Yokhana 7:28 - Mewar Alqawarang

²⁸ Yesu a mbu̱ shogar mbu̱ Rafti ɓu̱ Maghamang, tu̱ da su̱quran nu̱ viɗi tu̱ zu̱ za, “Tun wa zu̱ndi nga, tun wa zu̱n maa nanga viki su̱ tu̱k. Nga ɓa ndu̱ zalale ɓang ɓa. Njif nu̱ ɗa ru̱kki nga ɗya nu̱ zhire, yang nun zu̱n nda ɓa.

Yokhana 7:28 Iomraidhean Croise

Matta 11:27

“Zhinkir ɓang wa vu̱r aa nu̱m ya kap nduk nje nu̱ zu̱nki woyang ɓa kope Zhinkirang, yang tu̱k nduk nje zu̱nki Zhinkirang zum ɓa kope woyang, kom ndu̱ njif nu̱ woyang shimki ku̱ wutnji nda yenda.

Matta 2:23

Nu̱ khu̱lkiku, tu̱ ɗa kha gha ku Nazaret ma ku̱ nyel ɗyi nu̱ annabikwang zu̱ki za, “Ka qa nda ye Nazaret.”

Matta 26:55

Ye sarchi nang tu̱ Yesu ze wor za, “Tun a vi ndu̱ kaskarku ndu̱ saɓirku ma ku̱si nga, nga nu̱ yetar njiva mu? Yang aa nyi fu̱ɗa nga mbu̱ Rafti ɓu̱ Maghamang nga shogaran ɓara yang nun ku̱si nga ɓa.

Luka 10:22

“Aba ɓang wa vu̱r zalale ya ɗyine aa nu̱m kap. Nduka nje zu̱nki Woyang ɓa, kope Zhinang ɗyenda, yang tu̱k nduk a nje zu̱nki Zhinang zum ɓa kope Woyang, kom ndu̱ njif nu̱ Woyang shimki wuti nda yenda.”

Luka 2:11

Wa kha nu̱ ɗanar ye nu meeni mbu̱ ghai ɓu̱ Dauda, dlu̱man za Masiya, Zhinerem gwaanji.

Luka 2:39

Nu̱ Yusufu ndu̱ Maryam woɗaki meghai nu̱ shipaki ku̱ shi ku kap, ba wa nu̱ Tauretyang zu̱ki, tu̱ gaɓ ku nu̱ mbu̱ dlar ghai Galili, tu̱ ɗu̱ mbu̱ ghai ɓaanda Nazaret.

Luka 2:4

Tu̱ Yusufu tu̱k njig Nazaret nu̱ kya mbu̱ dlar ghai Galili, tu̱ ɗu̱ Baitalami nu̱ kya mbu̱ dlar ghai Yakhudiya, ye ma nu̱ khaki kuji Dauda. Yusufu ɗu̱ nje ma shigarang ku̱me a zhikankir ndu̱ Dauda.

Luka 2:51

Tu̱ Yesu gaɓ nu̱ Nazaret su̱yen ndu̱ wora a mbu zu̱r ɓaanda. Tu̱ man, Maryam ki kor ɗyiku nang mbu̱ memu̱naran.

Yokhana 1:46

Tu̱ Nataniyel tlogha za, “Nazaret! Ɗyi mbarkandi kaɗa vi Nazaret shoɗa?” Tu̱ Filibus ze nda za, “A ɓo to ɗa na.”

Yokhana 10:36

yang nga nu̱ Magham wakaki, tu̱ ɗa ru̱kti nga nu̱ larji. Ka kha ma ɓalar ndu̱m ku̱me nga zu̱ za, ‘Nga Yi ɓu̱ Magham’ mu?

Yokhana 12:49

Ɗyi nu̱ke nga shogaran ɓara ɗya ɓang ɓa, Zhinkir ɓang nu̱ ɗa ru̱kki nga zu̱ki ɗyi nu̱ke ngga zu̱ki ndu̱ ɓalar nu̱ke ngga shiki.

