Yokhana 5:34 - Mewar Alqawarang

³⁴ Kap ndu̱ nang, nang dla vara nu̱ ve saidu ɓu̱ nduk ɓa. Nga zu̱ wanang ma gwa nu ɗanari.

Yokhana 5:34 Iomraidhean Croise

Luka 13:34

“Awai Urshalima! Awai Urshalima! To no tlaghaki annabiku, to mbuk nduki na ru̱kki wor yoro. Sar kim nga shimki taba nga nduki ɓaanu nu̱ ye maa da, ba wa nu̱ke man kuzha ka kanggu̱laki qusonggi ɓaran nu̱ mbu̱ khobkan yang tun wa zhang gha!

Luka 19:10

Jiwa wonji Yi ɓu̱ Nduk a ɓa ma laɓ nji nduki nu̱ saghaki, ku̱ ɗana wora.”

Luka 24:47

Yang ka shi wopar njigti solar ndu̱ yaapar solar mbu̱ dlu̱man ye nduki nu̱ larji kap, yang ka nggaasan Urshalima.

Yokhana 20:31

Yang bu̱la nu̱kunang ma ku̱ maita nu nu̱ ɗyine Yesu ke Masiya, Yi ɓu̱ Magham. Kom tu̱k, nu̱ ku̱n she maitar nda tun gwa nyifi mbu̱ dlu̱man.

Yokhana 5:32

Yang njif nggur a nje nu̱ke a saida nga, nga zu̱n saidu ɓaranang ɗya zhire.

Yokhana 5:41

Nang damta ndu̱ makhtar ɓu̱ nduk ɓa.

Yokhana 8:54

Tu̱ Yesu tlogha ye wor za, “Mbu̱ nga vu̱r zhaaji ye ɗyina, zhaajyang ɗya ɗyi nggur ɓa, Zhinkir ɓang kya vu̱r zhaaji ya, nun ka qaki nda za ɗya Maghamndi ɓaanu nggwang.

Romeku 10:1

Nyeezaku, ɗyi nang shimki guma ndu̱ aa nu̱m kap chin ke ku̱ Israila gwa ɗanari. Nang ke barar ɓang ye Magham nu̱ke nga shiran ku̱me wora.

Romeku 10:21

Yang ɗyine ɓalar ɓu̱ Israila, Magham wa zu̱ tu̱k za, “Nga piɗi nga zoɓa khara nga khuɗ nduki nu̱ nggarvarku ndu̱ nu̱ zhangndi tu̱kti maari.”

Romeku 12:21

Ku̱ njig nu tu̱ mu̱na ra nu ɓa, me ɓu̱ nang, ra ma mu̱na nu̱ ku̱nshe shir ɗyi mbarkandi.

Romeku 3:3

Yang nu̱ke ɓeeni Yakhudeku nu̱ maita ɓa ɗa? Song maitaranang ka nggu̱tl khar ɓu̱ Magham ma nu̱ shir zhire mu?

1 Korintiyeku 9:22

She nduki nu̱ke maito ɓaanda kata, tang kha wa nga wanang ma a dut nga wora, Nga kha ma aa nyi tun she ndukiku zum zum ma ɗana nga ɓeenan a kikimndi.

1 Timoti 4:16

To ku̱r vaaro ndu̱ shogar nu̱ke ta shiran. Gu̱n soro to zu̱m guma ndu̱ ɗyiku nang, ku̱me mbu̱ ta shi wanang, to ka ɗana vaaro ndu̱ nduki nu̱ke a gwa dlu̱mdi wor yoro.

1 Yokhana 5:9

Mbu̱ nduki wa saida ɗyi nu̱ wor naki, chem wa ka maita ɗyi nu̱ zu̱ki ku. Yang saidu ɓu̱ Magham wa duk saidu nu̱ nduki shiki nu̱ du̱mbu̱ri, yang tu̱k wonji chin nu̱ ɗyinan shiki saidu ɓu̱ ɗyiku nang ɗyine Yi ɓaran.