Yokhana 7:14 - Mewar Alqawarang

¹⁴ Nu̱ sarchi tabarang mberki tala, tu̱ Yesu vi nu̱ mbu̱ Rafti ɓu̱ Magham tu̱ nggasi shogar ye nduki.

Yokhana 7:14 Iomraidhean Croise

Matta 21:12

Tu̱ Yesu vi nu̱ mbu̱ Rafti ɓu̱ Maghamang tu̱ komba nduki nu̱ke a masar ndu̱ masar ɓara mban, tu̱ tu̱pa tebu̱r ɓu̱ nu̱ paatar mu̱zhindiku ndu̱ ɗye khar ɓu̱ nu̱ masar mbooleku nu̱ yaghai.

Matta 26:55

Ye sarchi nang tu̱ Yesu ze wor za, “Tun a vi ndu̱ kaskarku ndu̱ saɓirku ma ku̱si nga, nga nu̱ yetar njiva mu? Yang aa nyi fu̱ɗa nga mbu̱ Rafti ɓu̱ Maghamang nga shogaran ɓara yang nun ku̱si nga ɓa.

Luka 19:47

Tu̱ Yesu ki shogar aa nyi ɗaatli ma mbu̱ Rafti ɓu̱ Magham, yang kuruku rututundi ndu̱ Maalu̱m Taurete ku ndu̱ dlegumeku nu̱ke a chele ndukyang, ki konyi gwanda njiv nu̱ke wor ka tlaghaki nda.

Yokhana 18:20

Tu̱ Yesu tlogha ye wor za, “Ai, nga shi ɓalar ye larji ye dalangi gume aaki, nga shogar ye nduki aakochi mbu̱ maa tabar ɓaanu ndu̱ mbu̱ Rafti ɓu̱ Magham, ye maa nu̱ke Yakhudeku ka tabaki. Sar da nang zu̱ ɗyi nggur mbu̱ tuka ɓa.

Yokhana 5:14

Qu̱rsan tu̱ Yesu a gwa nda mbu̱ Rafti ɓu̱ Maghamang tu̱ ze nda za, “Nggu̱tka, ta shaana! Shi na sola tu̱k ɓa, ma ku̱ ɗyi nu̱ dukki nang gwa ɓa.”

Yokhana 7:2

Yang ba ni Tabar khar mbu̱ tantiku ɓu̱ Yakhudekwang a shiki bing,

Yokhana 7:28

Yesu a mbu̱ shogar mbu̱ Rafti ɓu̱ Maghamang, tu̱ da su̱quran nu̱ viɗi tu̱ zu̱ za, “Tun wa zu̱ndi nga, tun wa zu̱n maa nanga viki su̱ tu̱k. Nga ɓa ndu̱ zalale ɓang ɓa. Njif nu̱ ɗa ru̱kki nga ɗya nu̱ zhire, yang nun zu̱n nda ɓa.

Yokhana 7:37

Fu̱ɗar lauɗar si tabarang, nu̱ke nang ke fu̱ɗar gwaanji nu̱ tabaran, tu̱ Yesu ching gha tu̱ da su̱quran nu̱ viɗi tu̱ zu̱ za, “Kap njif nu̱ke a tu̱k khuzhumndi ku̱ ɗa ɓa sha tu̱ za ɗyimi.

Yokhana 8:2

Vi dumaaran ndu̱ ɗawi tu̱ Yesu ɗu̱ mbu̱ Rafti ɓu̱ Maghamang tu̱k, tu̱ nduki kap a ɓa she nda, tu̱ kha gha a shogar ye wora.

Yokhana 8:20

Yesu shi ɓalar nang sarchi nu̱ke a shogar mbu̱ Rafti ɓu̱ Magham bing ndu̱ maa du̱ngdi mu̱zhindi vu̱rtang. Yang kap ndu̱ nang nduk a nje nu̱ ku̱ski nda ɓa, ku̱me sarchi ɓaran nu̱ shi dong ɓa.