Yokhana 4:42 - Mewar Alqawarang

⁴² Tu̱ nduki Samariya ze nokhzang za, “Nyem maita ku̱me ɗyi no zu̱ki ɗyenda ɓa, leendang chem wa tu̱k nu̱ vaarem, yang chem wa maita tu̱k nu̱ ɗyine shwat khuski nang ɗya Nu̱ ɗanar larji yel.”

Yokhana 4:42 Iomraidhean Croise

Matta 1:21

Ka kha ye khusku, yang to ka qa dlu̱man Yesu, ku̱me chin ka ɗanaki nduki ɓaran mbe solarku ɓaanda.”

Luka 2:32

Ɗya yarang nu̱ke a ma wuɗ Magham ye nduki, chin ke zhaaji ɓu̱ nduki ɓa Israila.”

Yokhana 1:29

Vi dumaaran, tu̱ Yokhana na Yesu a ɓar she nda. Tu̱ Yokhana zu̱ za, “Nggu̱t ma! Wonji Ye gamndi ɓu̱ Magham nu̱ kya da solar ɓu̱ larji ɓara.

Yokhana 11:17

Nu̱ Yesu khu̱lki nje, tu̱ tu̱k za, Liazaru wa shi qaandi vat mbu̱ ku̱jipi gaanje mu̱ti ɓaran.

Yokhana 17:8

Ku̱me ɓalar no zu̱ki ya nga zu̱ ye wora, yang wa dlu̱ ku. Wa zu̱n ku za nga vi sho ro, wa maita ku za ta ru̱kki nga.

Yokhana 4:29

“A ɓa ma tun na khuski ngguri nu̱ zu̱ki kap ɗyi nang shiki ya! Chin ke Masiya ɗo mu?”

Yokhana 4:41

Tu̱ nduki khang tu̱k maita Yesu ku̱me ɓalar ɓaran.

Tlu̱nar ɓu̱ Pudeku 13:23

“Magham a ɓa ndu̱ nu̱ ɗanari ye Israila ve me sham ɓu̱ khuskinang, chin ke Yesu, ba wa nu̱ daki alqawaran.

Tlu̱nar ɓu̱ Pudeku 4:12

“Yang gwar ɗanar a nje nu̱ ku̱nshe njif nggur zum ɓa, ku̱me nu̱ vu̱r dlu̱m nggur ye njif nggur mbu̱ larji nang za nduk ka gwa ɗana nu̱ ku̱nshe nda shwat ɓa.”

Tlu̱nar ɓu̱ Pudeku 5:31

Yang Magham wa vu̱r zhaaji yenda ku̱ khan ve bu̱nan nu̱ zu̱ma tu̱ kha ma dle gume ndu̱ nu̱ ɗanari, ma ku̱ qu̱n njiv ye Israila ku̱ nggoɗ ku tu̱ yaapa solar ɓaanda ye wora.

2 Korintiyeku 5:19

Nu̱ ɗyine Magham a somta chele ɓaarem ndu̱ nduki nu̱ mbu̱ larji nang nu̱ ku̱nshe Masiya. Nu̱ka shiga su̱ solar ɓaanda wa ɗya kudum nu̱ke a ɗyine wor ɓa. Magham wa vu̱r ɓalar somtar yerem.

1 Timoti 4:10

(Chem a bonye ndu̱ wute), ku̱me chem a sa memu̱narem ye Magham nu̱ nyifiri chin nu̱ke ɗya nu̱ ɗanar aaki, yang nu̱ shi wa nduki nu̱ maitaki ɓa.

1 Yokhana 2:2

Chin ke sadke yaapar solar ɓaarem yerem, yang ɓaarem ɗyenda ɓa, ndu̱ solarku ɓu̱ larji gumada.

1 Yokhana 4:14

Chem wa nggu̱ɗi, chem saida tu̱k nu̱ ɗyine Zhinkirang wa ru̱k Yi ɓaran tu̱ kha ma Nu̱ Ɗanar larji.

1 Yokhana 5:20

Chem wa zu̱n nu̱ ɗyine Yi ɓu̱ Magham a ɓa larji tu̱ vu̱r zu̱ndi yerem, ma zu̱n mi nda chin nu̱ke ɗya zhire. Yang tu̱k chem a mbe nda, chin nu̱ke ɗya zhire, kap nu̱ Yi ɓaran Yesu Masiya. Chin ke Maghamndi zhirekandi ndu̱ nyifi nu̱ke nu̱ka shi woɗa ɓa.