Yokhana 5:25 - Mewar Alqawarang

²⁵ Zhire, nga zu̱ran ye nu sarchi a ɓari, wa kar a ɓa, nu̱ke mu̱tiku ka tu̱k su̱qur Yi ɓu̱ Magham, wor nu̱ tu̱kkyang ka nakha.

Yokhana 5:25 Iomraidhean Croise

Luka 15:24

Ku̱me yiɓang nang ba wa mu̱tan ɗau, yang leendang aa nakha. Ɗau wa sagha, yang nga gaɓ tang gwa nda.’ Tu̱ nggaasi kasharku maɗyi.

Luka 15:32

Wa shipa shem kya kashari ndu̱ ɓong memu̱nari, ku̱me khato nang, ba wa wa mu̱ɗi, leendang aa nakha, mbu̱r far sagharan, yang leendang aa ɗaatli.’ ”

Luka 9:60

Tu̱ Yesu ze nda za, “Njig nduki nu̱ke jiimbi wor mu̱tan tu̱ pa mu̱ti ɓaanda, yang to, wopar ɓar ɓu̱ kwaaɗar ɓu̱ Magham ke tlu̱nar ɓaaro.”

Yokhana 13:1

A nje a nje me ku̱ Tabar Peetar ɗyin shi, Yesu wa woɗa zu̱ndan za sarchi ɓaran wa shi nu̱ke chin a ma njig larji nang chin gaɓ nu̱ she Zhinkirang. Yesu wa ndola nduki ɓaran nu̱ke a larji, wa wut ndolar ɓaran ye wor ma yi lauɗar su̱ khar ɓaanda.

Yokhana 17:1

Gaanje Yesu wa zu̱ ɓalarku nang, tu̱ da yitan tu̱ nggu̱t maa viɗi, tu̱ shi barar za, “Aba, sarchi wa shi. Vu̱r zhaaji ye Yi ɓaaro ku̱me chin ma ku̱ vu̱r zhaaji yor tu̱k.

Yokhana 4:21

Tu̱ Yesu ze nda za, “Moito nga, Nusu sarchi a ɓari nu̱ke nduk ɓu̱ ghar ghai ye Zhinkirang ɗyin dleng nang ɓa, yang Urshalima ɓa.

Yokhana 4:23

Yang kap ndu̱ nang, sarchi a nje a ɓari, yang wonji aa ɓa leendang. Nu̱ke nu̱ ghaari ghai zhirekandi ka gharki ghai ye Zhinkirang mbu̱ Jiimbi wor ndu̱ zhire. Ku̱me nang ke pooni nu̱ ghaari ghai ku nu̱ke Zhinkirang a shimndan.

Yokhana 5:21

Ba wa nu̱ke Zhinkirang ka nakhaki mu̱tiku tu̱ vu̱r nyifi ye wora, wanang tu̱k, Woyang wa ka vu̱r nyifi ye njif nyin shimki.

Yokhana 5:28

“Ku̱ shi nu lazham ɓalar nang ɓa, ku̱me sarchi a nje a ɓari nu̱ke mu̱tiku nu̱ke a mbu̱ ku̱jipku kap ka tu̱k su̱quran,

Yokhana 6:60

Tu̱kti wanang ke shar, tu̱ khang chele ɓu̱ nu̱ mburindakwang zu̱ za, “Nang ɗya ɓalar sharkandi, ki ka dlu̱kya?”

Yokhana 8:43

Nu̱m saki nun da mbu̱ ɓalar ɓang ɓa? Ku̱me nun ɗu̱ma gwa dlu̱mndonu ye shogar ɓang ɗo ɓa.

Yokhana 8:47

Njif ɓu̱ Magham wa ka tu̱k ɗyi nu̱ke Magham a zu̱ran. Yang nun gwa dlu̱mndonu ye ɗyi nu̱ke Magham a zu̱ran ɓa ku̱me tun ɓu̱ Magham ɓa.”

Yokhana 9:27

Tu̱ tlogha ye wor za, “Nang zu̱ki ye nwang, nun tu̱k de. Nu̱m saki tun a shim tu̱ktan tu̱ka? Tun a shim gaɓ nu ma nu̱ mburi nda ku tu̱k mu?”

Romeku 6:4

Nang a wutan za wa pa rem gha su̱yen ndu̱ chin mbe baptisma sarchi nu̱ paki nda. Chem kha da mbe mu̱ti ɓaran, ku̱me ba wa nu̱ jiiki ndu̱ Masiya nu̱ ku̱nshe zalale nu̱ zhaaji ɓu̱ Zhinkirang, wanang tu̱k ku̱ kha mi ndu̱ mewar khar viti.

Afiseku 2:1

Ɗau fara tun wa shi khar wa nduki nu̱ mu̱tki, ku̱me zop ɓaanu ndu̱ khar nu̱ke tun a shiran mbu̱ solarku.

Afiseku 2:5

ba ye sarchi nu̱ke chem mu̱tan mbu̱ solarku ɓaarem, tu̱ vu̱r nyifiri yerem su̱yen ndu̱ Masiya. Ɗana nu nu̱ ku̱nshe mu̱nkir ɓaran.

Afiseku 5:14

ku̱me yarang ke nu̱ wut tun ye dalangi. Nang ke ɗyi nu̱ saki tu̱ zu̱ za, “Ju, to nu̱ke ta ɗyeniri! Ju ɓar mbe mu̱ti! Masiya ka vu̱r yarang yoro.”

Kolosiyeku 2:13

Mbu̱r far tun mu̱tan ku̱me sola tun nduki nu̱ke ɗya Yakhudeku ɓa, yang Magham wa ji ndu̱ tunu, tun kha ndu̱ nyifiri mbe Masiya. Wa ndu̱m solarku ɓaarem yerem.

Ɗyin mbu̱ tukari 3:1

“Bu̱lo ye nu̱ ru̱kti ɓu̱ tabar ɓu̱ nu̱ mbu Yesu ku nu̱ke a Sardis no za, Wonji ɓalar nu̱ ɗa viki she njif nu̱ khubki jiimbiku mutndi ɓu̱ Magham, ndu̱ anjinjeku mut khubtan kha ndang. Nga zu̱n ɗye shir ɓaaro. Nduki a na wa to nu̱ nyifi, yang to mu̱tan!