Yokhana 7:31 - Mewar Alqawarang

³¹ Kap ndu̱ nang tu̱ nduki khang mbu̱ tabar ndukyang maita Yesu, a zu̱ran ku za, “Woɗye ɗa, mbu̱ Masiya ɓa, ka shi ɗye lazham nu̱ dukki ɗyi nu̱ke khuski nang shiki mu?”

Yokhana 7:31 Iomraidhean Croise

Matta 12:23

Tu̱ ndukyang shi lazham a zu̱ran ku za, “Woɗye nang ɗya Yi ɓu̱ Dauda shot ɓa goma?”

Luka 8:13

Wor nu̱ ku̱ɗbaki nu̱ ɗyine tandalang wa kha ba wa nduki nu̱ tu̱kki ɓalar ɓu̱ Magham tu̱ dlu̱ ku ndu̱ kashari, yang nu̱ gwa ku̱ shi dlu̱dlarsi mbarkandi nu̱ ve memu̱na wor ɓa. Maitwang ba nu̱ me sarchi koɗomma, yang nu̱ gwaki bonyeku tu̱ wos maito ɓaanda gha.

Yokhana 11:45

Ku̱me nang tu̱ Yakhudeku khang nu̱ ɗa ɓa ki ye Maryam na ɗyi nu̱ Yesu shiki, tu̱ maita nda ku.

Yokhana 12:11

Ku̱me Yakhudeku khang wa maita Yesu tu̱ mburi nda ku ku̱me Liazaru.

Yokhana 12:42

Kap ndu̱ nang tu̱ nduki khang maita Yesu, su̱yen ndu̱ dlegumeku ɓaanda khang tu̱ maita nda ku. Yang ku̱me a sawa Parisekwang, nu̱ zu̱ ku za wor wa maita ɓa ku̱me ku̱ komba wor ɓar ye maa tabar ɓaanda ɓa.

Yokhana 2:11

Nang ke ɗye lazham nu̱ khaki ma ɗye saidu nu̱ gumapaali nu̱ Yesu shiki, yang shir nda Kaana nu̱ke a mbu̱ dlar ghai Galili. Wa wuɗ zhaaji ɓaran, tu̱ nu̱ mburindakwang maita nda.

Yokhana 3:2

Ta ɓa she Yesu mbu̱ virkiri za, “Maalu̱m, chem wa zu̱n za to maalu̱m nu̱ Magham a ru̱kki ro. Ku̱me nduk a nje nu̱ke ka ɗu̱maki shi ɗye lazhamku nu̱ke ta shiran nang ɓa kope Magham a nje su̱yen ndu̱ chin.”

Yokhana 4:29

“A ɓa ma tun na khuski ngguri nu̱ zu̱ki kap ɗyi nang shiki ya! Chin ke Masiya ɗo mu?”

Yokhana 4:39

Tu̱ nduki Samariya khang nu̱ke a mbu̱ ghayang maita Yesu ku̱me ɓalar nu̱ nokhzi nang zu̱ki za, “Wa zu̱ kap ɗyi nang shiki zhu ya.”

Yokhana 6:2

Tu̱ nduki khang mbu gaanje nda, ku̱me wa na ɗye saidu ɓaran nu̱ shiki ye nduki nu̱ke var wor mu̱n ɓa.

Yokhana 7:26

Wonji nda fan a ɓalar ye dalangi, yang nu̱ zu̱ aa nu̱m yenda ku ɓa. Dle gume kwang wa lauɗa san za chin ke Masiya kuji datkandi ɓu̱ Maghamang mu?

Yokhana 9:16

Tu̱ ɓeena Parisekwang zu̱ za, “Njif nang a vi she Magham ɓa, ku̱me nu̱ka khutlo Fu̱ɗar Maasi ɓa.” Tu̱ yang ɓeenan shi zhamndi za, “Nu̱ sola ka ɗu̱ma shi ɗye lazhamku nang kikimndana?” Tu̱ ɗyin wor shakh ku̱men.

Tlu̱nar ɓu̱ Pudeku 8:13

Tu̱ Siman ndu̱ ɗyinan maita. Qu̱rse nu̱ shiki baptisme yenda tu̱ ki mbu Filibus aa fu̱n a na ɗye lazhamku ndu̱ ɗye saiduku nu̱ke a shiranang tu̱ shi lazham maɗyi.

Yaqub 2:26

Ku̱me nang ba wa nu̱ke man var nduk nu̱ke nyifi su̱ ɓa mu̱tan, wanang tu̱k maito nu̱ke tlu̱na su̱ ɓa mu̱tan.