Yokhana 4:3 - Mewar Alqawarang

³ Nu̱ Yesu gwaki labar nang tu̱ njig dlar ghai Yakhudiya tu̱ gaɓ nu̱ Galili.

Yokhana 4:3 Iomraidhean Croise

Matta 10:23

Mbu̱ wa vu̱r bonye ye nu mbu̱ ghai nang, tun ɗan mbu̱ ghai nu̱ke a guma. Ngaa zu̱ zhire ye nu, me ku̱ baara nu ɗyin ghaiku nu̱ Israila kap Yi ɓu̱ nduk kaɗa gaɓi.

Markus 3:7

Tu̱ Yesu ndu̱ nu̱ mburi nda kwa njig mbu̱ ghayang tu̱ ɗu̱ ku me ɗyim chitndi nu̱ Galili, tu̱ yang ndukiku khang maɗyi nu̱ ɗa viki ku mbu̱ dlar ghai Galili ndu̱ Yakhudiya mbu gaanje nda ku.

Luka 17:11

Nu̱ Yesu ku̱ski njiv ma yir Urshalima, tu̱ mbu ɗyin koɗokh nu̱ shakki chele ɓu̱ dlar ghai Samariya ndu̱ Galili.

Yokhana 1:43

Ɗaatlu̱maaran tu̱k Yesu a shim yir Galili tu̱ gwa Filibus tu̱ ze nda za, “A mburi nga.”

Yokhana 10:40

Kom tu̱ Yesu gaɓ nu̱ dlar Gaawu Urdun, ye maa nu̱ke Yokhana shiki baptisme nu̱ gumapaalyang, ta kha gha fara.

Yokhana 11:54

Ku̱me nang Yesu nu̱ shi yir chele ɓu̱ Yakhudeku ye dalang tu̱k ɓa, tu̱ yang njig ye maaranang, tu̱ mbu ghai nu̱ke a bing ndu̱ me gaari, tu̱ vi nu̱ mbu̱ ghai nggur nu̱ka qaki za Ifraimu. Tu̱ kha gha ku nje ndu̱ nu̱ mburindakwang.

Yokhana 2:11

Nang ke ɗye lazham nu̱ khaki ma ɗye saidu nu̱ gumapaali nu̱ Yesu shiki, yang shir nda Kaana nu̱ke a mbu̱ dlar ghai Galili. Wa wuɗ zhaaji ɓaran, tu̱ nu̱ mburindakwang maita nda.

Yokhana 3:22

Qu̱rsan, tu̱ Yesu ndu̱ nu̱ mburi nda kwang ɗu̱ ku mbu̱ dlar ghai Yakhuda, tu̱ shoɓ nje a baptisme ye nduki.

Yokhana 3:32

A saida kya ɗyi nyin naki chin tu̱ki, yang kap ndu̱ nang nduk a nje nu̱ dlu̱ki saidu ɓaranang ɓa.

Yokhana 4:47

Nu̱ khuski nang tu̱kki za Yesu a ji dlar ghai Yakhudiya yang a khu̱l mbu̱ dlar ghai Galili, tu̱ ɗu̱ she nda tu̱ khuti nda ma ku̱ ɗu̱ ku̱ ɗa shaana woi ɓaran nu̱ke a me mu̱ti yenda nu̱ gha.

Yokhana 7:1

Gaanje nang tu̱ Yesu baara mbu̱ dlar ghai Galili, yang nu̱ shim yir mbu̱ dlar ghai Yakhudiya ɓa, ku̱me Yakhudeku nu̱ke a far a shim tlagha nda ku.