Yokhana 5:19 - Mewar Alqawarang

¹⁹ Tu̱ Yesu tlogha ye wor za, “Zhire nga zu̱ran ye nu, Woyang nu̱ka shi aa nyi tun me ɗyinan ɓa, kope ɗyi nu̱ naki Zhin a shiran. Ku̱me nang, ɗyi nu̱ke Zhin a shiran, nang ke ɗyi nu̱ke Woyang a shiran.

Yokhana 5:19 Iomraidhean Croise

Matta 26:39

Nu̱ ɗu̱ki guma koɗom tu̱ nggu̱ɗ nu̱ mbiyitan tu̱ shi barari a zu̱ran za, “Zhinkir ɓanga, mbu̱ ka shi, to da ɗyekhti bonye na ya ɓara. Kap ndu̱ wanang, shi na shimndi ɓang ba, kope shimndi ɓaaro.”

Luka 21:15

Ku̱me nga vu̱r ɓalarku ndu̱ kaɗari ye nu nu̱ke nduk a nje chele ɓu̱ nu̱ zhangndi ɓaanu nu̱ke ka ɗu̱maki mbu̱m ɓalar ɓaanu nu̱ gha tu̱ keela ɗyi nun zu̱ki ɓa.

Yokhana 10:18

Nduk a nje nu̱ke ka ɗu̱maki lawa nyifi ɓang ɓar ɓa, ku̱me nga ke nu̱ vu̱rtan ɓar ndu̱ vara. Zalale vu̱rtan ɓara a nje khara, yang zalale gaɓti si a nje khara tu̱k. Nang ke ɗyi nu̱ Zhinkir ɓang zu̱ki ya za shi nga.”

Yokhana 12:49

Ɗyi nu̱ke nga shogaran ɓara ɗya ɓang ɓa, Zhinkir ɓang nu̱ ɗa ru̱kki nga zu̱ki ɗyi nu̱ke ngga zu̱ki ndu̱ ɓalar nu̱ke ngga shiki.

Yokhana 12:50

Nga zu̱n nduk ka gwa nyifi nu̱ke ɓu̱ shi woɗa ɓa ku̱nshe zu̱r ɓu̱ Zhinkirang. Ku̱me nang ɗyi nang zu̱ki kap, nga zu̱kya ba torop ɗyi nu̱ Zhinkirang zu̱ki ya.”

Yokhana 14:10

No maita za nga da ndu̱ Zhinkirang, yang Zhinkirang a mbya de? Ai ɓalar nu̱ke nga shiran ye nwang, nga shiran ndu̱ zalale ɓang ɓa, Zhinkir nu̱ke a mbyang kya tlu̱nar ɓaran.

Yokhana 2:19

Tu̱ Yesu tlogha ye wor za, “Gu̱ɗa ma Rafti ɓu̱ Magham nang nu̱gha, ngga du̱n nu̱gha mbu̱ qaandi kunung.”

Yokhana 3:3

Tu̱ Yesu tlogha yenda za, “Zhire, zhire, nga zu̱ran yoro mbu̱ nu̱ gaɓ tu̱ kha nduk nu̱ si zu̱m ɓa ɓu̱ na kwaaɗar ɓu̱ Magham ɓa.”

Yokhana 5:21

Ba wa nu̱ke Zhinkirang ka nakhaki mu̱tiku tu̱ vu̱r nyifi ye wora, wanang tu̱k, Woyang wa ka vu̱r nyifi ye njif nyin shimki.

Yokhana 6:38

Jiwa na nga shur viɗi ma shi shimndi ɓang ɓa, nga ɓakya ma shi shimndi ɓu̱ njif nu̱ ɗa ru̱kki nga.

Yokhana 8:28

Nang ke ɗyi nu̱ saki tu̱ Yesu ze wor za, “Sarchi nun daki Yi ɓu̱ Nduk nu̱ viɗi, ye sarchi nang tun ka zu̱nki za nga ke chin. Tun ka zu̱n za nang ka shi aa nu̱m ndu̱ zalale ɓang ɓa, yang nga zu̱kya ɗyi nu̱ke Zhinkirang shogaki ya ɗyenda.

Yokhana 9:4

Wa ku̱s ku̱ zu̱m mi guma ndu̱ tlu̱nar ɓu̱ njif nu̱ ɗa ru̱kki nga ndu̱ fu̱ɗari. Ku̱me virkiri a ɓar nu̱ke nduk a nje nu̱ke ka shiki tlu̱na ɓa.

Tlu̱nar ɓu̱ Pudeku 2:24

Yang tu̱ Magham ji ndu̱ chin ɓar mbe mu̱ti, tu̱ lawa nda ɓar mbe zalale ni. Ku̱me ɓu̱ shi ku̱ mu̱ti khubti nda ɓa.

Romeku 6:4

Nang a wutan za wa pa rem gha su̱yen ndu̱ chin mbe baptisma sarchi nu̱ paki nda. Chem kha da mbe mu̱ti ɓaran, ku̱me ba wa nu̱ jiiki ndu̱ Masiya nu̱ ku̱nshe zalale nu̱ zhaaji ɓu̱ Zhinkirang, wanang tu̱k ku̱ kha mi ndu̱ mewar khar viti.

