Yokhana 6:68 - Mewar Alqawarang

⁶⁸ Tu̱ Siman Biturus tlogha yenda za, “Zhinerem gwaanji, chem ka ɗu̱kya she kiya? To ke nu̱ ɓalar nu̱ka vu̱rki nyifiri nu̱ke ɓu̱ shi woɗa ɓa.

Yokhana 6:68 Iomraidhean Croise

Matta 16:16

Kom tu̱ Siman Biturus tlogha za, “To ke Masiya, Yi ɓu̱ Magham nu̱ nyifiri.”

Markus 8:29

Tu̱ yang zham wor za, “Yang ɓaanu tun a zu̱ran za nga kiya?” Tu̱ Biturus tlogha yenda za, “To ke Masiya Kuji Gwaanji Datkandi.”

Luka 9:20

Tu̱ Yesu gaɓ tu̱ ze wor za, “Yang ɓaanu ɗa, tun a zu̱ran za nga kiya?” Tu̱ Biturus tlogha za, “To ke Masiya ɓu̱ Magham.”

Yokhana 12:49

Ɗyi nu̱ke nga shogaran ɓara ɗya ɓang ɓa, Zhinkir ɓang nu̱ ɗa ru̱kki nga zu̱ki ɗyi nu̱ke ngga zu̱ki ndu̱ ɓalar nu̱ke ngga shiki.

Yokhana 12:50

Nga zu̱n nduk ka gwa nyifi nu̱ke ɓu̱ shi woɗa ɓa ku̱nshe zu̱r ɓu̱ Zhinkirang. Ku̱me nang ɗyi nang zu̱ki kap, nga zu̱kya ba torop ɗyi nu̱ Zhinkirang zu̱ki ya.”

Yokhana 17:8

Ku̱me ɓalar no zu̱ki ya nga zu̱ ye wora, yang wa dlu̱ ku. Wa zu̱n ku za nga vi sho ro, wa maita ku za ta ru̱kki nga.

Yokhana 5:24

“Zhire nga zu̱ran ye nu, njif nu̱ka tu̱kki ɓalar ɓanga, tu̱ka maita njif nu̱ ɗa ru̱kki nga, wa gwa nyifi nu̱ke ɓu̱ shi woɗa ɓa. Ɓu̱ kuma nda ɓa, wa woɗa lawar me mu̱ti wa gwa nyifiri.

Yokhana 6:40

Ku̱me nang ke shimndi ɓu̱ Zhinkir ɓanga, kap njif nu̱ke a nggu̱t Woyang, tu̱ ki maita nda wa gwa nyifi nu̱ke ɓu̱ shi woɗa ɓa, yang nga ka da nda nu̱ viɗi fu̱ɗar wuri.”

Yokhana 6:63

Jiimba ke nu̱ vu̱rti nyifi, zalale aa nu̱m kha manva ɓa. Ɓalarku nang zu̱ki ye nwang ɗya jiimba, ndu̱ nyifi.

Tlu̱nar ɓu̱ Pudeku 13:26

“Nyeezaku, zhikankirku ɓu̱ Yibram ndu̱ nu̱ sawar Magham ku nu̱ke ɗya Yakhude ku ɓa a ru̱k labar ɗanar nang yerem.

Tlu̱nar ɓu̱ Pudeku 4:12

“Yang gwar ɗanar a nje nu̱ ku̱nshe njif nggur zum ɓa, ku̱me nu̱ vu̱r dlu̱m nggur ye njif nggur mbu̱ larji nang za nduk ka gwa ɗana nu̱ ku̱nshe nda shwat ɓa.”

Tlu̱nar ɓu̱ Pudeku 5:20

“Ɗu̱ ma mbu̱ rafti ɓu̱ Magham tun a zu̱ labar mewar nyifiri nang kap ye nduki.”

Tlu̱nar ɓu̱ Pudeku 7:38

Musa nang ke khuski nu̱ tabaki nduki nu̱ Israila nu̱ mbu̱ gaari. Tu̱ kha su̱yen ndu̱ zhikanerem ndu̱ nu̱ ru̱kti ɓu̱ Magham nu̱ shiki ɓalar ndu̱ chin ɗyin Dleng Sinayang chin a dlu̱ki ɓalar nu̱ka vu̱rki nyifiri she Magham ta ɓa si yerem.

Tlu̱nar ɓu̱ Pudeku 8:37

[Tu̱ Filibus zu̱ za, “Mbu̱ ke ta maita nu̱ memu̱na da, ka shi yoro.” Tu̱ khuskyang tlogha za, “Nga maita Yesu Masiya ke Yi ɓu̱ Magham.”]