Yokhana 14:10

No maita za nga da ndu̱ Zhinkirang, yang Zhinkirang a mbya de? Ai ɓalar nu̱ke nga shiran ye nwang, nga shiran ndu̱ zalale ɓang ɓa, Zhinkir nu̱ke a mbyang kya tlu̱nar ɓaran.

Yokhana 14:31

Nga shi torop ɗyi nu̱ Zhinkirang zu̱ki ya, ma ku̱ larji zu̱n za nga ndola Zhinkirang.” “Ji ma chem njig maa nang.”

Yokhana 16:3

Ka shi wanang ku ku̱me nu̱ zu̱ndi nga ɓa yang Zhinkirang ɓa.

Yokhana 17:25

“Zhinkir nu̱ dambi aa nu̱ke nduki nu̱ larji nu̱ zu̱ndor ku ɓa, nga zu̱ndoro, yang nduki nang wa zu̱n za ta ru̱kki nga.

Yokhana 17:3

Gwar nyifi nu̱ke nu̱ka shi woɗa ɓa ke ku̱ nduki zu̱ndor to ɗyenda to ke Maghamndi nu̱ zhire, kom ndu̱ Yesu Masiya no ɗa ru̱kki nda.

Yokhana 3:2

Ta ɓa she Yesu mbu̱ virkiri za, “Maalu̱m, chem wa zu̱n za to maalu̱m nu̱ Magham a ru̱kki ro. Ku̱me nduk a nje nu̱ke ka ɗu̱maki shi ɗye lazhamku nu̱ke ta shiran nang ɓa kope Magham a nje su̱yen ndu̱ chin.”

Yokhana 3:33

Yang kap njif nu̱ dlu̱ki saidu ɓaran wa wuɗ nu̱ ɗyine Magham ɗya nu̱ zhire.

Yokhana 5:32

Yang njif nggur a nje nu̱ke a saida nga, nga zu̱n saidu ɓaranang ɗya zhire.

Yokhana 5:43

Nga ɓa ndu̱ zalale ɓu̱ Zhinkir ɓanga, nun dlu̱ri nga ɓa, yang mbu̱ njif nggur a ɓa ku̱me ɗyinan, tun ka dlu̱ri nda.

Yokhana 6:42

Tu̱ zu̱ ku tu̱k za, “Woɗye nang ɗya Yesu de, woi ɓu̱ Yusufu, nu̱ke chem wa zu̱n man ndu̱ zhin? Yang nu̱m saki ka zu̱ki leendang za, ‘Nga shur viɗa na?’ ”

Yokhana 7:14

Nu̱ sarchi tabarang mberki tala, tu̱ Yesu vi nu̱ mbu̱ Rafti ɓu̱ Magham tu̱ nggasi shogar ye nduki.

Yokhana 8:14

Tu̱ Yesu tlogha ye wor za, “Aa nga saida ɗyina, ai, saidu ɓang ɗya zhire, ku̱me nga zu̱n ye maa na nga viki si, ndu̱ maa nu̱ke nga yir si. Yang nun zu̱n maa na nga viki si ɓa, yang nun zu̱n maa nu̱ke nga yir su̱ ɓa.

Yokhana 8:16

Yang aa ngga shi kuma, kumar ɓang ɗya zhire, ku̱me nga ɗyenda ɓa, Zhinkir ɓang nu̱ ɗa ru̱kki nga a nje su̱yen ndu̱ nga.”

Yokhana 8:19

Tu̱ zham nda ku za, “A fu̱n ke zhwa na?” Tu̱ Yesu tlogha ye wor za, “Nun zu̱ndi nga ɓa yang nun zu̱n Zhinkir ɓang ɓa. Mbu̱ tun wa zu̱ndi nga, tu̱ga tun wa zu̱n Zhinkir ɓanga.”

