Yokhana 6:71 - Mewar Alqawarang

⁷¹ Yang a shiran ndu̱ Yakhuda, yi ɓu̱ Siman Iskariyoti, ku̱me chin kya ma vu̱rti nda ɓara, aa nu̱ke ɗya da chele gwaanggu̱m rapndang.

Yokhana 6:71 Iomraidhean Croise

Matta 10:2

Wonji dlu̱m pudeku gwaanggu̱m rap ndang. Gumapaali, Siman nu̱ka qaki nda Biturus, ndu̱ khachinkir ɓaran Andu̱rawus, ndu̱ Yaqub yi ɓu̱ Zabadi, ndu̱ khachinkir ɓaran Yokhana.

Matta 10:4

ndu̱ Siman khuzi Kanana, ndu̱ Yakhuda Iskariyoti nu̱ masaki nda ɓara.

Markus 14:10

A nje a nje tu̱ Yakhuda Iskariyoti da chele gwaanggu̱m rap ndang ɗu̱ she kuruku rututundi kwang ma masa Yesu ɓar ye wora.

Yokhana 12:4

Tu̱ yang Yakhuda Iskariyoti, da chele nu̱ mburi nda ku nu̱ke a ma vu̱rti nda ɓara zu̱ za,

Yokhana 13:2

Sarchi nu̱ke Yesu ndu̱ nu̱ mburi nda ku a zu̱m ɗye zu̱mndi virkiri, Sheɗan wa woɗa saran nu̱ mbu̱ memu̱na Yakhuda Iskariyoti yi ɓu̱ Siman ma ku̱ vu̱r Yesu ɓara.

Yokhana 13:26

Tu̱ Yesu tlogha za, “Ngga sa njilakhti ɓurti tolirang nu̱ mbu̱ kotumndi. Njif nang vu̱rki yenda, ɗya chin.” Nu̱ Yesu daki njilakhti ɓurti tolirang tu̱ san mban, tu̱ vu̱r ye Yakhuda yi ɓu̱ Siman Iskariyoti.

Yokhana 2:2

Yesu ndu̱ nu̱ mburindakwang wa ɗu̱ ku nje tu̱k ku̱me wa qa wor ma ɓu̱rtang.

Yokhana 20:24

Yang Toma nu̱ka qaki nda za “Mugɗa,” nu̱ke ɗya da chele gwaanggu̱m rapndang a nje su̱yen ndu̱ wor sarchi nu̱ Yesu wutki varan ye wora ɓa.

Yokhana 6:64

Yang ɓeeni nduki a nje chele ɓaanu nu̱ke nu̱ maita ɓa.” Ku̱me gumapaali Yesu wa zu̱n nduki nu̱ke nu̱ maita ɓa, ndu̱ njif nu̱ke a ma vu̱rti nda ɓarang.

Yokhana 6:70

Tu̱ Yesu tlogha za, “Nga datki nu tun gwaanggu̱m rapndi nang ɓa goma? Yang da chele ɓaanu ɗya sheɗan.”

Tlu̱nar ɓu̱ Pudeku 2:23

Me ku̱ vu̱r khuski nang nu̱ mbu̱ kha nu ma ku̱ nu̱ solarku kaatli nda gha, Magham wa zu̱ni ku̱me chin daasaki.

Yakhuda 1:4

Nga zu̱ nang ku̱me nduki nu̱ viki nu̱ chele ɓaanu mbu̱ tuka, Ɗye shir mbarkandi ɓu̱ Magham a nje mbu̱ khar viti ɓaanda ɓa. Wa gaɓ ndu̱ mu̱nkir ɓu̱ Magham ku ma njiv tlu̱nar su̱bu̱rti. Wa keela Yesu Masiya nu̱ke chin ɗyenda ke Kuji ɓaarem ndu̱ Zhinerem gwaanji. Ai, ɓalar ɓu̱ Magham a ɓa zhu tang nu̱ zu̱ki za wa kuma wora.