Yokhana 4:48 - Mewar Alqawarang

⁴⁸ Tu̱ Yesu tlogha yenda za, “Mbu̱ nun na ɗye saidu ndu̱ ɗye lazhamku ɓa, tun maita sar da ɓa.”

Yokhana 4:48 Iomraidhean Croise

Matta 16:1

Tu̱ Pariseku ndu̱ Sadukeku a ɓa she Yesu ma buuri nda, tu̱ khuɗ nda ku za ku̱ wuɗ ɗye lazham nggur nu̱ke ka wuɗki za chin a ɓa mbu̱ viɗ she Magham.

Matta 24:24

Ku̱me Masiye kotameku ndu̱ annabi kotameku kaɗa vi ku, tu̱ shi shipar ɗyiku ndu̱ ɗye lazhamku, ma ku̱ lamba nda nduki, ndu̱ aa nduki datkandiku mbu̱ ka shi.

Matta 27:42

“Wa ɗana nduki nggur tu̱ ku̱na ɗana varan. Mbu̱ chin ke kuji ɓu̱ Israila, bu ku̱ ɗa zhur yaghai ɗyine qu̱far kaatlang ɗo, kom chem ka maita nda.

Markus 13:22

Ku̱me Masiye nu̱ kotame ku ndu̱ annabi kotame ku ka ɗa viiku, kaa wut ɗye saidu ku, ndu̱ ɗye lazham ku, ma lamba nduki, mbu̱ ka ɗu̱ma ku tu̱ga ka lamba aa nduki datkandikwang.

Luka 10:18

Tu̱ Yesu tlogha ye wor za, “Ngaa na Sheɗan aa nggu̱ɗ viɗi wa wuti maari.

Luka 16:31

“Tu̱ Yibram ze nda za, ‘Mbu̱ nu̱ gwa dlu̱mndi wor ye wopar ɓu̱ Musa ndu̱ Annabikwang ɓa, ɓu̱ gwa dlu̱mndi wor ku̱me njif nggur wa ji mbe mu̱ti ɓa.’ ”

Yokhana 12:37

Aa nu̱ke Yesu wa shi ɗye saidu khang gume wora, kap ndu̱ nang nu̱ maita nda ɓa.

Yokhana 15:24

Nga shi ɗyiku khang chele ɓaanda nu̱ke sar da njif nggur a nje nu̱ shiki ɓa. Mbu̱ nang shi tlu̱nar ku nang ɓa, tu̱ga sola ve wor ɓa. Yang leendang wa woɗa na ɗyiku nang shiki, yang kap ndu̱ nang tu̱ zhangndi nga gha ku, tu̱ yang zhang Zhinkir ɓang gha ku tu̱k.”

Yokhana 2:18

Tu̱ dlegumeku ɓu̱ Yakhudekwang zham Yesu za, “Yang to ka wuɗkya nyi pooni ɗye lazham yerem ma nami nu̱ si chem zu̱n ɗyi nu̱ saki to shi ɗyi no shiki ku nanga na?”

Yokhana 20:29

Tu̱ Yesu ze nda za, “Ai, to maita ku̱me ta na, barkya ve nduki nu̱ke nu̱ na ku ɓa, yang wa maita ku.”

Yokhana 4:49

Tu̱ nu̱ tlu̱nar nang khuɗ Yesu za, “Ku̱man, a ɓo ɗyem me ku̱ woi ɓanga mu̱ɗi.”

Tlu̱nar ɓu̱ Pudeku 14:3

Yang kap ndu̱ nang, tu̱ Bulus ndu̱ Barnaba shoɓ nje maɗyi a ɓalarku ndu̱ memu̱na wor da nu̱ ku̱nshe zalale ɓu̱ Magham. Tu̱ Magham gu̱n su̱ ɓalar mu̱nkir ɓaran nu̱ vu̱rki zalale ye wor tu̱ shi ɗye saiduku ndu̱ ɗye lazhamku.

Tlu̱nar ɓu̱ Pudeku 15:12

Tu̱ tabar ndukyang kap kha yit, tu̱ gwa dlu̱mndi wor ye Barnaba ndu̱ Bulus sarchi nu̱ke a zu̱ labar ɗye saidu ndu̱ ɗye lazhamku nu̱ Magham shiki nu̱ ku̱nshe wor chele nduki nu̱ke ɗya Yakhudeku ɓa.

