Yokhana 5:44 - Mewar Alqawarang

⁴⁴ Yang ɗa, tun ka maita kikimndana nu̱ke tun a komkomi gwa makhtar chele ɓaanu, yang nun zhang vaanu ma gwa nu makhtar nu̱ka viki she Magham ɗyenda ɓa?

Yokhana 5:44 Iomraidhean Croise

Matta 23:5

“Ka shi tlu̱nar ɓaanda ma ku̱ nduki na. Wa ka gu̱n galɓang lagarkatiku ndu̱ bu̱lar ɓalar ɓu̱ Magham nu̱ ve me guma wora, ndu̱ tu̱ ka shi me lukti ɓaanda kiri ma yir vu̱ghai.

Luka 19:17

“Tu̱ nu̱ rafti ɓaranang ze nda za, ‘Wa shi mbari, maavi mbarkandi! Nu̱ke ta shi zhire ɗyine ɗyi koɗommandi nang, ngga vu̱r kwaaɗar yoro. To ka khaki ma kuji ɗyine ghaiku gwang mbu̱ wuzu̱ndi ɓanga.’

Yokhana 12:43

Ku̱me a shim makhtar ɓu̱ nduki tu̱ duk ɓu̱ Magham.

Yokhana 17:3

Gwar nyifi nu̱ke nu̱ka shi woɗa ɓa ke ku̱ nduki zu̱ndor to ɗyenda to ke Maghamndi nu̱ zhire, kom ndu̱ Yesu Masiya no ɗa ru̱kki nda.

Yokhana 3:20

Kap njif nu̱ke a tlu̱na ɗyi malkandi wa ka zhang yarangang gha, yang ɓu̱ ɗa ɓa she yarangang zu̱m ɓa ku̱me a sawa ku̱ ɗye shir ɓaran a vi ye dalang ɓa.

Yokhana 5:41

Nang damta ndu̱ makhtar ɓu̱ nduk ɓa.

Yokhana 8:43

Nu̱m saki nun da mbu̱ ɓalar ɓang ɓa? Ku̱me nun ɗu̱ma gwa dlu̱mndonu ye shogar ɓang ɗo ɓa.

Romeku 2:10

Yang kap njif nu̱ shiki tlu̱nar mbarki ka gwa zhaaji ndu̱ gorkiri ndu̱ qaandi memu̱na, Yakhudeku gumapaali, kom nduki nu̱ke ɗya Yakhudeku ɓa.

Romeku 2:29

Yakhude zhirekandi ke njif nu̱ke ɗya Yakhuda mbu̱ memu̱naran, yang tu̱k dlarsi zhirekandi ke dlarsi nu̱ke a mbu̱ memu̱na nduku, nang ke ɗyi nu̱ Jiimba shiki, ɗya ɗyi nu̱ bu̱lar Bibitang shiki ɓa. Njif nu̱ khaki wanang Magham ke nu̱ kuna nda, ɗya nduk ɓa.

Romeku 2:7

Nduki a nje nu̱ke a kaala gorkir ndu̱ zhaaji nu̱ke nu̱ka shi woɗa ɓa. Nang ke nduki nu̱ shiki mbarkir mbe kanaɗyi, wor ke nduki nu̱ke Magham a ma vu̱r ɗye ɓi nu̱ nyifiri nu̱ke ɓu̱ shi woɗa ɓa ye wora.

1 Korintiyeku 4:5

Ku̱me nang ku̱ kuma nu nduk me ku̱ sarchi ni shi dong ɓa, bu ma ɓar ɓu̱ Zhinerem gwaanji nu̱ke ka lauɗaki su̱ kumar aa nu̱m. Chin ka wutki ɗyiku nu̱ke a nje tukaran mbu̱ zhumi, tu̱ fet ɗyi nu̱ nduki ku̱rki mbu̱ memu̱na wor ye dalangi. Nang ke sarchi nu̱ke aaki ka gwaki makhtar she Magham wa nu̱ shipaki.

2 Korintiyeku 10:18

Jiwa njif nu̱ makhtaki ɗyinan ka gwaki dlu̱r ɓa, ɗya njif nu̱ke Zhinkir gwaanji makhtaki nda.

Filipiyeku 2:3

Ku̱ shi nu aa nu̱m ndu̱ ndolar ɗyin ndu̱ gwaari ɗyin ɓa, tun kata ɗyinonu nu̱gha. Bu ku̱ aaki gaɓ ndu̱ mu̱dlen wa dukti nda.

1 Tasalonikeku 2:6

Yang nyem laɓ ku̱ nduki makhta rem ɓa, nyem laɓ ku̱ makhta nu rem ɓa yang nyem laɓ she nduki nggur zum ɓa. Aa nu̱ke mbu̱ chem wa shimi, tu̱ga chem wa shi boote ndu̱ zalale nu̱ke a kha rem ye khar ɓaarem pudeku ɓu̱ Masiya. Chem tu̱k chem wa du̱ng taɗar ɓaarem nu̱ ɗyine nu,

1 Timoti 1:17

Bu ku̱ gorkir ndu̱ zhaaji kha Kuji Magham aakochi, chin nu̱ke nggarsi ve nda ɓa yang lauɗar su̱ ve nda ɓa, nduk nu̱ka na nda ndu̱ yiti ɓa, chin ɗyenda ke Magham! Amin.

Yibraniyeku 3:12

Nyeezaku, shi ma ɗyi nu̱ke tun ka ɗu̱maki ma ku̱ njif nggur chele ɓaanu nu̱ke solar ndu̱ song maito nu̱ke a mbu̱ memu̱naran ka saki nda tu̱ njig Magham nu̱ nyifi ɓa.

Yaqub 2:1

Nyeezaku, ndola nu njif nggur tu̱ duk njif nggur chele ɓaanu ɓa, nu̱ke tun wa maita Zhinerem gwaanji Yesu Masiya, nu̱ke chin ke nu̱ zhaaji.

1 Biturus 1:7

Buuriku nang a ɓa ma buu maito ɓaanu mbu̱ ɗya maito zhirekandi. Nduki ka buu ginarwa ndu̱ ɓai, yang ɗya ɗyi nu̱ka woɗaki. Wanang tu̱k a buu maito ɓaanu nu̱ dukki ginarwa zhaaji. Shir wanangang ka sa tu̱ maito ɓaanu a ɓa ndu̱ makhtar ye nu ndu̱ zhaaji ndu̱ gorkiri ye fu̱ɗar nu̱ke Yesu Masiya ka ɗa gaɓki.

Yakhuda 1:25

Ma yir she Magham ɗyenda nu̱ ɗana rem, ku̱ gorkiri ndu̱ zhaaji ndu̱ kwaaɗar ndu̱ zalale kha nda me nggar su̱ sarchi, ndu̱ leendang, ndu̱ aakochi koɗokhsi ɓa! Nu̱ ku̱nshe Yesu Masiya Zhinerem gwaanji, Amin.