Yokhana 6:70 - Mewar Alqawarang

⁷⁰ Tu̱ Yesu tlogha za, “Nga datki nu tun gwaanggu̱m rapndi nang ɓa goma? Yang da chele ɓaanu ɗya sheɗan.”

Yokhana 6:70 Iomraidhean Croise

Yokhana 13:18

“Nga ɓalarang ndu̱ tun kap ɓa. Nga zu̱n nduki nang datki. Yang wa ku̱s ku̱ nyel nga ɗyi nu̱ bu̱laki nu̱ gha mbu̱ ɓalar ɓu̱ Magham za, ‘Njif nu̱ kya zu̱m ɗye zu̱mndi ndu̱ nga mbu̱ du̱ɓ da, wa nggu̱ɗ nu̱ vya!’

Yokhana 13:2

Sarchi nu̱ke Yesu ndu̱ nu̱ mburi nda ku a zu̱m ɗye zu̱mndi virkiri, Sheɗan wa woɗa saran nu̱ mbu̱ memu̱na Yakhuda Iskariyoti yi ɓu̱ Siman ma ku̱ vu̱r Yesu ɓara.

Yokhana 13:21

Gaanje Yesu wa shi ɓalar nang, tu̱ ɗyen damta nda maɗyi mbu̱ memu̱naran, tu̱ zu̱ ye dalang za, “Zhire, nga zu̱ran ye nu, nduk da chele ɓaanu a ma vu̱rti nga ɓara.”

Yokhana 13:27

Nu̱ dlu̱ki njilakhti ɓurti tolirang tu̱ Sheɗan vi nu̱ mbe nda fan ndu̱ fan. Tu̱ Yesu ze Yakhuda za, “Ɗyi nu̱ke ta ku̱r shiranang, to shi ɗau ɗau.”

Yokhana 15:16

Tun datki nga ɓa, nga datki nu, tang sa nga za ɗu̱ nu tun a tlu̱na ɗyiku mbarkandi, qusonggi nu̱ke ka khaki koɗokhsi ɓa. Kom Zhinkirang ka vu̱r ɗyi nun khuɗki mbu̱ dlu̱ma ye nu kap.

Yokhana 15:19

Mbu̱ tun ɓu̱ larji tu̱ga larji wa shim ɗyi ɓaran, yang ku̱me tun ɓu̱ larji ɓa. Nga daato nu mbu̱ larji, nang ke ɗyi nu̱ saki tu̱ larji ki zhangndo nu.

Yokhana 17:12

Sarchi nu̱ke nga su̱yen ndu̱ wora, nga bu ɗyin wor ndu̱ zalale ɓu̱ dlu̱moro, nang ke dlu̱m no vu̱rki ya. Nga bu ɗyin wora, yang nduk a nje nu̱ saghaki ɓa kope nduk da chele ɓaanda nu̱ke ɗya ye su̱bu̱ri. Sagha ma ku̱ bu̱lar ɓalar ɓu̱ Maghamang nyedli.

Yokhana 2:2

Yesu ndu̱ nu̱ mburindakwang wa ɗu̱ ku nje tu̱k ku̱me wa qa wor ma ɓu̱rtang.

Yokhana 20:24

Yang Toma nu̱ka qaki nda za “Mugɗa,” nu̱ke ɗya da chele gwaanggu̱m rapndang a nje su̱yen ndu̱ wor sarchi nu̱ Yesu wutki varan ye wora ɓa.

Yokhana 6:64

Yang ɓeeni nduki a nje chele ɓaanu nu̱ke nu̱ maita ɓa.” Ku̱me gumapaali Yesu wa zu̱n nduki nu̱ke nu̱ maita ɓa, ndu̱ njif nu̱ke a ma vu̱rti nda ɓarang.

Yokhana 6:67

Tu̱ Yesu zham gwaanggu̱m rapndang za, “Tun a shim yi va nu tu̱k mu?”

Yokhana 6:71

Yang a shiran ndu̱ Yakhuda, yi ɓu̱ Siman Iskariyoti, ku̱me chin kya ma vu̱rti nda ɓara, aa nu̱ke ɗya da chele gwaanggu̱m rapndang.

Yokhana 8:44

Tun ɓu̱ zhinonu Sheɗan, yang tun a shim shir ɗyi nu̱ke a shiran tu̱k. Ɗya nu̱ tlaghar mu̱ɗi gumapaali yang nu̱ damta ndu̱ zhire ɓa, ku̱me zhire nje mbe nda ɓa. Mbu̱ wa kota wollo aakochi a shikya me ghai ɓaran, ku̱me ɗya nu̱ kotama, zhinkir ɓu̱ wollo.

Tlu̱nar ɓu̱ Pudeku 1:17

Ku̱me ɗya da chele ɓaarem zhu, wa shi me ɓaran mbu̱ tlu̱nar nang.”

Tlu̱nar ɓu̱ Pudeku 13:10

tu̱ zu̱ za, “To yi ɓu̱ Sheɗan! Nu̱ zhangndi ɗyi nu̱ke toropndi! To nyeedlan ndu̱ nyiglar maari, ndu̱ mu̱na ɗyenda. Tom njig su̱bu̱r njiv toropndiku ɓu̱ Magham nu̱gha de?

1 Timoti 3:11

Ku̱ nusuki ɓaanda tu̱k kha ndu̱ zhaaji, ku̱ kha ma nu̱ gu̱ndi virki ku ɓa, ku̱ ku̱s vaanda tu̱ shi zhire mbe ɗyi nu̱ke a shiran ku kap.

Titus 2:3

Wanang tu̱k tun shoga ye geema nusuki ku̱ shi khar viti ku nu̱ shipaki ɓu̱ nusuki nu̱ mbu Yesu. Ku̱ kha ma nu̱ kotama ku ɓa, ku̱ zar ɗyema kha ma ɗye shir ɓaanda ɓa. Ku̱ shogakya ɗyi nu̱ke mbarkandi ɓara,

1 Yokhana 3:8

Sheɗan ɗya nu̱ sola gumapaali, ku̱me nang kap njif nu̱ zu̱mki guma ndu̱ shir sola ɗya ɓu̱ Sheɗan. Ɗyi nu̱ saki tu̱ Yi ɓu̱ Magham a ɓa larji ma ku̱ su̱ya tlu̱nar ɓu̱ Sheɗan nu̱gha.