Yokhana 6:45 - Mewar Alqawarang

⁴⁵ A nje bu̱laran mbu̱ lagarkati ɓu̱ annabikwang za, “Magham ka shogaki ye wora. Yang kap njif nu̱ tu̱kki, tu̱ yang shoga she Zhinkirang, wa ka ɓa sha.

Yokhana 6:45 Iomraidhean Croise

Matta 11:27

“Zhinkir ɓang wa vu̱r aa nu̱m ya kap nduk nje nu̱ zu̱nki woyang ɓa kope Zhinkirang, yang tu̱k nduk nje zu̱nki Zhinkirang zum ɓa kope woyang, kom ndu̱ njif nu̱ woyang shimki ku̱ wutnji nda yenda.

Matta 17:5

A mbu̱ ɓalarang, tu̱ ku̱zapti nu̱ke a wuti, a ɓa tu̱ za wor nu̱gha, tu̱ tu̱k su̱qur mbu̱ ku̱zaptang a zu̱ran za, “Nang ɗya Yi ɓanga, nu̱ke nga ndolaran, ngaa tu̱k mu̱ndi ɓaran maɗyi. Gwa ma dlu̱mndonu yenda.”

Markus 1:2

ba wa nu̱ bu̱laki nu̱ gha mbu̱ lagarkati ɓu̱ annabi Yishaya. Nu̱ Magham zu̱ki za, “Nggu̱ɗu, ngaa ru̱k nu̱ ru̱kti ɓang ku̱ ɗa ɓa gume ɓar ɓaaro ma ku̱ daasa njiv yoro.”

Luka 1:70

ba wa nu̱ zu̱ki nu̱ ku̱nshe annabiku shakhshakhndi nu̱ dlu̱r ɓalarku she Magham nu̱ kya nje ku zhu tang.

Luka 18:31

Tu̱ ɗu̱ nu̱ wor gwaanggu̱m rapndang konggol, tu̱ yang ze wor za, “Chem a ma yir Urshalima yang ɗyi nu̱ annabikwang bu̱laki nu̱ ɗyine Yi ɓu̱ Nduk ka nyel kap.

Yokhana 10:27

Ndu̱ɓangku ɓang wa ka mbu zu̱r ɓanga, nga zu̱n wora, wa ka mburi nga ku tu̱k.

Yokhana 6:37

Kap nduki nu̱ Zhinkirang vu̱rki ya, kaɗa ɓa sha ku, yang njif nu̱ ɗa ɓa ki sha ngam ɓu̱ komba nda ɓa.

Yokhana 6:65

Tu̱ zu̱ tu̱k za, “Na ke ɗyi nu̱ saki tang ze nu nga za, ‘Nduk a nje nu̱ke ka ɗu̱maki ɓar sha ɓa, buka mbu̱ Zhinkirang wa vu̱r zalale ni yenda.’ ”

Tlu̱nar ɓu̱ Pudeku 13:40

Ku̱me nang ku̱r ma vaanu, ku̱ ɗyi nu̱ Magham zu̱ki mbu̱ lagarkati ɓu̱ annabikwang nyel nu̱ ɗyinonu ɓa, ku̱me wa zu̱ ɗo za,

Tlu̱nar ɓu̱ Pudeku 7:42

Ku̱me nang tu̱ Magham vu̱r su̱ ɗyinan ye wora, tu̱ vu̱r wor ɓar ma ku̱ ghar ghai ye ɗyiku nu̱ mu̱na viɗi fu̱ɗa ndu̱ chera ndu̱ anjinjeku. Nang wa shi torop ndu̱ ɗyi nu̱ke a nje bu̱laran mbu̱ lagarkati ɓu̱ annabikwang za, ‘Woɗye ɗa nduki nu̱ Israila, tun dla qura ɗye nggarku, tun vu̱r sadkeku me sonyi ɗyin vatndi mbu̱ gaarang ya mu?

Afiseku 1:17

Nga barar ma ku̱ Maghamndi ɓu̱ Zhinerem gwaanji Yesu Masiya, Zhinkir nu̱ zhaaji, ku̱ vu̱r Jiimbi ɓaran nu̱ka vu̱rki kaɗari ndu̱ wuti su̱ tunu ye nu, ma ku̱ gwa nu shaatar mbe zu̱ndi Magham.

Filipiyeku 3:15

Ku̱me nang ku̱ shi mi kwaari ɗyine ɗyiku nang kap ɓaarem, chem nyem gorki mbe ɗyin mbu̱ Jiimba. Mbu̱ yang kwaari ɓu̱ ɓeeni nduki chele ɓaanu wa ngga yen ndu̱ nang, Magham ka wut ɗyen ye nu tu̱k ba.

1 Tasalonikeku 4:9

Ɗyine ɓalar ndolar yen wa khachinkirku, nu̱ ku̱s ku̱ bu̱lami ɗyen ye nu ɓa, ku̱me tun ndu̱ ɗyinonu Magham wa shoga ye nu za ku̱ ndola nu yen.

Yibraniyeku 10:16

“Wonji alqawar nu̱ke nga ma shiran ndu̱ wora, qu̱rse sarchi nang, nga Zhinkir gwaanji zu̱ki. Ngga sa bibitiku ɓang nu̱ mbu̱ memu̱na wora, ngga bu̱la wor nu̱ mbu̱ kwaari ɓaanda tu̱k.”

1 Yokhana 2:27

Yang ɓaanu Masiya wa vu̱r Jiimbi shakhshakhndi nu̱ mbe nu, ku̱me nang tun a gang maalu̱m nggur zumndi ma ku̱ shoga ye nu ɓa. Jiimbi nu̱ vu̱rkyang ka shoga aa nu̱m ndu̱ aa nu̱m ye nu, yang shogar ɓaranang ɗya zhire, nu̱ka shi wollo ɓa. Ku̱me nang zu̱m ma guma ndu̱ khar mbe Yesu ba wa nu̱ Jiimbyang shogaki ye nu.