Yokhana 8:26

Ɗyi kwa nje khang nu̱ke ngga ɗu̱maki zu̱ran ɗyinonu, kom ɗyiku khang nu̱ke kuma nga nun ɗyinan tu̱k. Yang nga zu̱kya ba ɗyi nang tu̱kki she njif nu̱ ɗa ru̱kki nga ɗyenda, yang nga zu̱kya ba zhire ye larji.”

Yokhana 8:42

Tu̱ Yesu ze wor za, “Mbu̱ Magham ke zhinonu tu̱ga tun wa ndola nga, ku̱me nga vi she Magham, yang wonji nga fan. Na nga ɓa ndu̱ zalale ɓang ɓa, Magham a ru̱kki nga.

Yokhana 9:29

Chem wa zu̱n Magham wa shi ɓalar ndu̱ Musa, yang khuski nang nyem zu̱n ye maa nu̱ ɗa viki su̱ ɓa.”

Tlu̱nar ɓu̱ Pudeku 17:23

Sarchi nang baaraki mbu̱ ghai nga nggu̱t ɗyiku nun ka gharki ghai ye wora tang na du̱ku̱l dlar sadke nu̱ bu̱lar ɗyine nda viɗ za, ‘YE MAGHAMNDI NU̱KE NYEM ZU̱N ƁA.’ Nga ɓakya ma wut chin Maghamndi nun ka gharki ghai yenda yang nun zu̱n nda ɓa nda ni.

Romeku 1:28

Nu̱ke wa zhang zu̱n Magham ku gha, tu̱ Magham njig wora tu̱ ku̱s kor ɗyi bamndiku tu̱ ka shi ɗyi nu̱ke nu̱ shipa ku ɓa.

Romeku 3:4

Fu̱n ɗo! Ɓu̱ nggu̱tl sar da ɓa! Magham ka kha ma nu̱ zhire aakochi, aa nduki kap wa kha ma nu̱ wollo ku. Ba wa nu̱ke a nje bu̱laran za, “Ɓalar ɓa ɗya zhire aakochi shwat, aa gume kuma to ke nu̱ zhire.”

2 Korintiyeku 1:18

Ba wa nu̱ke Magham ɗya nu̱ zhire, ɓalar nyem zu̱ki ye nu ba wanang tu̱k, nyem ka zu̱ “E” ndu̱ “O'o” ɓa.

2 Korintiyeku 4:6

Jiwa Magham nu̱ zu̱ki za, “Ku̱ yarang shi mbu̱ zhum maari,” chin saki yarang ɓaran ku̱ shi mbu̱ memu̱narem, ma ku̱ shi yarang ye nduki ku̱ zu̱n ku za nduk ka na zhaaji ɓu̱ Magham nu̱ ku̱nshe Masiya.

Titus 1:2

Maito nu̱ zu̱ndi nu̱ke dlaran ve sar memu̱na ye nyifi nu̱ke nu̱ka shi woɗa ɓa. Magham nu̱ke nu̱ka shi wollo ɓa shiki alqawar nang kaabu nggarsi sarchi.

Yibraniyeku 6:18

Yang ɗo, ɗyiku a nje rap nu̱ke nu̱ka shi paata ɓa, yang ɓu̱ shi tu̱ Magham shi song zhire ɗyinan ɓa. Nu̱ke ɗyinang ɗya ɗye par du̱mbu̱r ye memu̱narem maɗyi, chem nyem ɗaki ku̱me gwami chem khuɓ maitwang, chem ka gwa par du̱mbu̱r maɗyi.

1 Yokhana 5:10

Aaki maitaki Yi ɓu̱ Magham, saidu nu̱ ɗa viki she Magham nang a nje mbu̱ memu̱naran. Yang kap njif nu̱ke nu̱ maita Magham ɓa, wa gaɓ ndu̱ Magham ma nu̱ wollo, nu̱ke wa zhang maita saidu nu̱ Magham shiki ɗyine Yi ɓaran.