Yokhana 6:47 - Mewar Alqawarang

⁴⁷ Zhire, nga zu̱ran ye nu, aaki maitaki wa gwa nyifi nu̱ke ɓu̱ shi woɗa ɓa.

Yokhana 6:47 Iomraidhean Croise

Yokhana 11:26

Njif nu̱ke a nje nu̱ nyifi, tu̱ yang ki maita nga, ɓu̱ mu̱t sar da ɓa. Ta maita nang mu?”

Yokhana 14:19

Wa njig ba sarchi koɗomma larji ɓu̱ na nga tu̱k ɓa, yang ɓaanu tun ka na nga. Ku̱me nga nu̱ nyifi, tun ka kha ndu̱ nyifiri.

Yokhana 3:16

“Ji Magham wa ndola larji maɗyi, tu̱ vu̱r woi ɓaran khakandi chin ɗyenda, ku̱me aaki nu̱ maitaki nda, ɓu̱ sagha bam ɓa, yang ka gwa nyifi nu̱ke ɓu̱ shi woɗa ɓa.

Yokhana 3:18

Aaki maitaki Yi ɓu̱ Magham ɓu̱ kuma nda ɓa, yang kap njif nu̱ zhangki maita nda gha, wa woɗa kuma nda, ku̱me nu̱ maita dlu̱m Yi ɓu̱ Magham khakandi ɗyenda ndang ɓa.

Yokhana 3:36

Aaki kya maita Woyang, wa gwa nyifi nu̱ke ɓu̱ shi woɗa ɓa. Yang aaki nu̱ zhangki Woyang, ɓu̱ na nyifi ɓa, yang shokhnar ɓu̱ Magham a nje kharan ɗyine nda.”

Yokhana 5:24

“Zhire nga zu̱ran ye nu, njif nu̱ka tu̱kki ɓalar ɓanga, tu̱ka maita njif nu̱ ɗa ru̱kki nga, wa gwa nyifi nu̱ke ɓu̱ shi woɗa ɓa. Ɓu̱ kuma nda ɓa, wa woɗa lawar me mu̱ti wa gwa nyifiri.

Yokhana 6:27

Ki nu bonye ku̱me kaalar ɗye zu̱mndi nu̱ke ka su̱bu̱rki ɓa, laɓ ma ɗye zu̱mndi nu̱ke ɓu̱ shi su̱bu̱r ɓa, yang ka vu̱r nyifi ye nu nu̱ke ɓu̱ shi woɗa ɓa. Nang ke pooni ɗye zu̱mndi nu̱ke Yi ɓu̱ Nduk ka vu̱rki ye nu. Ku̱me Magham wa ghwaɗ saidu maito nu̱ ve Masiya Yesu.”

Yokhana 6:40

Ku̱me nang ke shimndi ɓu̱ Zhinkir ɓanga, kap njif nu̱ke a nggu̱t Woyang, tu̱ ki maita nda wa gwa nyifi nu̱ke ɓu̱ shi woɗa ɓa, yang nga ka da nda nu̱ viɗi fu̱ɗar wuri.”

Yokhana 6:50

Yang wonji ɗye zu̱mndi nu̱ke a shurti viɗi. Aaki zu̱mki ɗye zu̱mndi nang ɓu̱ mu̱ɗ ɓa.

Yokhana 6:51

Nga ke ɗye zu̱mndi nu̱ vu̱rti nyifiri nu̱ ɗa shurki viɗi. Kap njif nu̱ zu̱mki ɗye zu̱mndi nang ka gwa nyifiri koɗokhsi ɓa. Yang ɗye zu̱mndi nang ɗya man vara, nu̱ke nga ma vu̱rtan ma ku̱ larji gwa nyifiri.”

Yokhana 6:54

Kap njif nu̱ke a nji dlu vara, tu̱ ka za tom ɓang tu̱k, wa gwa nyifi nu̱ke ɓu̱ shi woɗa ɓa, ngga da nda nu̱ viɗi fu̱ɗar wuri.

Yokhana 6:58

Nga ke ɗye zu̱mndi nu̱ ɗa shurki viɗi. Zhikannu nu̱ zhu tang wa nji manneku, yang kap ndu̱ nang tu̱ mu̱t ku, yang njif nu̱ zu̱mki ɗye zu̱mndi nang ka kha ndu̱ nyifiri koɗokhsi ɓa.”