Romeku 8:11

Mbu̱ Jiimbi shakhshakhndi nu̱ jiiki ndu̱ Yesu mbe mu̱ti a nje kharan mbe nu, ba chin nu̱ jiiki ndu̱ Masiya mbe mu̱tang ka vu̱r nyifiri ye man vaanu nu̱ka mu̱tki. Nu̱ ku̱nshe Jiimbi nu̱ke a nje kharan mbe nwang.

1 Korintiyeku 15:12

Yang nang ɗo, mbu̱ chem a wopa jiiri ɓu̱ Masiya ɓar mbe mu̱ti, nu̱m saki tu̱ ɓeeni nduki chele ɓaanu ka zu̱ za nduki nu̱ mu̱tki ɓu̱ ji mbe mu̱ti ku ɓa ndang na?

2 Korintiyeku 4:14

Jiwa chem wa zu̱n nu̱ ɗyine Magham nu̱ jiiki ndu̱ Zhinerem gwaanji Yesu ɓar mbe mu̱ti, ka ji ndu̱ chem ɓar su̱yen ndu̱ Yesu, tu̱ ɗa ɓa ndu̱ chem gume nda su̱yen ndu̱ tunu.

2 Korintiyeku 5:10

Jiwa wa ku̱s ku̱ ching mi nu̱ gume du̱ku̱l kumar ɓu̱ Masiya kap ɓaarem, ma ku̱ kuma rem. Aaki ka dlu̱ ɗye ɓi ɓaran ba wa nu̱ tlu̱naki sarchi nu̱ke a mbu̱ man var nu̱ larji nang, aa mbarkandi aa malkandi.

Afiseku 2:5

ba ye sarchi nu̱ke chem mu̱tan mbu̱ solarku ɓaarem, tu̱ vu̱r nyifiri yerem su̱yen ndu̱ Masiya. Ɗana nu nu̱ ku̱nshe mu̱nkir ɓaran.

Afiseku 3:16

Nga khuti nda ku̱ vu̱r vu̱rti nggur ye nu mbu̱ gu̱nar zhaaji ɓaran. Tu̱ pa du̱mbu̱r ye nu ndu̱ zalale ɓaran, ma ku̱ kha nu shokhku̱rokh mbu̱ memu̱nanu nu̱ ku̱nshe Jiimbi ɓaran.

Filipiyeku 3:21

Chin ke nu̱ zalale sar aa nu̱m kap nu̱ mbu̱ bu̱nan. Ka nggoɗ man vaarem ndu̱mkandi nang nu̱gha nu̱ ku̱nshe zalale ɓaranang, tu̱ gaɓ ndu̱ wor tu̱ kha wa man varan nu̱ zhaaji nang.

Filipiyeku 4:13

Ngga ɗu̱ma shi aa nu̱m nu̱ ku̱nshe Masiya nu̱ ka vu̱rki du̱mbu̱r shiran ya.

Kolosiyeku 1:11

Ku̱ Magham pa du̱mbu̱r ye nu ndu̱ du̱mbu̱r ɓaran nu̱ zhaaji tun gwa tun ching gha mbari, ma ku̱ gu̱n nu memu̱na nu ndu̱ ɗyi nu̱ke a ɗaatli, tun a kanaɗyi mbe kasha.

Kolosiyeku 1:16

ku̱me shi aa nu̱m ndu̱ aa nu̱m nu̱ ku̱nshe nda. Chin shiki ɗyi nu̱ke a viɗi ndu̱ vu̱ghai, ndu̱ ɗyi nu̱ke nduk a naran ndu̱ ɗyi nu̱ke nu̱ka shi na ndu̱ yiti ɓa. Shi ɗyiku nu̱ke a kwaaɗar mu̱na viɗi nu̱ ku̱nshe nda, kujiku ndu̱ nu̱ zhakhɗyeku ndu̱ nu̱ kwaaɗar ku ndu̱ zalaleku, ɗyi nu̱ shiki kap, shi nu̱ ku̱nshe nda, yang shi ku̱me chin tu̱k.

1 Tasalonikeku 4:14

Ma nu̱ke chem wa maita nu̱ ɗyine Yesu wa mu̱ɗi, tu̱ ji ɓar mbe mu̱tang, wanang tu̱k mbe Yesu, Magham ka ɗa gaɓ ndu̱ nduki nu̱ shiki ɗyeniri, su̱yen ndu̱ Yesu.

1 Biturus 3:18

Jiwa Masiya mu̱t ku̱me solar ku sar kaada ye kharki, nu̱ dambi ku̱me nu̱ song dambi, ma ku̱ ɗu̱ ndu̱ tun she Magham. Wa tlagha nda nu̱ gha mbu̱ man va, yang wa vu̱r nyifi yenda mbu̱ jiimba,

Ɗyin mbu̱ tukari 2:23

Ngga tlagha nduki nu̱ke a mbu shogar ɓaran nu̱gha, nu̱ mbu Yesu ku kap ka zu̱n nu̱ ɗyine nga ke nu̱ laɓ mbu̱ kwaari ndu̱ memu̱na aaki. Yang ngga ɓi aaki ku̱rku̱r ndu̱ tlu̱nar ɓaran.