Yokhana 6:62 - Mewar Alqawarang

⁶² Yang tun ka shi kikimndi mbu̱ tun wa na Yi ɓu̱ Nduku a dlar ma yir mbu̱ viɗi ye maa nu̱ ɗa viki si?

Yokhana 6:62 Iomraidhean Croise

Matta 8:20

Tu̱ Yesu ze nda za, “Gwa kha birimbirimku, aa ɗyikhtiku nu̱ viɗi pugdi a nje kha wora, yang Yi ɓu̱ nduk maa qan khanda ɓa.”

Markus 16:19

Qu̱rse Yesu wa woɗa ɓalarang ye wora, tu̱ daa nda tu̱ ɗu̱ ndu̱ chin viɗi. Tu̱ kha gha yin bu̱n zu̱ma ɓu̱ Magham.

Luka 24:51

A mbu̱ sa barke ye wor tu̱ shakh ndu̱ wora tu̱ da nda ma yir viɗi.

Yokhana 16:28

Nga vi she Zhinkirang, tang a vi nu̱ mbu̱ larji, yang leendang nga ma njig larji tang gaɓ nu̱ she Zhinkirang.”

Yokhana 17:11

Nga gaɓti nu̱ sho ro. Ngam ɓu̱ khan larji tu̱k ɓa, yang ɓaanda a nje ku mbu̱ larji dong. Zhinkir Shakhshakhndi bu ɗyin wor ndu̱ zalale ɓu̱ dlu̱moro, nang ke dlu̱m no vu̱rki ya, ma ku̱ kha da ku, ba wa nu̱ke chem a su̱yen ndu̱ to.

Yokhana 3:13

Sar da nduk a nje nu̱ dlaki nu̱ viɗ ɓa, kope Yi ɓu̱ Nduk na shurki viɗ ɗyenda.

Yokhana 6:27

Ki nu bonye ku̱me kaalar ɗye zu̱mndi nu̱ke ka su̱bu̱rki ɓa, laɓ ma ɗye zu̱mndi nu̱ke ɓu̱ shi su̱bu̱r ɓa, yang ka vu̱r nyifi ye nu nu̱ke ɓu̱ shi woɗa ɓa. Nang ke pooni ɗye zu̱mndi nu̱ke Yi ɓu̱ Nduk ka vu̱rki ye nu. Ku̱me Magham wa ghwaɗ saidu maito nu̱ ve Masiya Yesu.”

Yokhana 6:42

Tu̱ zu̱ ku tu̱k za, “Woɗye nang ɗya Yesu de, woi ɓu̱ Yusufu, nu̱ke chem wa zu̱n man ndu̱ zhin? Yang nu̱m saki ka zu̱ki leendang za, ‘Nga shur viɗa na?’ ”

Yokhana 6:53

Tu̱ Yesu ze wor za, “Zhire, nga zu̱ran ye nu, mbu̱ nun nji dlu ɓu̱ Yi ɓu̱ nduk tun za tom ɓaran ɓa, nyifi nje mbe nu ɓa ɗo.

Tlu̱nar ɓu̱ Pudeku 1:9

Nu̱ zu̱ki wanang, a nggu̱tan ku tu̱ da nda ma yir mbu̱ viɗi. Tu̱ ku̱zapti nggur lu̱pa nda nu̱ gha me yiti wora nu̱ na nda ku tu̱k ɓa.

1 Biturus 3:22

Masiya wa ɗu̱ viɗi. A nje ɗyin bu̱n zu̱ma ɓu̱ Magham, ye maa nu̱ saki nu̱ ru̱ktiku ɓu̱ Magham, ndu̱ nu̱ kwaaɗarku, ndu̱ nu̱ zalaleku nu̱ mbu̱ bu̱nan.