki.