Yokhana 6:53 - Mewar Alqawarang

⁵³ Tu̱ Yesu ze wor za, “Zhire, nga zu̱ran ye nu, mbu̱ nun nji dlu ɓu̱ Yi ɓu̱ nduk tun za tom ɓaran ɓa, nyifi nje mbe nu ɓa ɗo.

Yokhana 6:53 Iomraidhean Croise

Matta 18:3

Tu̱ zu̱ za, “Ngaa zu̱ zhire ye nu, mbu̱ nun nggoɗ tun kha wa qusonggi pichichi ɓa, sar da tun ɓu̱ vi nu̱ mbu̱ kwaaɗar ɓu̱ Magham ɓa.

Matta 5:18

Zhire nga zu̱ran ye nu, me ku̱ maa viɗi ndu̱ ma vu̱ghai sagha, aa tun mbillokh aa dobti tun koɗom mbu̱ bu̱lar woparang ɓu̱ sagha ɓa, kope wa nyel kap.

Matta 8:20

Tu̱ Yesu ze nda za, “Gwa kha birimbirimku, aa ɗyikhtiku nu̱ viɗi pugdi a nje kha wora, yang Yi ɓu̱ nduk maa qan khanda ɓa.”

Luka 13:3

Auwo, nga zu̱ran ye nu, mbu̱ nun nggoɗ tun njig solarku ɓaanu ɓa, tun ka mu̱ɗ ba wa nduki nang.

Luka 13:5

Auwo, nga zu̱ran ye nu, mbu̱ nun njig solarku ɓaanu ɓa, tun ka mu̱ɗ ba wa nduki nang.”

Yokhana 13:8

Tu̱ Biturus ze nda za, “Tom ɓu̱ shiɓ saara ya nu̱gha shwat ɓa.” Tu̱ Yesu tlogha yenda za, “Yang mbu̱ nang shiɓ yor nu̱gha ɓa, tun a nje ka tabaki nga ndu̱ to ɓa.”

Yokhana 15:4

Kha ma nu̱ mbya, tang khan mbe nu. Ba wa nu̱ke bu̱n qu̱far anap ɓu̱ ɗu̱ma kha woi waare man qu̱far anapang ɓa, wanang tu̱k tun ɓu̱ ɗu̱ma kharan ɓa kope tun wa khan mbya.

Yokhana 3:3

Tu̱ Yesu tlogha yenda za, “Zhire, zhire, nga zu̱ran yoro mbu̱ nu̱ gaɓ tu̱ kha nduk nu̱ si zu̱m ɓa ɓu̱ na kwaaɗar ɓu̱ Magham ɓa.”

Yokhana 3:36

Aaki kya maita Woyang, wa gwa nyifi nu̱ke ɓu̱ shi woɗa ɓa. Yang aaki nu̱ zhangki Woyang, ɓu̱ na nyifi ɓa, yang shokhnar ɓu̱ Magham a nje kharan ɗyine nda.”

Yokhana 3:5

Tu̱ Yesu tlogha yenda za, “Zhire zhire nga zu̱ran yoro, mbu̱ nu̱ kha nduk nu̱ ku̱nshe ɗyim ndu̱ Jiimba ɓa, ɓu̱ vi nu̱ mbu̱ kwaaɗar ɓu̱ Magham ɓa.

Yokhana 6:47

Zhire, nga zu̱ran ye nu, aaki maitaki wa gwa nyifi nu̱ke ɓu̱ shi woɗa ɓa.

Yokhana 6:51

Nga ke ɗye zu̱mndi nu̱ vu̱rti nyifiri nu̱ ɗa shurki viɗi. Kap njif nu̱ zu̱mki ɗye zu̱mndi nang ka gwa nyifiri koɗokhsi ɓa. Yang ɗye zu̱mndi nang ɗya man vara, nu̱ke nga ma vu̱rtan ma ku̱ larji gwa nyifiri.”

Yokhana 6:55

Ku̱me dlu vara ɗya ɗye zu̱m maɗyi, tom ɓang yang ɗya ɗye zar maɗyikandi.

Yokhana 6:62

Yang tun ka shi kikimndi mbu̱ tun wa na Yi ɓu̱ Nduku a dlar ma yir mbu̱ viɗi ye maa nu̱ ɗa viki si?

1 Yokhana 5:12

Njif nu̱ gwaki Woyang, wa gwa nyifiri. Yang njif nu̱ke nu̱ gwa Yi ɓu̱ Magham ɓa, nyifi nje kha nda ɓa.

Ɗyin mbu̱ tukari 2:17

Nu̱ dlu̱mdi tu̱kti maa, ku̱ tu̱k ɗyi nu̱ke Jiimbyang a zu̱ran ye tabarku ɓu̱ nu̱ mbu Yesu. Aaki raki wute nang, ngga vu̱r ɓeena manne tukakandi yenda. Ngga vu̱r ndogdi ɓongndi yenda tu̱k nu̱ bu̱laki mewar dlu̱m nu̱ ɗyinan yang nduk a nje nu̱ zu̱nki dlu̱m nang ɓa, kope njif nu̱ dlu̱ki ndogdang ɗyenda.”

Ɗyin mbu̱ tukari 2:7

Nu̱ dlu̱mdi tu̱kti maa, ku̱ tu̱k ɗyi nu̱ke Jiimbyang a zu̱ran ye tabarku ɓu̱ nu̱ mbu Yesu ku! Kap njif nu̱ raki wute nang, ngga vu̱r zalale nji ye qu̱far Nyifiri yenda nu̱ke a nje viɗ zhena ɓu̱ Magham mbu̱ viɗi.