Yokhana 5:18 - Mewar Alqawarang

¹⁸ Tu̱ ɓalar nang sa Yakhudekwang tu̱ shaata shim tlagha nda nu̱gha a zu̱ran ku za, “Ku̱me shaanar khuski nu̱ shiki fu̱ɗar maasang ɗyenda ɓa, wonji wa qa Magham Zhin tu̱k a buu ɗyinan ndu̱ Magham.”

Yokhana 5:18 Iomraidhean Croise

Matta 12:5

Shwat nun na bu̱laran mbu̱ wopar ɓu̱ Musa za, kurukwang wa shi ɗyi nggur nu̱ woparang nggu̱tlki gha mbu̱ Rafti ɓu̱ Magham Fu̱ɗar Maasi, yang tu̱ kha nu̱ shi zop ku ɓa goma?

Yokhana 1:19

Wonji saidu nu̱ Yokhana vu̱rki sarchi nu̱ Yakhudeku nu̱ Urshalima ru̱kki kuruku ndu̱ Lawiku ku̱ zham nda za, “To ki kwa?”

Yokhana 10:30

Nga ndu̱ Zhinkirang chem da.”

Yokhana 10:33

Tu̱ Yakhudekwang tlogha yenda za, “Ai, chem a ma mbuktoro ku̱me tlu̱nar mbarkandi no shiki ɓa, yang chem a ma mbuktoro ku̱me ɓalar ndu̱mndi no shiki ye Magham. To nu̱ke to nduku yang ta buu ɗyinor ndu̱ Magham.”

Yokhana 14:23

Tu̱ Yesu tlogha yenda, “Kap njif nu̱ke a ndola nga, ka khutlo ɓalar ɓanga, Zhinkir ɓang ka ndola nda tu̱k, chem ka ɗa ɓa she nda chem kha gha su̱yen ndu̱ chin.

Yokhana 14:9

Tu̱ Yesu ze nda za, “Nga shoɓ su̱yen ndu̱ tunu wanang, yang ma ɓar meeni nun zu̱ndi nga ɓa, Filibus? Kap njif nu̱ naki nga, ai, wa na Zhinkirang. Nu̱m saki to ka zu̱ki za, ‘Wut Zhinkirang yeremang?’

Yokhana 19:7

Tu̱ Yakhudekwang tlogha yenda za, “Woparang nje khaarem, yang woparang wa wut za wa ku̱s ku̱ tlagha nda nu̱ gha, ku̱me wa gaɓ ndu̱ ɗyinan za mu chin Yi ɓu̱ Magham.”

Yokhana 5:15

Tu̱ khuskyang ɗu̱ tu̱ ɗa ze dle gume ɓu̱ Yakhudekwang za ɗya Yesu shaanaki nda.

Yokhana 5:16

Tu̱ dle gume ɓu̱ Yakhudekwang ku̱na maa khar ye Yesu ku̱me wa shaana khuskyang ye Fu̱ɗar Maasi.

Yokhana 5:17

Tu̱ yang Yesu ze wor za, “Zhinkir ɓang nu̱ njig shir tlu̱nar ɓa, yang ngam njig zum ɓa.”

Yokhana 5:23

Ma ku̱ aaki vu̱r gorkir ye Woyang, ba wa nu̱ka vu̱rki gorkir ye Zhinkirang ku. Kap njif nu̱ke nu̱ vu̱r gorkir ye woyang ɓa, nu̱ vu̱r gorkir ye Zhin nu̱ ɗa ru̱kki nda ɓa.”

Yokhana 7:1

Gaanje nang tu̱ Yesu baara mbu̱ dlar ghai Galili, yang nu̱ shim yir mbu̱ dlar ghai Yakhudiya ɓa, ku̱me Yakhudeku nu̱ke a far a shim tlagha nda ku.

Yokhana 7:19

Woɗye Musa vu̱rki woparang ye nu de? Yang kap ndu̱ nang aa da nduk a nje nu̱ka khutloki Woparang chele ɓaanu ɓa. Yang nu̱m saki tun a shim tlagha nga?”

Yokhana 8:54

Tu̱ Yesu tlogha ye wor za, “Mbu̱ nga vu̱r zhaaji ye ɗyina, zhaajyang ɗya ɗyi nggur ɓa, Zhinkir ɓang kya vu̱r zhaaji ya, nun ka qaki nda za ɗya Maghamndi ɓaanu nggwang.

Yokhana 8:58

Tu̱ Yesu ze wor za, “Zhire nga zu̱ran ye nu, me ku̱ kha Yibram nga nje.”

Filipiyeku 2:6

Aa nu̱ke chin Magham, nu̱ da khar ɓaran ku̱rku̱r ndu̱ Magham ma ɗyi nggur ɓa,

Ɗyin mbu̱ tukari 22:1

Kom tu̱ nu̱ ru̱kti ɓu̱ Magham wut gaawu ya nu̱ka vu̱rki ɗyim nyifiri, yaryar wa gu̱las, yang a kuɗar she zhakhɗye ɓu̱ Magham ndu̱ ɓu̱ Ye gamndang.

Ɗyin mbu̱ tukari 22:3

Ɓu̱ gwa ɗyi nggur nu̱ Magham miiki barke ɓaran mbu̱ ghai nang ɓa. Zhakhɗye ɓu̱ Magham ndu̱ ɓu̱ Ye gamndang ka kha gha mbu̱ ghayang. Maaviku ɓaran yang ka ghar ghai yenda.