Tlu̱nar ɓu̱ Pudeku 2:19

Ngga wut ɗye lazhamku mu̱na viɗi, ndu̱ ɗye saidu ku fan vu̱ghai. Tom ndu̱ ɓai ndu̱ qu̱ndi nu̱ke chit khurit.

Tlu̱nar ɓu̱ Pudeku 2:22

“Nyeeza Israila tu̱k ma ɓalar nang. Yesu ye Nazaret ɗya njif nu̱ Magham wutki ye nu za chin wa maita nda shwat. Magham wa wut ye nu ku̱nshe ɗye lazhamku ndu̱ tlu̱nar gwaanji gwaanjiku ndu̱ ɗyiku nu̱ Magham shiki ku̱nshe nda chele ɓaanu, ba wa nun zu̱nki, ku̱me shi ɗyiku nang kap mbu̱ yitonu.

Tlu̱nar ɓu̱ Pudeku 2:43

Tu̱ sawar Magham ku̱s aaki, ku̱me ɗye lazhamku ndu̱ ɗyiku khang nu̱ Magham shiki nu̱ ku̱nshe Pudekwang.

Tlu̱nar ɓu̱ Pudeku 4:30

A do khaaro nu̱ shaanar nduki, to shi ɗye lazhamku ndu̱ ɗye saiduku khang ku̱me dlu̱m maavi ɓaa Shakhshakhndi, Yesu.”

Tlu̱nar ɓu̱ Pudeku 5:12

Pudekwang wa shi ɗye lazhamku khang mbu̱ yiti nduki. Yang nu̱ mbu Yesu kwang wa ka taba nu̱ mbu̱ rafti ɓu̱ Magham mbu̱ kalap ɓu̱ Solomonang.

Tlu̱nar ɓu̱ Pudeku 6:8

Yang tu̱ Istafanus, khuski nu̱ke mu̱nkir ɓu̱ Magham ndu̱ zalale ɓaran nyeedlan mbe nda, shi ɗye lazhamku khang ndu̱ ɗye saidu ku chele nduki.

Tlu̱nar ɓu̱ Pudeku 7:36

Chin a viki ndu̱ wor ɓar tu̱k qu̱rse wa shi ɗye lazhamku ndu̱ ɗye saiduku mbu̱ maa Masar, ndu̱ me Ɗyim gwaanji vyangndang, kom ndu̱ mbu̱ gaari nu̱ shiki sonyi ɗyin vat njang.

Romeku 15:19

Nga shi tlu̱nar ɗye saiduku ndu̱ ɗye lazhamku mbe zalale ɓu̱ Jiimbi shakhshakhndi. Nga ji Urshalima tang baara maari kap ma yir Ilirikum nga wopa Labar Mbarkandi ɓu̱ Masiya.

1 Korintiyeku 1:22

Yakhudeku a gang ɗye lazham ma nanda nu̱ si, Kheleneku a laɓkya kaɗari.

2 Korintiyeku 12:12

Ɗyiku nu̱ wutki puda ɗa ɗye lazhamku ndu̱ ɗye saiduku ndu̱ shir ɗyiku nu̱ke nduk nu̱ su̱n ndu̱ naran ɓa, chele ɓaanu nu̱ke nga shi tlu̱nar ɓang ndu̱ kanaɗyi. Ɗye lazhamku nang wa saida za nga pude nu̱ zhire.

2 Tasalonikeku 2:9

Nduk ka da mbu̱ ɓar ɓu̱ kuji tonggu̱rong nang nu̱ ku̱nshe tlu̱nar ndu̱ zalale ɓu̱ Sheɗan, ka shi ɗye lazhamku, ndu̱ ɗye saiduku, ndu̱ ɗyiku nu̱ke nduk nu̱ su̱n nu̱ naran ɓa.

Yibraniyeku 2:4

Kom Magham wa shaata wut saidu ɓaran nu̱ ɗyine ɓaanda nu̱ shikyang, nu̱ ku̱nshe ɗye saiduku, ndu̱ ɗyiku nu̱ke nduk nu̱ su̱n nu̱ naran ɓa. Kom ndu̱ ɗye lazhamku zum zum, ndu̱ vu̱rtiku nu̱ shakki nu̱ ku̱nshe Jiimbi shakhshakhndi wa nu̱ shimki.