Yokhana 4:36 - Mewar Alqawarang

³⁶ Nu̱ ku̱mndang a gwa ɗye ɓi ɓaran, a tabaran a yir si mbu̱ nyifi nu̱ke nu̱ka shi woɗa ɓa, ma ku̱ nu̱ kaɓti ndu̱ nu̱ ku̱mndi shi kashar ku su̱yen.

Yokhana 4:36 Iomraidhean Croise

Matta 19:29

Yang tu̱k, kap njif nu̱ njigki raftiku, aa khachinku khuzuku, aa khachin nusuku, aa ku̱maandi ɓaran, aa mankir ɓaran, aa qusonggi ɓaran, aa damku ɓaran, ku̱me dlu̱ma. Ka gwa dukti ɓu̱ nang sar won, yang tu̱k tu̱ gwa nyifiri nu̱ke ɓu̱ shi woɗa ɓa.

Yokhana 3:36

Aaki kya maita Woyang, wa gwa nyifi nu̱ke ɓu̱ shi woɗa ɓa. Yang aaki nu̱ zhangki Woyang, ɓu̱ na nyifi ɓa, yang shokhnar ɓu̱ Magham a nje kharan ɗyine nda.”

Yokhana 4:14

yang aaki zaki ɗyim nu̱ke ngga vu̱rki yendang ɓu̱ tu̱k khuzhum gana tu̱k ɓa. Ɗyim nang vu̱rki yendang ka kha ma ɗyim nu̱ke a ɓaghar ma yir mbu̱ nyifi nu̱ke nu̱ka shi woɗa ɓa.”

Yokhana 5:24

“Zhire nga zu̱ran ye nu, njif nu̱ka tu̱kki ɓalar ɓanga, tu̱ka maita njif nu̱ ɗa ru̱kki nga, wa gwa nyifi nu̱ke ɓu̱ shi woɗa ɓa. Ɓu̱ kuma nda ɓa, wa woɗa lawar me mu̱ti wa gwa nyifiri.

Romeku 1:13

Nyeezaku, nga shim zu̱n nu nu̱ ɗyine ngaa shim ɓar she nu sar khang, yang ma ɓar meeni wa nggu̱tli nga shir wanang. Ɗyi nu̱ saki tang shim ɓarang chin ke, ku̱ gwa nga tang wopa Labar Mbarkandang chele ɓaanu tu̱ nduki maita, ba wa nang shiki chele nduki nu̱ke ɗya Yakhudeku ɓa.

Romeku 2:7

Nduki a nje nu̱ke a kaala gorkir ndu̱ zhaaji nu̱ke nu̱ka shi woɗa ɓa. Nang ke nduki nu̱ shiki mbarkir mbe kanaɗyi, wor ke nduki nu̱ke Magham a ma vu̱r ɗye ɓi nu̱ nyifiri nu̱ke ɓu̱ shi woɗa ɓa ye wora.

Romeku 6:22

Yang leendang wa dli ɗyinonu, tun lawa mbe sola, tun wa kha ma maaviku ɓu̱ Magham. Boote ni chin ke tun wa kha wakaran, yang tun ka gwa nyifi nu̱ke ɓu̱ shi woɗa ɓa ku̱men.

Romeku 6:23

Jiwa ɗye ɓi ɓu̱ sola chin ke mu̱ɗi, yang vu̱rti ɓu̱ Magham chin ke nyifi nu̱ke ɓu̱ shi woɗa ɓa, nu̱ ku̱nshe Masiya Yesu Zhinerem gwaanji.

1 Korintiyeku 9:17

Mbu̱ nga shiran ku̱me shimndi ɓanga, tu̱ga wa ku̱s ku̱ ɓiiri nga. Yang nu̱ke nga shiran ku̱me shimndi ɓang ɓa, wa kha ma tlu̱nar ɓanga.

1 Korintiyeku 9:18

Yang nu̱m ke ɗye ɓiiri ɓanga? Ɗye ɓiiri ɓanga chin ke, mbu̱ nga wopa Labar Mbarkandang, tang shir nda bam. Nang ka shi boote ndu̱ zalale nu̱ke a khara kap mbu̱ tlu̱nar wopar Labar Mbarkandang ɓa.

1 Tasalonikeku 2:19

Jiwa nu̱m ke ɗye sar memu̱na rem, ndu̱ kashar ɓaarem, ndu̱ ɗye zhar nu̱ zhaaji ɓaarem gume Zhinerem gwaanji Yesu fu̱ɗa ɓar ɓaran, mbu̱ tun ɓa?

1 Timoti 4:16

To ku̱r vaaro ndu̱ shogar nu̱ke ta shiran. Gu̱n soro to zu̱m guma ndu̱ ɗyiku nang, ku̱me mbu̱ ta shi wanang, to ka ɗana vaaro ndu̱ nduki nu̱ke a gwa dlu̱mdi wor yoro.