Yokhana 5:45 - Mewar Alqawarang

⁴⁵ “Taman nu za ngga da zhaano ɓaanu nu̱ she Zhinkirang ɓa. Nu̱ dar zhaano ɓaanu a nje, chin ke Musa, chin nu̱ke tun a tamandan za ka shaata nwang.

Yokhana 5:45 Iomraidhean Croise

Luka 16:29

“Tu̱ Yibram tlogha yenda za, ‘Wopar ɓu̱ Musa ndu̱ lagarkati ɓu̱ annabiku a njig she wora, mbu nda ɗyi nu̱ zu̱ki ye worang.’

Yokhana 12:48

Njif nu̱ zhangki nga gha, yang nu̱ dlu̱ shogar ɓang tu̱k zu̱m ɓa, nu̱ kuma nda nje, ɓalar nang zu̱ki, chin ka kumaki nda fu̱ɗar wuri.

Yokhana 7:19

Woɗye Musa vu̱rki woparang ye nu de? Yang kap ndu̱ nang aa da nduk a nje nu̱ka khutloki Woparang chele ɓaanu ɓa. Yang nu̱m saki tun a shim tlagha nga?”

Yokhana 8:9

Nu̱ tu̱kki wanang ku, tu̱ nggasi lakhtar ku ndu̱ da da, ji ɗyin nduk kudaandi ma yir she qusonggi. Tu̱ njig Yesu chin ɗyenda, ndu̱ nokhzang chingndan gume nda.

Romeku 2:12

Mbu̱ nduki nu̱ke nu̱ vu̱r Bibitang ye wor ɓa wa shi sola ka su̱ya wor nu̱gha aa nu̱ke nu̱ zu̱n Bibitang ku ɓa. Yang mbu̱ Yakhudeku nu̱ vu̱rki Bibitang ye wora wa shi sola ka kuma wor ndu̱ Bibiti nu̱ke a kha worang.

Galatiyeku 3:10

Jiwa kap nduki nu̱ tamanki za wor ka gwa dlu̱r she Magham ku̱me wora mbu Bibiti ɓu̱ Musa, wa mi barke ɓaanda. Jiwa bu̱lar Ɓalar ɓu̱ Magham wa zu̱ za, “Njif nu̱ke nu̱ mbu ɗyi nu̱ke a nje bu̱laran mbu̱ Lagarkati Bibitang ɓa, Magham wa mi barke ɓaran.”